Bogdancanka
|
Најдобри намирници во служба на вашето здравјеБирајте што јадете и чувајте го вашето здравје. Следниот пат кога ќе го отворите фрижидерот имајте предвид дека брокулата и спанаќот го намалуваат ризикот од рак, а рибата, пак, е вашиот најдобар сојузнук во борбата против стареењето и заштита на мозокот. Дознајте кои се најздравите намирници и за што најмногу помагаат. Брокула за здрави коски и превенција на рак
Брокула со средна големина содржи повеќе од 100 проценти од оптималната дневна доза на витаминот К потребна на организмот и речиси 200 проценти од препорачаната дневна доза витамин Ц, кои се два важни витамини за изградба на коските. Исто така, брокулата помага во превенција на многу малигни болести. Се препорачува да се јаде свежа или благо термички обработена, со цел да се зачуваат нејзините хранливи состојки.
Рибата чувар на младоста
Како што веќе споменавме, рибата е одлична за зачувување на младоста, омега-3 масните киселини го штитат мозокот и срцето, го подобруваат расположението и го регулираат крвниот притисок. Најдобро е да ја јадете со маслиново масло.
Маслиновото масло и незаситените масни киселини
Маслиновото масло содржи незаситени масни киселини, витамин Е, стероли и полифеноли кои го намалуваат нивото на холестерол, ризикот од атеросклероза и одредени видови на рак, а ги спречуваат и штетните процеси како оксидација на мастите во организмот. Незаситените масни киселини од малслиновото масло го намалуваат лошиот холестерол, кој може да доведе до запушување на крвните садови, а од друга страна не влијаат врз добриот холестерол, кој ги чисти артериите.
Јаболки за борба против вишокот килорами Јаболките спречуваат развој на рак на белите дробови, дијабетес и астма. Едно јаболко во просек содржи пет грама растителни влакна и изобилува со кранливи состојки. Ако сакате да ја регулирате телесната тежина, половина час пред оброкот јадете по едно јаболко.
Со кромид и лук заштитете се од рак на желудник, простата и хранопровод
Бројни истражувања покажаа дека кромидот и лукот штитат од рак на желудникот, простатата и хранопроводот, како и дека претставуваат одличен извор на витамин Ц. Заедно со брокулата ијаболките, кромидот и лукот се едни од ретките намирници кои помагаат во редуцирање на смртноста предизвикана од срцеви заболувања за дури 20 проценти. Лукот помага и за побрзо зараснување на рани.
Темно чоколадо за намалување на крвниот притисок и лошиот холестерол
Темното чоколадо консумирано по неколку коцки на ден може да го намали крвниот притисок кај здравите луѓе. Помага во ослободување на серотонин, хормонот на среќа. Какаото е богато со флавоноиди, антиоксиданти кои го намалуваат лошиот холестерол (LDL), а истовремено го зголемуваат добриот (HDL).
Здрави и витки со малку лимон Лимонот е позициониран на многу високо место на листата на најздравите намирници затоа што содржи повеќе од 100 проценти од дневната потреба за витамин Ц, придонесува за зголемување на добриот холестерол и за јакнење на коските. Флавоноидите од лимонот имаат моќ на спречување на растот на малигните клетки. Истражувањата покажуваат дека цитрусите ја зголемуваат способноста на телото да ги апсорбира антиоксидансите од чајот за околу 80 проценти. Ако додадете малку лимон во зелениот чај, на пример, метаболизмот ќе ви се забрза, што ќе придонесе за полесно намалување на телесната тежина. Лимонот ја подобрува и апсорпцијата на калциум во организмот, го забрзува разградувањето на мастите, го зајакнува имунитетот, го забавува стареењето и претставува природен антисептик кој го намалува ризикот од инфекции и запаленија.
Со зелен чај против рак
Зелениот чај е познат по неговото антиканцерогено дејство, може да спречи рак на мочниот меур, дебелото црево, хранопроводот, панкреасот и желудникот. Покрај тоа, утврдено е и дека помага при одржување на телесната тежина. Бобинките се одличен извор на растителни влакна и антиоксиданси Бобинките се богати со влакна, а сиромашни со шеќери. Боровинките придонесуваат за подобрување на помнењето, а малините и јагодите се одличен извор на витамин Ц, а богати се и со елагична киселина, силен антиоксидант кој има антиканцерогени својства.
Јајцата како идеален оброк
Јајцата изобилуваат со белковини, а жолчката содржи холин, кој е многу важен за мозокот, како и лутеин и зеаксантин, кои се важни за здравјето на очите.
Мешунките вклучете ги во секојдневната исхрана
Мешунките се богати со влакна, помагаат во контрола на тежината и спречуваат дијабетес, а делуваат превентивно и на развој на рак на дебелото црево и штитат од болести на срцето. Се препорачува да се консумираат редовно, по три до пет пати во неделата. Мешунките не содржат глутен, што значи дека можат да ги јадат и оние кои имаат целијачна болест, односно глутенска ентеропатија.
Спанаќ за здрави очи и превенција од рак Спанаќот содржи лутеин и зеаксантин, два антиоксиданси кои се многу важни за здравјето на очите, а одличен извор е и на фолна киселина, витамин А и Ц, железо, магнезиум (неопходен за мускулите) и манган. Неодамнешните истражувања открија дека спанаќот е една од најефикасните намирници за борбата против рак. Во блендер измикирајте листови спанаќ, рендани моркови, банана и шолја сок од јаболка и ќе добиете извонреден здрав напиток кој заменува цел оброк.
Фолатите од црвениот компир нужни за обнова на клетките
Еден црвени компир содржи 66 микрограма фолати кои се нужни за изградба на клетките, а толку има во цела китка спанаќ или брокула. Слаткиот компир содржи осум пати повеќе витамини од дневната доза потребна за зајакнување на имунитетот. Компирите консумирајте ги изладени – тоа помага во согорување на 25 проценти повеќе масти.
Чувајте го срцето консумирајќи јаткасто овошје
Долгогодишни истражувања покажуваат дека консумирањето на ореви неколку пати во неделата го намалува ризикот од срцеви заболувања за 30 до 50 проценти. Се препорачува да се јаде шака јаткасти плодови три до пет пати во неделата.
_____________________________
Човек не мора секогаш да биде херој ама може секогаш да е човек........
(Одговор на членот ikipp)
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
denes pak rezultatite pokazaa problem so tiroidnata plus skroz namalen imunitet i veke neznam sto ne 
probuvav so mnogu vitaminski tableti i sve sto ke slusnev da go podobram inunitetot nne za zal nema uspeh ako nekoj znae nesto ke ve molam pisete
