|
miana -> RE: Кравјо млеко (8.5.2013 14:57:44)
|
Devojki,eve denes sto procitav i me izraduva...
Od sega ke go koristam ova mleko
Трајно млеко со десет витамини кои се особено значајни за правилен раст и развој на децата, промовираше денеска Битолска Млекара.
Прво македонско трајно млеко препорачано од Здружението на педијатри на МакедонијаСе работи за млеко кое е прво од овој тип во земјата, па и поширокиот регион.
,,Нешто ново на нашиот пазар. Не само на нашиот пазар, туку слободно можам да речам и пошироко на млеко кое ете се појавува прв пат со 10 витамини. Бимилк како лидер во млечната индустрија ја има одговорноста кон своите потрошувачи и за таа одговорност треба секогаш да стои со основните столбови на нашата политика и мисија, а тоа е пред се безбедност и врвен квалитет“, вели Златко Најдовски, директор на Битолска Млекара.
Од млекарата објаснуваат дека единствено во млекото во текот на годината се јавуваат сезонски колебања на содржината на витамините. Оттука е идејата се развие нов производ по пат на фортификација на стерилизираното млеко со витамини со цел да се обезбеди постојано присуство на соодветна содржина на витамини во млекото.
,,Се одлучивме за фортификација со 10 витамини и тоа витамините А,Д и Е, витамини кои што се растворливи во масти, земајќи ја во предвид потребата од витаминот Д кај децата заради калцификација на коските, витаминот Е како еден многу моќен антиоксиданс, витаминот А за добар вид, и збогативме со витамини од групата Б кои што генерално учествуваат во многу ензимски реакции кои што го овозможуваат метаболизамот на јаглените хидрати и протеините, добри се за заштита на нервниот систем, за нова енергија, за здрава кожа. Тука би го издвоила и витаминот Б9 односно фолната киселина која што се препорачува кај трудниците во периодот на органогенезата“, вели Радмила Чобанова Василевска, директор за контрола на квалитет во Битолска Млекара.
Новиот производ е првото македонско трајно млеко препорачано од Здружението на педијатри на Македонија.
,,Ние имавме долготрајни разговори и договори околу структурата, околу витамините, концентрациите на витамините. Особено имајќи го во предвид соодност на калциумот и фосфорот во кравјото млеко и на Д витаминот “ ,вели Др.Александар Сајковски, Претседател на Здружение на педијатри на Македонија.
Од млекарата велат дека посебно е добро ова млеко да го конзумира младата популација, но корисно е и за сите останати, за организмот кој има забрзан метаболизам, кој што секако бара поголем внес и поголема содржина на витамини.
Извор - Канал 5 Телевизија
|
|
|
|