|
Hopeful RR -> RE: Трудници, што јадевте денес? (4.12.2014 14:16:53)
|
Се слагам. Да не идеализираме дека ќе јадеме само природно, здраво и чисто, бидејќи тоа е се потешко во денешни услови. Сепак, може да се потрудиме во однос на другите фактори - како готвиме, што додаваме и како комбинираме. Запршки со брашно, пржени и похувани јадења, додавање сирење и кашкавал во секој оброк - тоа е далеку од здраво. Ајде од време на време ок, нормално, ама има луѓе што не седнуваат на маса без ваква храна. Јас сум за обична, едноставна храна - варено/печено, евентуално пржено на мала количина маслиново, и со секој оброк големи количини свежа салата.
Млекото се глорифицира кај нас без потреба, со логиката за калциум, а сепак имаме се поголеми бројки заболени од остеопороза. Колку за споредба, најмалку остеопороза има во азиските земји, каде што млеко воопшто не се конзумира, така што, не треба да се забегува со млекото. Ако до толку е зорт, подобро козјо, се слагам, макар што и растителните варијанти се добра замена - млеко од бадеми, лешници, ориз, па и од соја.
Инаку, моето вчерашно и денешно мени се слични:
- на станување масло од лен, цеден лимон, јаболки
- за доручек мандарини, овес со семки и суво овошје
- за ручек манџичка од два вида леќа и просо, со салата од домати
Е сега вчера јадев и некои глупави грицки на работа, и банани, и дома кифлички со сирење и домати, не дека сум до толку строга [sm=smiley36.gif] Ама денес ќе се потрудам да не јадам што ќе најдам пред себе.
|
|
|
|