|
beki RR -> RE: Деца со церебрална парализа (11.12.2009 18:59:20)
|
Еве вака, државата ни дава 4000 денари месечно нешто како нега.
мајките кои користат породилно можат да продолжат до 3 години.Во хрватска донесоа закон да може да се продолжи породилното до 7 годишна возраст на детето, тоа е период кога се спроведува хабилитација и мајката мора да е дома со детето.Реално кај да одам јас на работа кога имам еден куп обврски околу Ана.Морам да ја вежбам, за да прооди, да ја вежбам за да прозбори и за сето тоа мене верувајте 24 часа ми се малку а камоли уште на работа да одам.Има дневни центри, но таму баш и не се работи многу.Луѓето во центрите не се криви , крива е државата што отвара центар а тој служи само за чување на децата, рехабилитација немаат никаква.
Мене ми треба да се продолжи породилното до 7 години.
Слушав премиерот ќе ги праќа пензионерите на бања-супер, немам ништо против , ама како не му текна дека во оваа држава има и деца на кои бања добро би им дошла.Ние пристап до бањите баш и немаме.Можи да се искористи еден месец годишна рехабилитација која ја плаќа државата, па ти одбери дали ќе одиш на бања или во костозглобна на вежби.Шо и е, 1 месец годишно е ништо.
Владата на Данска и Норвешка ги покрива трошоците за АБР на нивните граѓани-замислете на кое ниво се тие држави, а кај нас обична рехабилитација не покриваат.
Па донесле коњ-супер,коњот е обучен, ама нема обучени луѓе да работат со тој коњ.Треба физиотерапевт и работен терапевт да работи со детето на тој коњ инаку се ќе е само едно обично јавање .
За жал децата со посебни потреби постојат само два дена годишно-на трети декември и за нова година кога сите политичари трчаат со пакетчињата.Па ми се превртуваат цревата кога ги гледам.Не им требаат пакетчиња на нашите деца, закони им требаат.
само и кој да ги бара тие закони.Здруженијата на родители на деца со церебрална како воопшто да не се заинтересирани.И тоа е за разбирање.Макта што ја имаат родителите е голема , пробале еднаш , двапати, тропале по врати и кога виделе ништо не бива,дека се останува само на збор, се откажале.Немаат луѓето енергија да се борат.
Ситуацијата е ужасна,и ја знаат само тие што ја живеат.
Колку пари требаат?Требаат многу пари, ама мислам дека би биле задоволни кога секоја мајка која се посветила не детето и заради тоа не оди на работа да добива месечно по една просечна плата. Јас и кажав на Христи дека сум тука за се шо треба и дека би учествувала , на начин на кој јас можам, во реализацијата на секаква искрена идеја која се однесува на децата со посебни потреби, посебно во делот рехабилитација.
|
|
|
|