|
AnnaMolly RR -> RE: РР помош за наша форумџика (8.2.2012 12:37:08)
|
Јас особено се радувам на средбава зашто за првпат ќе имаме дружба со децата со посебни потреби, со Ребека и нејзиното здружение „Дајте ни крилја“!
Средбава ќе ни биде малку поинаква и потопла зашто ќе биде збогатена со тие дечиња коишто едвај чекам да ги запознаам!
Многу се радувам што и нашите дечиња ќе имаат шанса да се дружат со децата со посебни потреби и да си склопиме нови пријателства, па и следните дружби ќе ни бидат побогати и поубави!
Како што пишува Ребека на нивниот сајт:
„Лицата со хендикеп треба да бидат ставени на пиедестал, згрижени, почитувани, сакани, прифатени и разбрани. Тие се тука мегу нас, не треба да се плашиме од нив, ниту да ги избегнуваме. Тие се наша одговорност, на секој од нас по малку, а не само на државата, тие се огледало на нашата социјална одговорност и солидарност. Тагата, тежината која тие ја имаат е поголема од тоа да не можеме да ги погледнеме и да им помогнеме затоа што нам ни е тешко да тагуваме над нивната судбина. Треба да им пружиме рака, да им помогнеме и да им дадеме крилја.“
Затоа сигурна сум дека оваа посебна дружба ќе биде една од поубавите што сме ја имале зашто ќе се случуваат две прекрасни работи - хуманитарната акција за самохрана.мајка и дружење со златните дечиња од здружението!
Ве очекувам во голем број, а забавата е загарантирана!
|
|
|
|