ИЗВОРНА ПОРАКА: niki

ИЗВОРНА ПОРАКА: mamicki


Се изначитав револт, баби и жаби, демагогии, празни теории...
Политиката не е наивна, ни случајна, ни ефтина... За жал, постоечките партии, и позиција и опозиција,ќе владеат уште долго, на смени. Демократијата е утопија и илузија. Центарот на моќ секојпат и секаде е ист- пари. Парите си ги имаат изнајмено тие партии, тoа е тоа. Јавното мислење се креира и манипулира од овие центри на моќ, таа е вистината. Многу е тешко да се живее тоа овде, на Балканот, каде што се преплетуваат и прават кратки спојови интересите на локалните, со оние на светските моќници, особено сега, во период на крупни превирања на врвот, т.е кога седиштето на парите менува континент.
Најдобар начин луѓето да речат „НЕ“на ваквиот ритам на живеење каде што вредиш колку што имаш, во кој се знае цената на се, а вредноста на ништо, каде се поклонуваме пред златното теле и страдаме кога имаме 10, поради тоа што немаме 20 пара чевли, на пр. не е да влеземе во игра со намера да победиме, туку да не си играме. Луѓето мора да се свртат кон длабокото „јас-човек“ во себе, кон духовноста, кон вистинските вредности, да ги отфрлат парите, да одбијат да им робуваат.

Kako bi mozel ova da go postigne tatkoto na 4 deca od veleskoto selo koj so 7000 denari treba da gi hrani, skoluva, plaka transport?

ИЗВОРНА ПОРАКА: mamicki

Најдобар начин луѓето да речат „НЕ“на ваквиот ритам на живеење каде што вредиш колку што имаш, во кој се знае цената на се, а вредноста на ништо, каде се поклонуваме пред златното теле и страдаме кога имаме 10, поради тоа што немаме 20 пара чевли, на пр. не е да влеземе во игра со намера да победиме, туку да не си играме. Луѓето мора да се свртат кон длабокото „јас-човек“ во себе, кон духовноста, кон вистинските вредности, да ги отфрлат парите, да одбијат да им робуваат.

ИЗВОРНА ПОРАКА: Ikana

Извор: Stpika i Time.mk


Пандорина кутија од внатрешниот џеб на Бранко


Вчера вечер, во емисијата Х-0 на Канал 5 телевизија, лидерот на опозициската партија СДСМ, Бранко Црвенковски, обелодени државен документ од 2005 година кој предизвика голем џагор помеѓу политичките партии во Македонија.

Тој во еден момент во емисијата, на театрален начин извади од внатрешниот џеб на сакото еден „мистериозен“ документ, кој подоцна од ВМРО ДПМНЕ го окарактеризираа како фалсификат.

Според Бранко Црвенковски, се работи за документ кој е со ознака „строго доверливо“ и во кој се наоѓа предлог писмото од медијаторот Метју Нимиц, за решение во врска со проблемот со името на нашата држава. Според тврдењето на опозицијата, Никола Груевски категорично не прифаќајќи го тој предлог, направил стратешка грешка, бидејќи предлогот бил и те како во полза на Македонија. Всушност, во него било наведено Република Македонија три години да се вика со истото име само без транскрипција на англиски јазик, а по истекот на тие три години, да се врати сегашната референца - Republic of Macedonia. Во овој документ исто така се предлага и јазикот да биде Macedonian, со што, Бранко Црвенковски го обвинува Груевски дека одбил предлог со кој што се гарантира македонскиот идентитет и јазик.

„ Тој предлог од 2005 година што нудеше? Три години Македонија да се вика република Македонија без транскрипција на англиски јазик, после три години да се викаме Republic of Macedonia од тој момент до вечност. Значи уставното име да го имаме како државно! Кај јазикот чисто решение – Македонски јазик - Macedonian language. Бидејќи Груевски прв почна да говори што е содржината во документот, обвинувајќи ме дека јас во 2005 сум прифатил предлог кој не го гарантирал идентитетот, ако тој ја прекршил државната тајна, ја прекршувам и јас“ – изјави Бранко Црвенковски во емисијата Х/0.



Но, токму тука и лежи проблемот, т.е. мистеријата, бидејќи од ВМРО ДПМНЕ обвинуваат дека документот што Бранко го остави во живо на емисија во Канал 5 телевизија, всушност е фалсификат (во некои медиуми се шпекулира дека Бранко воопшто не оставил никаков документ во Канал 5 телевизија) Од ВМРО ДПМНЕ категорично тврдат дека во делот каде што се споменува македонскиот јазик во оригиналниот документ наместо macedonian, стои нејасен збор „macedc“, а не како што тврди Бранко - мacedonian.

Ова и овој оригинален документ на кој се повикува и ВМРО ДПМНЕ, беше објавен од страна на МИА и во него наместо macedonian во графата за јазик стои macedc како ненамерна печатна грешка. Според МИА, тиа овој документ го добиле од анонимни извори и тоа е оригиналниот документ (WTF?!).

Во врска со овој документ од внатрешниот џеб на сакото на Бранко денес се огласија и повеќе македонските аналитичари, па така според Слободан Чашуле, во изјава дадена за Дојче Веле, ваквиот предлог претставува типична стапица, а дека тоа е така најдобро покажува тоа што и самите Грци го одбиле предлогот?! Од друга страна пак, според Пендаревски, во интервју дадено исто така за Дојче Веле, се вели дека тука станува збор за стратешка грешка на владејачката партија, особено ако се земе предвид дека само три години подоцна, пред самитот на НАТО во Букурешт, Никола Груевски прифатил Македонија да се вика Република Македонија (Скопје).

Во реакцијата на ВМРО ДПМНЕ по ова прашање, како што пренесува порталот Курур, стои дека Бранко Црвенковски со ова само го потврди она што тие одамна го обвинуваат, а тоа е дека тој се откажал од македонскиот идентитет, бидејќи гаранции за идентитетот во предлогот немало. Па така, тие на ова додаваат со народната поговорка „ако баба лаже трап не лаже“, потенцирајќи дека во документот не постојат никакви гаранции за македонскиот идентитет. Но, дали е ова само обид да се одговори на провокацијата од страна на Бранко Црвенковски кога тој во истата емисија во која што го обелодени документот го запраша новинарот „Има ли воопшто пилот во авионот?“ – алудирајќи притоа на Владата на Груевски.

Инаку, од ВМРО ДПМНЕ бараат обвинителството да покрене постапка против Бранко Црвенковски, бидејќи неовластено присвоил и оддал државна тајна што преставува кривично дело за кое што е предвидена казна од една до десет години.

Но, останува отворено прашањето, доколку Бранко објавил фалсификуван документ, зошто тогаш го обвинуваат за неовластено присвојување на државни документи, потоа дали тоа преставува државна тајна кога истиот документ веќе беше споменуван во јавноста, па дури и обелоденет од страна на Викиликс?

И за крај, дали овој документ на Бранко ќе преставува вистинска пандорина кутија, која што партиите и нивното членство, наместо поучени од грешките по самитот на НАТО во Чикаго (во склоп со меѓуетничката тензии), да се вразумат и заеднички да размислат како да куртулиме од гневот и злокобната нарав на грците, и тоа токму сега, кога ни се укажува историска шанса, ние понесени од сите светски зла, излезени од интересот на овој или оној политички џеб, ќе продолжиме внатре, во самата срж, да се делиме...

ИЗВОРНА ПОРАКА: rina13

.Ако во државата најголема цел на политичките партии им е контрола на медиуми, претворање на жените во родилки, пумпање на националнто чувство преку 100метарски склуптури тогаш далеку не сме стигнале. Ете сите се радуваме нови автобуси, бесплатен превоз, жичари, автопатишта а младите не се ставени што би рекол народот ниту како последна дупка на свирало.

ИЗВОРНА ПОРАКА: vezilka RR

Па немаме кампања годинава..имаме фалби и пофалби само. Кампањата владејачкава можат да си ја наречат „Колку сме убаи“. И она знакот од фејсбук што го зеле..скроз неинвентивно. А рекламите леле мори мајко. Не гласам за партија бре која у сред економска криза, кога сите држави воведуваат мерки за штедење за да не колабираат, таа гради споменици и фонтани. Тотален блесавлук.

ИЗВОРНА ПОРАКА: Snowhite

Ајде политичарите, политичари, мора да ветуваат за да победат, мора да прават кампањи, ама мене најмногу ме нервираат поедници кои гласаат за некоја партија само за да се вработат, а не дека таа партија ќе направи нешто за општото добро на народот. Имам таков пример во комшии и стварно не можам да ги сфатам

ИЗВОРНА ПОРАКА: Pepelaska RR

Локални избори 2013,
Се претера ли со кампања , фалење и слично?
Од друга страна дали навистина имаме две опции