Еца
|
. Вакцините против свинскиот грип не се безбедни и нема докази оти се ефикасни. Зад оние што ви велат да се вакцинирате стојат огромни конфликтни финансиски интереси. Целата кампања за вакцинирање е поврзана со профитот, политиката и со контролата на населението. Како еден од лицата што го развија „оксисилвер“, кој ја елиминира потребата од ризични вакцини и токсични антибиотици, лично сум искусил како криминалните индустриски гиганти ги потиснуваат евтините и ефикасни природни лекови, кои се без ризици.
Монополистичкото влијание на семејството Рокфелер врз американската медицина, јавно здравство, геополитика и врз глобалната економија е јасно ако малку ја проучувате историјата. Дејвид Рокфелер е основач на организацијата „Партнерство за Њујорк “, во која удел има и американската влада, а која својот криминал го прикрива зад превезот на јавното здравство. Светската здравствена организација (СЗО) е контролирана од парите на Рокфелер, а токму нејзините претставници создадоа нова терминологија за опис на вирусите, која само отежнува да се разбере што се случува во лабораториите за грип. Токму овие експерти ги насочуваат американските владини претставници, кои лажно тврдат дека вакцините се безбедни и ефикасни. Вистината е сосема поинаква, односно не се спомнуваат несаканите ефекти што се појавуваат шест недели по вакцинацијата, вклучувајќи ги и многуте заболувања, па и смртните случаи што ги предизвикува вакцината, чии состојки се отровни и потенцијално смртоносни.
Според голем број генетички аналитичари и водечки виролози, појавувањето на епидемијата на Х1Н1 во април 2009 година е мошне сомнително, исто како што беа сомнителни епидемиите и во 1976 и во 1977 година. Неверојатно брзата стапка на мутација на вирусот на свинскиот грип сугерира дека тој е создаден во лаборатории и дека е намерно пуштен од нив. Во корист на ваквата теза е и фактот дека вирусот во САД се појави прво кај две деца, кои не се во роднинска врска и беа оддалечени 100 километри едно од друго во Калифорнија, по што се појави во Мексико, кај лица кои не биле во контакт со двете деца. Покрај ова, уникатниот вирус има гени од типовите птичји, свински, шпански и обичен грип, што е без преседан во историјата на природната селекција и во еволуцијата на видовите.
Од друга страна, претставниците на американската влада што се надлежни за контрола на „биолошката подготвеност“ против овој мутиран грип Х1Н1, како и за вакцинацијата и за карантините, тврдат дека епидемијата настанала по природен пат. Овие т.н. експерти, занемарувајќи ја историјата и епидемиологијата, го повторуваат истото неубедливо објаснување дека на некој начин и некаде вирусите на птичјиот, свинскиот и шпанскиот грип се испомешале. Нивните изјави на некој чуден начин коинцидираа со медиумските извештаи за новата биотехнологија што може да произведе вакцини што наводно се безбедни и ефикасни против новиот вирус Х1Н1. Дополнително, суштински докази ги инволвираат Дејвид Рокфелер, славните федерални агенти, агенциите и производителите на вакцини, кои ги контролираат водечките медиуми, за организиран криминален заговор за профитирање од создавањето и почнувањето на оваа пандемија. Ова е познато како „лажна“ пандемија. Ваквата „лажна“ операција, всушност, е тајна операција спроведена од владите, корпорациите, чија цел е да изгледа дека е извршена од други ентитети, во овој случај природата. Неколку дена пред првите медиумски извештаи за свинскиот грип во април 2009 година, корпорацијата „Новавакс“, која е партнер на компанијата „Џенерал електрик“, која пак, е косопственик на „Њуко“ со медиумскиот магнат Руперт Мердок, предизвика страв во јавноста со соопштението во кое се наведува дека вирусот на смртоносниот птичји грип Х5Н1 е дел од вирусот Х1Н1, иако тоа не е така.
„Лажната“ епидемија на мексиканскиот грип доведе до пораст на акциите на „Новавакс“. Покрај „Новавакс“, и „Мерк“, која ги произведува вакцините за пневмонија и Х1Н1, оствари огромен профит од стравот што беше создаден од медиумските извештаи и од најавата за епидемија. „Мерк“ е најголемиот светски производител на вакцини и на лекови. Компанијата не само што профитираше од продажбата на вакцините против Х1Н1, „пнеумовакс“ и „цсл“, туку таа е одговорна и за ширењето на сидата преку заразени вакцини против хепатитис Б. Од зделката со вакцините профитира и Руперт Мердок, кој заедно со Дејвид Рокфелер и Лојд Бленкфајн од „Голдман Сакс“ е копретседател на најмоќниот светски картел за лекарства, биотехнолошката фондација што како партнери ги вклучува и владата на сојузната држава Њујорк, како и администрацијата на САД. И двете влади ги купуваат вакцините од другите партнери во оваа организација, која всушност, е „Партнерство за Њујорк“.
Американските власти се виновни за тоа што неодговорно се однесуваат при тестирањето на вакцините, односно не ги тестираат доволно долго за да се осигураат дека тие се безбедни и дека нема да предизвикаат разни болести или прерана смрт месеци или години по вакцинирањето. Понатаму, доста е проблематичен и фактот што американската влада се потпира врз истражувањата и податоците што ексклузивно доаѓаат од фармацевтските компании, односно од производителите на вакцини, кои постојано манипулираат со податоците само поради профит. Здравствените власти во САД го занемарија образованието на јавноста за алтернативните методи на лечење, наместо вакцинирањето, а воедно учествуваа и во создавањето на смртоносната пропаганда, која предизвика страв и фобии кај луѓето, ситуација што доведува до зголемено користење на антидепресивни лекарства со опасни последици. Американските власти се виновни и за намерното мешање на значењето на поимите „вакцинација“ и „имунизација“, при што првиот се однесува на административниот процес за вештачка интоксикација, додека другиот се однесува на природниот одбранбен процес, кој се создава по природното изложување на вируси и бактерии. Според досегашните истражувања, автоимуните реакции на вакцините, па дури и разните видови рак, се предизвикани од комбинациите на нестабилни вируси и тие најчесто се појавуваат месеци или години по вакцинацијата. Испораката на нови вакцини против Х1Н1, кои содржат живи привидни вируси и го заразуваат генетичкиот материјал, кој може да се искомбинира со постоечки вируси и да го зголеми ризикот од уште посмртоносни пандемии. Исто така, спорни се и напорите на американската влада што се насочени кон тоа да ги натераат луѓето од најразлични возрасти да ја прифатат „задолжителната“ вакцинација за да може да имаат пристап до училиштата или до работните места.
Поради сите горенаведени причини се надевам дека добро ќе ги проучите сите докази пред да се вакцинирате против свинскиот грип.
Леонард Хоровиц
Извор: Нова Македонија
_____________________________
Животот е убав за оние кои знаат да го живеат.
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
