| 13 - 23 рецепти од 23 | Страница: | | 1 | 2 |
Супа од мешан зеленчук >
Сосотојки:
10 гр. тиквичка, 20гр. карфиол, 20гр. морков, 10гр. компир, 1 кафена лажичка ориз, 1 кафена лажичка масло или маргарин.
Упатства:
Зеленчукот темелно се мие, се лупи и сецка на ситни парчиња (компирот, морковот и тиквичката). Во загреано масло се додава зеленчукот и врела вода и се остава да се вари. Кога зеленчукот ќе биде полусварен се додава оризот, се додава уште малку вода и се вари додека да омекне оризот. Се трга од оган, се пасира, се остава да се излади и се служи.
Време потребно за подготовка: 45 минути
<< Сокриј го рецептот
Рибина супа >
Сосотојки:
20гр. морков, 5 гр. благ кромид, 1-2 кафени лажички ориз 1 кафена лажичка маслиново масло и 100 гр. бела риба.
Упатства:
Морковот и кромидот се чистат, се сецкаат на ситни парченца и се варат во зовриена вода со масло. Кога ќе се свари зеленчукот се додава претходно исчистената риба. Кога е готово се вади рибата посебно од зеленчукот. Зеленчукот се цеди, а во истата вода се става да се вари оризот. Рибата се чисти од коските и заедно со зеленчукот се додава во сварениот ориз. Се вари уште 5 мин.
Време потребно за подготовка: 45 минути
<< Сокриј го рецептот
Супа од телешки коски >
Сосотојки:
200 гр.телешки коски, 20 гр. морков, 10 гр.тиквички, 10 гр. карфиол или брокула и 1 кафена лажичка ориз.
Упатства:
Измиените телешки коски се ставаат во ладна вода и се варат 1 час на умерена температура. Зеленчукот темелно се мие, се сецка на ситни парчиња и се додава во супата со коските. Кога ќе се свари зеленчукот се вади во посебен сад, а супата се процедува заради ситните парченца од коските. На процедената супа и се одстранува вишокот на маснотија и во неа се вари оризот. Кога оризот ќе омекне се додава претходно сварениот зеленчук. Се пасира и се служи.
Време потребно за подготовка: 45 минути
<< Сокриј го рецептот
Супа од пилешки ситнеж >
Сосотојки:
20 гр.морков, 10 гр.кељ, 10 гр. тиквичка, 10 гр. карфиол или брокула, 1 кафена лажичка пченкарен гриз или ориз, 100 гр. пилешки ситнеж.
Упатства:
Пилешкиот ситнеж се мие, се вади кожата и се вари. Зеленчукот се мие, се лупи и се сецка на ситни парченца. Кога месото е полусварено се додава зеленчукот и се вари на умерена температура додека не омекне. Месото и зеленчукот се вадат, а супата се процедува и става гризот или оризот за да се вари. Месото се двои од коската и ситно се сецка. На сварениот ориз се додава зеленчукот и месото. Се служи.
Време потребно за подготовка: 45 минути
<< Сокриј го рецептот
Млечна крем супа >
Сосотојки:
1мал компир, 1 мал морков и 150мл. млеко
Упатства:
Компирот и морковот се мијат се лупат, се сецкаат на ситни парчиња и се варат во вода. Кога ќе се сварат се вадат од водата, се пасираат и се додава млекото. Се остава малку да проврие, се лади и се служи.
Време потребно за подготовка: 45 минути
<< Сокриј го рецептот
Крем супа од грашок >
Сосотојки:
50гр. млад грашок, 1 лажичка или маргарин, 1 лажичка брашно,1/4 варена жолчка, 1 супена лажица кисела павлака.
Упатства:
Грашокот се чисти, се мие и се вари. Сварен се пасира. На страна, во сад во загреано масло се става брашното и заедно се додаваат во супата од пасираниот грашок. Се остава да се вари уште 10 мин. Се додава павлака и жолчка и се служи.
Време потребно за подготовка: 45 минути
<< Сокриј го рецептот
Кашичка со гриз >
Сосотојки:
100 милилитри Млеко
50 грама Гриз
1 Банана
1 Јаболко
Упатства:
Се вари гризот со млекото.
Потоа се остава да се олади гризот, па се додава пасирана банана и рендано јаболко.
Потоа кашата убаво се промешува
Време потребно за подготовка: 20 минути
<< Сокриј го рецептот
Овошна кашичка со бисквити >
Сосотојки:
1 Круша
100 грама Бисквити
1 јаболко
Упатства:
Се лупат и чистат од семките крушката и јаболкото, потоа се сечат на коцки, и се варат 10 минути. Вареното овошје се пасира, и се соединува со мелени бисквити. Кашичката се разредува со водата во која се варело овошјето.
Време потребно за подготовка: 15 минути
<< Сокриј го рецептот
Кашичка од мешан зеленчук >
Сосотојки:
100 грама Репа
100 грама Моркови
300 милилитри Млеко
100 грама Компир
Упатства:
Се лупат морковот, репата и компирите.
Потоа се сецкаат на кругчиња и се варат 15 минути.
Се пасираат и се помешуваат со 300 грама млеко.
Време потребно за подготовка: 20 минути
<< Сокриј го рецептот
Кашичка од компир и морков со млеко >
Сосотојки:
1 компир
1 помал морков
малку млеко (мајчино, адаптирано)
Упатства:
Компирот и морковот се лупат и мијат, се сецкаат и се варат додека не омекнат. Потоа се блендираат или пасираат. На крај се додава млеко.
Време потребно за подготовка: 30 минути
<< Сокриј го рецептот
Кашичка од компир, морков и тиквичка >
Сосотојки:
1 компир
1 морков
2-3 парчиња тиквичка
малку сол
малку ладно цедено маслиново масло
Упатства:
Компирот и морковот се лупат и мијат, се сецкаат на парчиња и се ставаат да се варат. Откако малку ќе омекнат се додаваат 2-3 кругови, излупена и измиена млада тиквичка. Потоа состојките се блендираат со малку од водата во која се вареле, додека се добие саканата густина. Се додава малку сол и 2-3 капки маслиново масло.
Време потребно за подготовка: 30 минути
<< Сокриј го рецептот
