|
mami -> Страшно (18.8.2009 22:56:17)
|
Јас сум ужасната денес цел ден откако прочитав за ова..Луѓе, па внимавајте како возите, особено кога сте со деца
превземено од канал5
Трагедија во Хрватска- четворчлено семејство од Македонија загина во сообраќајна несреќа на автопатот А3, во близина на Славонски Брод. Во несреќата која се случи утрото околу 6.55 часот животот го загубија 30 годишниот Ѓорѓи Трајков, неговата сопруга 25-годишната Ристена, петгодишната Вероника и 16 месечниот Константино. Според хрватската полиција и тамошните истражни органи, до несреќата дошло кога автомобилот со кој управувал Ѓорѓи директно удрил во паркиран камион на лентата за паркирање.
Од силината на ударот автомобилот се забил под камионот, поради што противпожарните служби два часа го извлекувале возилото. На местото на несреќата цело утро се вршело увид, хрватските истражни органи се обидувале да ги утврдувале причините за трагедијата. Истражниот судија Степан Фрањиќ за Канал 5, открива кои детали биле утврдени од местото на несреќата.
Телата се префрлени во болница во Славонски брод каде што утре ќе им биде извршена обдукција. Семејството Трајкови потекнувале од струмичкото село Зубово. Според нивните соселани, тие долги години живееле и работеле во Италија. Утрово, по одморот во родното село се враќале назад во Италија. Целото село денеска беше шокирано од трагичната вест.
Несреќата во која загина целото семејство Трајкови се случила на само 20 километри од Нова Градишка, местото каде што во октомври 2007 година под многу слични околности загина мега ѕвездата Тоше Проески. Во меѓувреме, на истиот автопат лани страдаше уште едно македонско семејство.
|
|
|
|