ИЗВОРНА ПОРАКА: AnnaMolly RR

Според мене, условите во градинката на Филип се и повеќе од задоволителни. Сум пишувала стопати, ама еве ќе повторам.
-лани од темел е реновирана градинката, со нови прозори, врати, подови и мебел (шкафови, маси, столчиња)
-чисто е секогаш
-јадењето им е одлично, разновидно
-воспитувачките во неговата група се одлични, а тоа се гледа по Филип, ги учат, ги едуцираат, многу убаво ги анимираат

Честопати се организираат работилници со родители, учителките секогаш се расположени за разговор. Ние со родителите се менуваме еднаш месечно праќаме фотоапарат да ги сликаат во текот на денот децата и имаме милион слики, се гледа како убаво си играат и си учат децата, како си јадат на масички, како се мијат рачиња...

Јас сум презадоволна од неговата градинка.

ИЗВОРНА ПОРАКА: sandriana RR

Дај Боже да профункционира, ама не ми се верува и мене.
Оваа недела кај Т во група, попладне е само една негователка (другата е на боледување), па сама се бори со 20 и кусур деца.
Фер би било и кон децата и кон соодветниот неварботен кадар да примат барем волонтери, па да имаат децава занимација и надзор.
Има ли негде официјално да се произнесеме по таа дискусија, да се потипше петиција, да се спроведе до надлежното министерство?

ИЗВОРНА ПОРАКА: Bethany RR

Денес и званично бевме во градинка, бевме кај педагог, се запознавме со воспитувачките, со децата, всушност некое време поседевме внатре и прашавме што не интересира.
Ќе тргнува званично од први март, ама за некој ден ќе почнам да го носам по саат време и јас ќе бидам со него за да се адаптира на новата средина. Инаку, на него многу му се допадна, ама дали дека и ние бевме со него

Што се однесува до условите, оваа градинка е најдобра од сите тука. Може и подобро секако, ама барем личи на некоја детска установа, доста е голем простор и што е најбитно, не е гужва бидејќи е така малку на крај од градот, па луѓето повеќе се одлучуваат на таа што е во центарот, да им биде успат.
Денес беа околу 15 деца, во тоа време беа составени помалата група со групата на син ми, ама тоа само привремено, и со нив беа 4 воспитувачки. Хехе, добро е, барем можат се да постигнат.
Жените (воспитувачките) беа толку отворени и љубезни, се ме испрашаа за него, сака ли да јаде, што прави, како прави, разговараа со него, дури и ми кажаа дека ако нешто не сака да јаде ќе му правеле нешто друго. Јас им кажав да нема потреба тоа да прават бидејќи не сакам на такво што да го учат, ама битно е што навистина беа отворени за да помогнат во се.
Ми кажаа дека ќе учат песнички, дека ќе имаат и физичко, посебно сега кога е потопло времето ќе излегуваат надвор, сега учат на темата мајка поради 8. март и така. Ќе бојат со боички во росица итн.
Единствено ми се пожалија дека немаат баш многу играчки, ама па ги има дома, таму не му ни требат ако се организирани со активностите.
Ете, мене ми се допадна првиот впечаток, па ќе видиме понатаму. Се надевам дека Ј ќе биде задоволен и среќен