|
mila28 -> RE: Што сте во хороскоп? (5.1.2013 12:40:45)
|
Хороскопските знаци како родители [sm=smiley36.gif]
Sвездите кои ни откриваат што не прави посебни и поинакви во споредба со другите како родители.
Овен
Што и да мислите за себе, ако сте родени во знакот Овен, децата ќе ве доживуваат како тврдоглава личност која не ја почитува нивната индивидуалност. Зошто? Бидејќи, суетни по природа, вие секогаш ќе „кроите“ големи планови за иднината на своите деца, убедени дека знаете што е најдобро за нив. Но, колку и да ги „отекувате“ пријателите со приказните дека се што правите е за доброто на децата, ретки се примерите кога навистина за нив би жртвувале нешто што ви причинува задоволство. Дури и кога се работи за откажување од пушењето. Значи, децата би требало да ви се прилагодат вам, а не вие ним. Затоа, ќе ви треба многу стрпливост и толерантност ако вашите деца се родени во знакот на своеглавите Овен, Бик, Лав, Шкорпија и Јарец. Додека со цел да ги сфатите чувствителните Ракови и Риби, можеби ќе биде најдобро да се посоветуваат со психолог.
Бик
Ѕвездите тврдат дека најмногу трпение и нерви за своите деца имаат Биковите. Па, ако сте родени во овој знак тогаш не е чудно што сте во состојба по цела ноќ да ги успивате своите расплакани деца. Способни сте со часови да редите коцки со нив. Умеете со свои раце да направите вистински ремек-дела од нивните роденденски торти. Од мигот на нивното раѓање штедите за нивната иднина. И веројатно како повозрасни децата секогаш ќе ви замеруваат за вашата посесивност и желбата да го контролирате нивниот живот. Но, бидете убедени дека тие ја ценат вашата стабилност и знаат дека можат секогаш да сметаат на вашата помош. А, ако се тие родени во знакот Овен, Лав, Шкорпија и Водолија, тогаш ќе ви се допаѓа нивната упорност. Но, честопати ќе ги „вкрстувате роговите“ со нив заради нивниот силен карактер.
Близнаци
Како по некое правило, вие потполно неподготвени го дочекувате раѓањето на детето. А потоа маки мачите со неговото подигање и воспитување. Но, снаодливи какви што Господ ве создал, вие ќе најдете излез од критичните ситуации. Ако ништо друго, секогаш при рака имате по неколку личности што ви се наоѓаат и во добро и во лошо. Сепак, барем се трудите подлабоко да навлезете во светот на вашите деца, во нивниот начин на размислување, умеете со часови да разговарате со нив, да станете дете во детските игри. Притоа, секогаш ќе ви недостасуваат авторитетот и строгоста. Тоа први ќе го забележат и искористат нескротливите Овни и Шкорпии. Децата Бикови, Девици и Јарци ќе бараат да станете сериозни. Раковите ќе ги обожаваат вашите приказни. А, Рибите ќе бараат повеќе грижа и љубов.
Рак
Меѓу родителите на кои децата им се се на светот, вие се наоѓате на врвот од табелата. Па, иако пријателите ќе им се чудат на вашите навики, вие грижливо ќе ги забележувате сите значајни податоци за своите најмили, датумот кога излегло првото запче, мигот кога прв пат кажале тато и мама, денот кога го направиле првиот чекор. Можеби непотребно бидејќи и онака, тие мигови ќе ги помните до крајот на животот. Носталгични по природа, вие ќе ја чувате и нивната облека, првите бенкици и чевличиња, останувајќи цел живот цврсто поврзани со своите деца. И токму тука се јавува проблемот. Честопати не сфаќајќи дека вашите деца имаат право на сопствен живот, вие нема да им помогнете да ја пресечат папочната врвка. Тоа најмногу ќе им пречи на децата Водолии, Близнаци и Ваги. На Девиците вашата емотивност ќе им делува патетично. Додека Рибите вечно ќе уживаат во вашата заштита и галење.
Лав
За вас велат дека просто „зрачите“ со гордост додека ги изнесувате своите деца на прошетка. За вашите принцови и принцези ништо не е доволно добро. Ги фалите на цел глас пред секого и како ранета ѕверка се борите за нив. Но, тука не можете да си помогнете, бидејќи тоа го бара природата на знакот во кој сте родени. А, децата откако ќе пораснат сигурно ќе ви префрлат дека всушност никогаш не сте воделе сметка за нивните желби, туку преку нив сте ги остварувале своите неостварени амбиции. Па, ако се тие родени во знакот Овен, Бик, Лав, Шкорпија или Јарец, тогаш сигурно рано ќе го напуштат домот, превземајќи ја својата судбина во свои раце. Останатите, привикнувајќи се на идејата некој друг да ги решава нивните проблеми, никогаш нема да се оттргнат од вашата сигурна, но цврста прегратка.
Девица
Облеката на вашите деца ќе биде секогаш чиста и прикладна. А, вие ќе ја прочитате целата поучна педагошка литература уште пред тие да се родат. Ќе се трудите кај нив да ја развиете смислата за практично, уредноста, точноста и прецизноста. А, како и не би го сториле тоа, кога од вас зборуваат поривите на една педантна Девица. Но, не заборавајте дека животот со вас знае да биде и напорен. Бидејќи постојано сте загрижени за нешто и претерувате со стравот од секакви зарази и болести. Ако на тоа се надоврзе и потребата да ги критикувате своите деца, тогаш на Овенот и Бикот ќе им замерите за недисциплината. На Ракот за пречувствителноста. На Рибите за нередот. Близнаците, Стрелците и Водолиите ќе ве нервираат поради неодговорноста. Додека децата Шкорпии ќе ве доведат до работ на „нервниот слом“ со својот инает.
Вага
Познати сте како исклучително толерантен, благ и „разумен“ родител, кој настојува сите проблеми со децата да ги реши со разговор. Културата и образованието за вас се највисоки вредности во животот, затоа чести ќе бидат и семејните посети на театрите, музеите и кината. Додека, часовите по балет, музика и цртање, ќе бидат составен дел од секојдневието на вашите деца. А, бидејќи животот на една Вага секогаш се “врти” околу партнерот, односот со него ќе биде пресуден во воспитувањето на децата. Вие не сакате за ништо да одлучувате сами. Па, ако сте вљубени во партнерот, децата би можеле да се почувствуваат запоставени. А, кога бракот е лош, вашата фрустрација ќе се одрази и во односот со децата. На тоа децата Овни и Шкорпии ќе одговорат со агресивност и инает.
Скорпија
Посесивни и принципиелни, вие секогаш ги држите своите деца „на око“, постојано со нешто ги ангажирате. Па вашите миленици уште од “мали нозе” знаат се и сешто. Но, навикнати на тоа, сите во семејството безусловно да ги почитуваат вашите правила, сметате дека е доволно да ги предупредите со поглед вашите деца, за тие да знаат што треба да направат. И нормално тука не помагаат нивните солзи. Затоа децата ќе можат да здивнат кога ќе си заминат од домашното огниште. Меѓутоа, ако се тие родени во знакот Рак, Девица и Риби, дури и тогаш ќе чувствуваат дека го следите секој нивен чекор. Додека децата Овни, Бикови, Лавови, Шкорпии, Јарци и Водолии ќе покажат дополнителен отпор. А, своето незадоволство ќе го изразат преку лошите оценки и преку агресивното однесување кон своите врсници.
Стрелец
И како родители вие го задржувате својот авантуристички дух. Но, имате целосна доверба во своите деца. Па, од најрана возраст ги носите со себе, бидејќи според вас тоа што се мали не е причина тие да останат дома. Се трудите со вистински играчки да ги развиете нивните интелектуални способности. На сите детски прашања одговарате крајно искрено и отворено. Меѓутоа, ако сте навистина искрени, ќе си признаете дека во ситуациите кога не можете да патувате со партнерот и децата, тоа сигурно ќе го направите сами. Вие никогаш заради децата нема да се откажете од забавата, излегувањата и друштвените обврски. Во такви ситуации, оставате вашите деца да ги чува некој друг. И можеби таквите пропусти ќе се трудите да ги покриете со различни подароци и со претераната попустливост. Но тоа нема да ја исполни празнината во детската душа. Поради тоа, Раковите, Девиците, Шкорпиите и Јарците нема никогаш да ви простат.
Јарец
Сериозни по природа, вие и својата родителска улога ја сфаќате многу сериозно и одговорно. Па, додека многумина ве обвинуваат дека сте премногу строги и авторитативни, вие само се трудите да ги подготвите своите деца за животот кој не е премногу благ и милостив. Вие не ја толерирате детската непослушност. На своите деца од најмали нозе им поставувате разни задачи и обврски со цел да им ја всадите желбата за работа и способноста за организација. Но од друга страна вие сте најдобриот раскажувач во Зодијакот. Па, вашите приказни се инспиративни, силни и сликовити, што е гаранција дека нивната поука ќе остане долго врежана во умот на вашите деца.
Водолија
За вас велат дека искинатите панталончиња по „освојувачкиот поход“ на вашите деца и исшараните ѕидови во дневната соба, воопшто не ве возбудуваат. Тоа за вас е нормално, бидејќи се трудите да ја развиете креативноста кај своите деца, да ги охрабрите на самостојност и слободно искажување на иницијативата. А, бидејќи сте свесни дека воспитувате деца за иднината, вие со нив ќе разговарате како со возрасни и што е можно побрзо ќе ги седнете пред компјутерот. Значи, не инсистирајќи на дисциплина вие ќе им бидете „по мерка“ на вашите деца. Но вашата хировитост и претераната променливост би можеле да се покажат како пречка во воспитувањето. Тоа нема да ви го простат Овните, Биковите, Шкорпиите, Раковите и Јарците.
Риби
За родените во знакот Риби, ѕвездите тврдат дека се секогаш распнати меѓу својот внатрешен свет, желбата да го задоволат партнерот и децата. Покрај тоа, вие речиси секогаш сте конфузни и не знаете што навистина сакате. Многу често го менувате расположението, ставовите и приоритетите во животот. Така создавате збрка и во главите на вашите деца. Уште повеќе што заради недостатокот на доследност и цврста рака, вие речиси редовно им попуштате на децата подривајќи го својот авторитет. Затоа децата Девици и Јарци уште од рана возраст ќе започнат да се грижат и за себе и за вас. Близнаците и Стрелците ќе ве нервираат со непресушните прашања. А, Овенот, Бикот, Шкорпијата и Лавот иако ќе ве тешат, ќе се обидат рано да избегаат од вашата близина.
|
|
|
|
