|
Mihaela 2010 -> RE: Колку сте задоволни од условите во детските градинки? (15.8.2013 15:44:32)
|
Се очекува до крајот на годината да се реализираат најавените промени во Законот за детска заштита, со кои воспитувачките и негувателките во градинките ќе мора да добијат лиценца за работа ако сакаат и во иднина да работат со деца. Ова е последната најава што ја добиле воспитувачите што работат во државните градинки од надлежните во Министерството за труд и социјална политика. Велат дека со измените ќе се воведе нова форма на згрижување, воспитание и образование на деца од претшколска возраст - центар за ран детски развој, следење на присутноста на децата и кадарот во градинките, како и ќе се воведе електронско досие за децата со информации за нивните активности и афинитети или евентуални проблеми.
- Во моментов немаме најави што конкретно ќе треба да исполни еден воспитувач за да ја добие потребната лиценца. Но очекуваме наскоро да се реализираат измените во законот - изјави Вита Јаковлевска, директорката на градинката „Пролет“ во скопската општина Карпош.
Марија Ангелова, директорката на градинката „Снежана“ во Чаир, пак, очекува до крајот на годината таа и нејзините колеги да се стекнат со соодветна лиценца за згрижување и воспитување на деца.
- Обуката на воспитувачите и негувателите и полагањето на тестовите ќе бидат пресудни за добивање лиценца за работа со деца - додава Ангелова.
Од ресорното министерство велат дека треба да подготват испити за воспитувачките и за негувателките, а ист таков испит е предвиден и за оние што ќе конкурираат за директорските места во градинките.
Поранешниот министер за труд и социјала, Спиро Ристовски, кој го најави овој проект пред една година, рече дека е неопходно стручниот кадар да се усогласи со новото време, односно, дека едно било да се воспитува и згрижува дете пред триесетина години, а сосема се други околностите сега.
Во електронското досие ќе биде содржан целиот индивидуален план за работа врз основа на потенцијалите на детето. Секој ден ќе се бележат достигнувањата и тешкотиите со кои се соочило детето, а родителите за тоа ќе бидат известени на крајот на работната недела.
Според податоците на министерството, во државата функционираат 54 детски градинки во 43 општини. Во нив се згрижуваат околу 26 илјади деца.
Во градинките има околу 3.750 вработени. Од нив, некои се вработени со договор на дело, со договор на определено, а дел се и на неопределено.
Go citam ova sega i mi izgleda na dosta dobra idea..
Pogotovo mi se dopadna delot kade sto sekoe dete ke ima svoe dosie,ke go sledat vo tekot na cela nedela i krajot na nedelata ke go izvestat roditelot kakvo bilo deteto preku celata nedela...
Da vidis da ne veruvas
|
|
|
|