caci20
|
Јадете помеѓу главните оброци, но со мерка
Конзумирањето на мали меѓуоброци може да го спречи прејадувањето за време на ручекот или вечерата. Но, “мали“ и “меѓу-оброци“ се клучните термини кои треба да ги имате во предвид и кои значат дека треба да конзумирате мали количини на храна.
И не бил каква храна, туку здрави хранливи продукти што значи дека чипс, чоколадо и останати “калориски бомби“ не се опција. Изберете храна која е богата со вредни нутиртивни својства, како што се бадемите или лешниците кои освен што се здрави, се и вкусни.
Стресот е забранет
Знаеме, ова е полесно да се каже, отколку направи, но вреди сериозно да се потрудите затоа што е факт дека ако сакате да одржите добро здравје, тогаш морате да пронајдете начини да го избегнете стресот.
За ова не постои конкретно правило затоа што на секој му одговара нешто различно. Па, најдобар совет е да пронајдете активности кои ве развеселуваат и ви помагаат да се опуштите.
Стресот придонесува за слабеење на мускулите и успорување на метаболизмот. А затоа што веруваме дека тоа не го сакате, ви препорачуваме што побрзо да се “фрлите“ на јога, трчање, пливање или било што друго кое ве радува и опушта.
Повеќе сонце и воздух
Многу истражувања покажуваат дека витаминот Д има големо влијание врз слабеењето, но и врз доброто расположение. Затоа, наместо да се излежувате затворени во четири ѕида, искористете го секој убав ден и престојувајте на отворено.
Впијте го секој зрак сонечва енергија и со тоа направете нешто добро за своето здравје, изглед и расположение. Се разбира, во лето кога сончевите зраци не се особено благопријатни за кожата, користете заштитни креми.
Додајте Ц витамин во исхраната
Витаминот Ц е ваш голем сојузник кога станува збор за битката со вишокот килца - потврдија неколку истражувања.
Најдобро е да го внесувате преку конзумирање на овошје како што е грејпфрутот или преку зеленчук, односно пиперки и сл. Ако пак не јадете овошје и зеленчук (иако дефинитвно би требало), тогаш купете си витамин Ц во таблети. Освен што ќе ви помогне да го “стопите салцето“, ќе осигура и посилен имунитет.
Размрдајте се
Да, сакале или не, движењето и физичката активност се неизбежен предуслов за добра линија и здравје.
Ако немате доволно време за посета на фитнес центар, тогаш искористете ги секојдневните можности за движење. Така, наместо лифт, користете ги скалите. Наместо да се возите со автобус или автомобил, пешачете, а наместо седење пред ТВ, прошетајте се или трчајте.
Ако овие предлози секојдневно ги практикувате, позитивните резултати ќе бидат очигледни. Па сега, ТВ и седење или добар изглед и солидно здравје - изборот е ваш.
Насмевка, молам
Научно е докажано дека смеењето го забрзува метаболизмот и на тој начин помага во слабеењето. А, од искуство веројатно знаете како смеењето ја подобрува и психичката состојба. Затоа, повеќе насмевки, дружба со духовити луѓе, вицеви и гледање комедии. Сепак, не претеруваме кога велиме дека смеењето е клуч за подобар и поквалитетен живот.
Магијата на зелениот чај
Сите веќе знаеме дека зелениот чај е еликсир за долг, среќен и здрав живот. А, под тие нешта се подразбира и добра линија, нели?
Така, зелениот чај не би бил толку извонреден, доколку не би го забрзал топењето на масти и исфрлањето на токсини од телото. Воедно е и одличен антиоксиданс кој добро ќе се погрижи за вашата линија, но и за вашето здравје во целина.
Па, драги наши, што чекате? Сега знаете што е потребно за да извојувајте победа врз вишокот салце и истовремено да си го подобрите здравјето . А, имајте во предвид и дека сезоната на костими за капење не е толку далеку. :)
И. Е. | Kaјгана
_____________________________
Zivej kako sto mozes koga veke ne mozes kako sto sakas... vazno zivej...
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
