|
mother 29 -> RE: Вакцинирање на детето (2.11.2009 12:32:08)
|
САД ја одобри новата вакцина за А Х1Н1
Американското министерство за здравство ја одобри новата вакцина за свински грип, долгоочекуван чекор со оглед на тоа дека владата во САД сака да почне со вакцинацијата наредниот месец.
Министерот за здравство Кејтлин Себелиус соопшти дека ограничени количества од лекот ќе почне да се издаваат на почетокот на октомври, една недела порано од очекуваното.
До 15-ти октомври треба да бидат испорачани околу 45 милиони дози, а дополнително лекот ќе се произведува секоја недела.
Први ќе го добијат ризичните групи - бремените жени, младите од 6 месеци до 24 години и постарите со хронични медицински состојби.
Вакцината е еднакво безбедна како и онаа за стандардниот грип.
Германците се противат на вакцината против А Х1Н1
Претседателот на германското друштво за општа и семејна медицина Михаел Коен на лекарите им препорача да не ја даваат вакцината против новиот вирус на грипот А Х1Н1, особено не на бремените и децата, бидејќи ризикот од нив е поголем од користа, пренесува денеска германскиот печат.
Во текстот „Бунт против вакцината" неделникот „Шпигл", пред почетокот на масовната вакцинација, истакнува дека лекарите и фармаколозите предупредуваат на ризичните дополнителни супстанции што таа ги содржи.
Критичарите стравуваат дека фармацевтската индустрија намерно спроведува огромен фармаколошки експеримент, го пренесува „Дојче веле" пишувањето на „Шпигл".
Сојузната влада, министерствата и службениците од повисок ранг ќе добијат вакцини што се разликуваат од онаа што е нарачана за обичните граѓани во Германија. Нивната вакцина подобро се поднесува, нема несакани спорадични дејства бидејќи нема бустери (супстанци кои го засилуваат дејството на вакцината), а нема ниту конзерванси.
Весникот „Велт" коментира дека ова сигурно не е охрабрувачка вест за граѓанството, кое и онака не е сигурно дали да се вакцинира или не. Тоа е опасен сигнал што открива дека во земјата постојат две класи. Тоа не потсетува на Орвеловата „Животинска фарма", место каде сите се еднакви, само некои малку повеќе.
Страшното е тоа што се нарачани 200.000 вакцини за избраните највисоките службеници во земјата. На тој начин граѓаните нема да поверуваат, иако на тоа постојано ги уверуваат, дека вакцината против таканаречениот свински грип која треба да ја примат не е опасна.
Сега пораката е јасна - оваа вакцина воопшто не е така сигурна и поради тоа луѓето важни за земјата ќе добијат друга, подобра вакцина.
„За разлика од „Бакстер" вакцината која ќе ја добијат оние што се одговорни за редот и мирот во земјата, масовно ќе се вакцинира со производот на фирмата „ГлаксоСмитКлајн" која има засилувачи", пренесува „Франфуртер рундшау".
Интересно е дека и вработените во „Пол Ерлих институтот", кој ја одобри масовната употреба на вакцината, се наоѓаат на списокот на оние што ќе добијат поинаква, подобра вакцина.
извор а1
е ајде кој е помаметен!?лелел мамички кажувајте?
|
|
|
|