ИЗВОРНА ПОРАКА: Anushka

ИЗВОРНА ПОРАКА: Saturn

Мислам дека хормоните се само дел од приказната за постпородилната депресија. Сепак мајчинството одеднаш носи таква вртоглава промена во животот, целосно како да ни се менува сопствениот идентитет. Центарот на светот веќе не сме си самите туку (барем во тој првичен период... море и за понатаму [sm=smiley1.gif] ) ни е детето. Ни се менувааат и телото и навиките и начинот на размислување. Размислете во колкава мера времето што до тогаш сте го користеле за себе и своите потреби е сега посветено на детето, на мајчинството. Ми се чини дека психолошки е навистина огромна промена, не само хормонално, паѓање на естроген и слично. Посебно што почетокот е навистина тежок, болки при доењето, неспиење, немање време за себе (некои дури ни до WC не можат да отидат на почетокот) особено е тешко за тие што немаат помош. Болки од царски рез, од епизиотомија ... И не само животот туку и ние сме се смениле толку многу за толку кратко време, значи веднаш штом се роди детето, нема време за подготовка. Менталниот склоп кај голем дел од мајките не е подготвен за толку краток период да ја прифати таа промена на идентитетот така глатко. Мислам дека во денешно време тоа е многу поизразено бидејќи нашите мајки, баби, прабаби некако од многу помали ги имале усвоено тие работи, она што ги чека како мајка. Животот на жената се вртел околу домот (не дека сега сме многу далеку од тоа, но сепак имаме кариери, време за себе, за дружби, социјален живот). Одеднаж сме ние од вработени жени на 9 месеци (не сум да се скрати породилното отсуство, да не ме сфатите погрешно) дома на породилно со сосема нови обврски и нов живот. Затоа ми се чини дека во денешно време е потешко и поголеми се шансите за постпородилна депресија, токму поради наглото менување на идентитетот.
И се согласувам со сите горенаведени постови.

ПОТПИШУВАМ!
ама, сметам дека кај нас за постпородилната депресија е најмногу виновна традицијата: 40 дена, поделбата на женски и машки работи, па да се слуша свекрвата/мајката, па моралу ручек на маса да се има...

ИЗВОРНА ПОРАКА: MamaOhrid

Ах, не ми зборувајте за депресија. Мислам дека оној степен и вид на депресија што ме фати мене го нема никој. Траеше 3 недели од породувањето. Плачење без причина, липање на цел глас, повраќање 3 пати на ден, лошење, вртоглавица, гадење од секаква миризба, тврда столица со крв која траеше 3 месеци, дупка на стомакот од 3 сантиметри полна со гној ( од царскиот рез), тресење на рацете, напади на паника особено кога бебето ќе заплачеше, плачи тоа, плачам и јас. Поминаа 3 недели и што би рекле старите како со рака тргнато. Одеднаш се се смени, како ништо од ова да не се има случено. Престана плачењето, повраќањето, гадењето, паниката, се се смени. И од оваа перспектива кога гледам, толку ми е глупаво и смешно како можеше тоа да ми се случи. И кога се потсетуваме со мм, гласно се смееме.

Често пати му викам на мм сакам уште сега друго дете, бидејќи тие 3 недели како да е избришана меморијата во главата. Како во магла се сеќавам, и некако како наеднаш да ми порасна детето, па не ми текнува ништо од тие 3 недели.

Затоа драги мамички, без гајле, се поминува, се се заборава. Уживајте со вашите деца и не пропуштајте ниту еден миг зошто она што поминало не се враќа.  

ИЗВОРНА ПОРАКА: niki


На ова додадете дека од жената се очекува веднаш да се врати во форама и да биде старата секси женска, згодна, убава, средена и расположена за својот маж. Кој гледајки ги сите слики од оние VIP родилки се чуди како тоа неговата жена се претворила во монструм. И уште сите околу постојано посочуваат дека ти останал огромен стомак, вишок килограми, стрии, ко да е тоа нешто ненормално. Никој не ни дава за право да бидеме мајки и природно да се вратиме во нормала, никој околу нас не ја гледа убавината во мајката која се грижи за своето дете и од очите и блика среќа, туку сите ни мерат килограми и сантиметри. Светот денес е станат толку површен, а системот на вредности се базира само на визуелното, на она што ни го сервираат медиумите...

Jas za sreka ovaa depresija dosega ne ja pocustvuvav.Mozebi zatoa sto voopst ne pazev na 40 dena da pominat pa da izlezeme nekade ili nekoj da mi dojde.Denta koga si dojdov od bolnica doma bidejki si dojdovme okolu 16 nemoev da mu se iznaraduvam na bebeto ne izlegovme nikade.Utredenta jas izlegov duri go nosev bebeto na soping.Moja preporaka e ne se zatvarajte doma setajte uzivajte so bebeto kako sto ste pravele i pred toa