ИЗВОРНА ПОРАКА: Боцко

темата што ја покрена мами ме поттикна на ова место да кажам нешто повеќе за себе.
јас сум роден со вроден хендикеп. рацете ми се пократки и свиткани навнатре а палците неразвиени. во детството многу се измачував поради тоа, но сега на тоа гледам многу поинаку. знам колку вредам и можам. тоа не само што не ми пречи, туку и се гордеам со себе. еве зошто:
- во мое време немало ехо. благодарен сум што е така бидејќи сум жив.
- мојот хендикеп не е генетски. од 3 деца само јас сум ваков, сестрите сосем ок. стефан е исто така нормален.
- причина: во тек на развојот, папочната се замотала околу рацете и се спречило развивањето.
- мајка ми ме одгледала како нормален, за што сум посебно благодарен. така, не користам никакви ортопедски помагала, пливам, играм пинг-понг, возам точак, куцам на компјутер, имам дозвола и возам веќе 15 години без преправки на автомобилот. ах, да, ќе заборавев, вежбам јога и дигам тег од 16 кила (стефан) секој ден по неколку пати.
- природата земала, но и дала. па од малечко сум бил паметен (така викаат).
- научив прво да се прифаќам а сега и да се сакам себеси. тоа ми даде ведрина, па лесно склопувам познанства и нови пријатели. имам многу пријатели и луѓе кои ме сакаат.
- дипломирав на филолошки. таму ја запознав сопругата, сосем нормална. поради тоа многу ја почитувам и сакам. многу ризикуваше за мене, но многу и добивме заедно. стефан е закон.
- животот е убав и треба да се живее со секој атом од духот и телото. еден е и не треба да се троши попусто. гледам напред, имам за што и кого да живеам и благодарен сум му на секој нов ден кога ќе се разбудам.
- верувам во себе, па затоа имам пријатели од сите вери и националности.
- порано ме сожалуваа но денес ме гледаат како рамноправен. ми помагаат многу и тоа знам да го ценам.
- имам своја фирма и бележам успеси на деловен план.

ве сакам и почитувам како свое семејство и поради тоа го напишав сето ова. искрено до крај.