|
Bethany -> RE: Болести кои ни ги носи градинката (20.3.2014 12:57:00)
|
Еве ме на темава... Не дека е страшно нешто ама ми е нешто ново.
Имаме нов педијатар што го избрав за син ми (по препорака).
Претходниот не ми се допаѓаше, немав доверба, па го префрливме кај наш општ матичен, ама увидовме дека педијатар сепак е педијатар, па се префрливме пред некој ден кај една стара докторка педијатар која е ептен детална.
Ј откога тргна во градинка почна да му се затнува носето и еве сега после 3 недели се уште е затнат, преполн со секрет. Слабо спие, на сила јаде, храна му се гади, секретот го тера на повраќање.
Е сега крвна слика е одлична, покажуваше вироза, чекаме резултати од брис од носето, а за тоа време одиме само на инхалација и плус една радикална метода како јас ја викам, а тоа изгледа вака: сестра и докторка го навалуваат напред , со главата скроз до земјата, го тапкат под плеќите, додека почне да кашле, потоа го исправуваат, му ставаат шпатула во грло и провоцираат повраќањето за да го исфрли тој секретот. И навистина секогаш поврати топки од секретот, тие насобрани веќе некаде долу во дишните патишта (не знам ни јас каде )[sm=zmeden.gif]
Денес имав еден разговор со докторкава и таа ми објасни дека на тој начин МОРА да се исчисти инаку може да стане хронично.
Тоа е нејзин начин на работа, инхалации и чистење, ако некој брис покаже само тогаш антибиотик. Ј е се уште со црвено грло, крајници атрофирани, ама она се уште не смета дека треба нешто. Нема температура, весел си е преку ден, ама јас веќе немам трпение и сила. Таа денес ми кажува дека тоа е мојот избор и јас и верувам на неа, ама секој ден овакво чистење хмм, баш е другачији пристап од она на што навикнав.
И ја прашувам до кога овака , таа вика можеби недела, две, два месеци, додека целосно не се исчисти бидејќи е полн со секрет, ако сакаме да видиме резултати, а не после на секое настинување затнат нос кое понатаму поминува во хронична состојба.
Ми вика така и прават на децата во детска клиника и во Козле, само што родителите не се присутни, јас прв пат кога видов ми беше многу жал, сега веќе си велам ајде и и верувам за неговото добро е, па и не ми е толку страшно. Таа ме подучува мене да и јас така треба да правам дома, ама нема шанси веднаш и кажав. И така, сешто се изнапишав, и чекам да видам некој напредок, мада сум веќе со сила и трпение пред крај.
Ај баш ќе видам кога ќе го видиме крајот. А докторкава вели дека при овакво детално чистење не се виделе некои пацијенти со години.
Јас за тоа се држам само. [sm=smiley13.gif]
|
|
|
|