Пилешко во тесто Прикажи го рецептот >>

Пилешко во тесто >

Сосотојки:
300 гр пилешко филе, исечкано на коцки 1 главица кромид, ситноо исечкана 2 лажици масло 1 чаша бело вино 200 гр маринирани шампињони сол, бибер, црвен пипер ситно сечкан магдонос 2 пакување лиснато тесто 1 јајце и 1 жолчка

Упатства:
Пилешките коцки зачинете ги со сол и бибер и маринирајте ги со сенф. Во тава загреана на средна температура ставете го маслото да се загрее. На загреаното масло пржете го кромидот. кога ќе омекне, ставете ги шампињоните. Зачинете со сол, црвен пипер и бибер. Намалете го огнот на најмала температура и ставете ги коцките пилешко. Промешајте и кога пилепшкото ќе побели, ставете го виното и оставете да испари. Гответе околу 1 час, додека да омекне месото. По потреба, во текот на динстањето, додавајте малку вода. Кога пилешкото ќе биде готово, извадете го на чинија настрана. Првата кора лиснато тесто расукајте ја и од неа одвоете 4 кругови. На некој од круговите распоредете го филот. На краевите намачкајте со изматена белка или изматено јајце. Второто лиснато тесто расукајте го и од него исто така одвојте 4 идентични кругови. Секој наполнет круг со пилешко преклопете го со друг, празен круг. Двете теста убаво притиснете ги од страните за да не истече филот при печење. Од преостанатиот дел од тестото, направете форми и облици по ваша желба, со помош на нож. На крај, секое парче премачкајте го со жолчка. Готовите теста наредете ги во тавче за печење, намачкано со маргарин. Печете во рерна загреана на 220 целзиусови степени, околу 30 минути. Кога ќе бидат готови, направете мал отвор горе на секое тесто и во него полијте малку разматена кисела павлака.

Време потребно за подготовка: 90 минути

<< Сокриј го рецептот

Полнети пиперки Прикажи го рецептот >>

Полнети пиперки >

Сосотојки:
8 пиперки бабури 5 поголеми домати 500 гр. мелена месо 1 главица кромид 1 јајце 3 лажици маст 1 лажица брашно црвен пипер магданос црн пипер сол

Упатства:
Бабурите измијте ги и исчистете ги од семето. Испржете на една лажица маст ситно исечкан кромид, додајте го измиениот ориз и со меленото месo, се заедно пропржете, тргнете го од оган, додајте го јајцетo и ситнo сечкан магданос, сол и црн пипер. Налолнете ги бабурите со оваа смеса. Затвoрете ти oдозгора со резенка од домат, редете ги во тенџере, ставете ги преостанитите дoмати и налејте ги со вода да се облијат. Кога пиперките ќе oмекнат направете запршка од маст брашно и црвен пипер, ставете ја преку пиперките и оставете ги уште малку да вријат на тивок оган. Со овие пиперки може да се служи кисело млекo или кисела павлака. Сервирајте со салата од кинеска зелка.

Време потребно за подготовка: 80 минути

<< Сокриј го рецептот

Кременадли во пикантен сос од ајвар Прикажи го рецептот >>

Кременадли во пикантен сос од ајвар >

Сосотојки:
1,5 кг кременадли, без коска 350 гр лут ајвар 250 гр фета сирење 500 гр тестенини, сварени малку брашно сол, бибер неколку ливчиња босилек 1-2 главици кромид

Упатства:
Кременадлите одвојте ги од коските или тоа нека го направи месарот во месарница за вас. Секое парче истолчете го со чук за месо и зачинете го со сол, бибер и зачини по желба. Извалкајте ги во брашно и вишокот брашно истресете го од кременадлите. На врело масло пржете ги кременадлите од двете страни, само колку да фатат боја. Извадете ги од тавчето и ставете ги на чинија. Во истото масло пржете го ситно сечканиот кромид. Вратете ги кременадлите во тавчето и прекријте ги со ладна вода. Поклопете го капак и гответе додека да омекнат кременадлите. Кога кременадлите ќе бидат печени (месото да биде многу меко) ставете ги ајварот и протресете го тавчето. Гответе уште 5 минути. При крај, ставете го сирењето, згмечено со вилушка и сосема на крај додадете ги ситно сечканите ливчиња босилек. Кога ќе се растопи сирењето, тргнете од оган. Јадењето послужете го сварени тестенини.

Време потребно за подготовка: 90 минути

<< Сокриј го рецептот

Мусака од тиквички Прикажи го рецептот >>

Мусака од тиквички >

Сосотојки:
2-3 тиквички 1/2 кгр. телешко мелено месо 1/4 кгр. свинско мелено месо 3 јајца 1/2 литар слатко млеко црн пипер маrданос сол 2 главици кромид маст

Упатства:
Излупете ги тиквичките исечете ги на тркалца малку подебели од колку за пржење, посолете ги и оставете ги да постојат со солта. Кромидот исечкајте го ситно и ставете гo во сад со маст да се пропржи, потoа ставете гo месото и испржете гo. Посолете го, додајте црн пипер и ситно сечкан магданос. Тиквиците испржете ги а пред пржење валкувајте ги во брашно и редете ги на днoтo на тава која може да се изнесе на маса. Преку тиквичките ставете дел од прженото месo и се така додека не се потрошат и месото и тиквичките. Најгоре треба да бидат тиквички. Изматете ги јајцата, додајте го млекото, посoлете по вкус и прелејте ја мусаката. Испечете ја во рерна oкoлу 1/2 час.

Време потребно за подготовка: 60 минути

<< Сокриј го рецептот

Свинска коленица со кисела зелка Прикажи го рецептот >>

Свинска коленица со кисела зелка >

Сосотојки:
- 2 свински коленици; - кромид; - целер; - магдонос; - црвен пипер; - црн пипер; - ловоров лист; - ? кг кисела зелка; - компири; - масло

Упатства:
Свинските коленици се стават во тенџере со вода и се додаваат целер, магдонос, ловоров лист, црвен и црн пипер. Сe тоа се вари. Посебно се пржи исечканиот кромид, во кој се додаваат зелката и варената коленица. Сe тоа се крчка и повремено се додава водата во која се варела коленицата. Компирите се сечат на четири дела и посебно се варат. Потоа се додаваат во готовата коленица.

Време потребно за подготовка: 120 минути

<< Сокриј го рецептот

Тава со свинско месо Прикажи го рецептот >>

Тава со свинско месо >

Сосотојки:
- 500 гр свинско месо; - 600 гр компири; - 4 лажици свинска маст; - 1 главица кромид; - 1 пиперка; - 1 дл бело вино; - црвен пипер; - 2 јајца; - 3 дл павлака; - сол; - црн пипер.

Упатства:
Месото се сече на парчиња и се динста. Во тава малку се пропржуваат компирите исечени на коцки, ситно исечканиот кромид и пиперката, а потоа се става месото. Во тоа се додаваат свинска маст, црвен пипер, сол, црн пипер и се прелива со бело вино. По потреба се додава и вода. Се става во рерна да се пече и пред крај јадењето се прелива со изматените јајца и павлаката. Сe тоа уште малку се запекува.

Време потребно за подготовка: 120 минути

<< Сокриј го рецептот

Сарма од штавел Прикажи го рецептот >>

Сарма од штавел >

Сосотојки:
- две главици кромид - 1/2 кгр. мелено месо - ориз - бибер - сол - буковец

Упатства:
Две глави кромид ситно се сецкаат и се пржат во малку масло. Пред да почне да се вцрвенува кромидот се додава половина кило мелено месо кое најдобро е да биде 70% телешко и 30% свинско. Се пржи околу десетина минути додека месото не ја изгуби црвената боја и постојано се меша за да кромидот и месото добро се измешаат. Потоа во тавата се додава една чаша ориз и се пржи уште 5-6 минути. Смесата се зачинува со бибер, сол и малку буковец по желба. Виткање на сармите. Листовите зелка се приготвуваат така што им се одстранува тврдиот дел. Се обаруваат со врела вода неколку минути, додека не омекнат. На еден лист се става по една супени лажица од меленото месо и се виткаат сармите. Потоа сармите се редат во тенџере. Тенџерето се налива со вода додека сармите не се потопат со вода. Се вари еден час на тивок оган. Се сервираат со кисело млеко.

Време потребно за подготовка: 120 минути

<< Сокриј го рецептот

Полнети пиперки Прикажи го рецептот >>

Полнети пиперки >

Сосотојки:
8 пиперки бабури 5 поголеми домати 500 гр. мелена месо 1 главица кромид 1 јајце 3 лажици маст 1 лажица брашно црвен пипер магданос црн пипер сол

Упатства:
Бабурите измијте ги и исчистете ги од семето. Испржете на една лажица маст ситно исечкан кромид, додајте го измиениот ориз и со меленото месo, се заедно пропржете, тргнете го од оган, додајте го јајцетo и ситнo сечкан магданос, сол и црн пипер. Налолнете ги бабурите со оваа смеса. Затвoрете ти oдозгора со резенка од домат, редете ги во тенџере, ставете ги преостанитите дoмати и налејте ги со вода да се облијат. Кога пиперките ќе oмекнат направете запршка од маст, брашно и црвен пипер, ставете ја преку пиперките и оставете ги уште малку да вријат на тивок оган. Со овие пиперки може да се служи кисело млекo или кисела павлака.

Време потребно за подготовка: 80 минути

<< Сокриј го рецептот

Грчко ќофте Прикажи го рецептот >>

Грчко ќофте >

Сосотојки:
за сос: 3 жолчки 3големи лажици павлака малку лимонов сок се разматува заедно се додава црн пипер и сол и се остава на страна за ќофте: 1 главица кромид ситно сецкан 300-400 грама мелено месо црн пипер вегета сол трошки од 3 парчиња леб 1 јајце ситно сецкан магдонос( од една киска магдонос половината се става во место за ќофтето )

Упатства:
Се меси убаво месото и од него се формираат средно големи топчиња и се прпелкаат во останатата половина ситно сецкан магдонос (доколку немате или не го сакате магдоносот може и без него и така се убави) Се редат во тавче и се преливаат со вода и се ставаат да се варат на тивко. Кога ке се сварат ќофтињата се прави запршка од масло(малку повеке) и брашно(без пипер) и се додава во водата во која се варат ќофтињата и се оставаат уште малку да провријат заедно. Потоа се вадат ќофтињата на страна и во водата во која се вареле се тура претходно приготвената павлака со жолчки и се вари да се згусни. Откако е готово со овој сос се преливаат ќофтињата .Потоа се сервираат.

Време потребно за подготовка: 40 минути

<< Сокриј го рецептот

Ширден на прилепски начин Прикажи го рецептот >>

Ширден на прилепски начин >

Сосотојки:
1/2 кгр.телешко месо 1/2 кгр. свинско месо 1/2 кгр. јагнешко месо кромид сол бибер јенибар ориз ширдени

Упатства:
Трите видови месо се сечкаат на мали парченца, со димензија од еден и пол сантиметар. Во нив се додава исечкан кромид, сол, црн бибер и малку јенибар и ориз. Го запржуваме местото, заедно со кромидот. Ширден е внатрешен орган на младо јагне кој преставува продолжение на желудникот. Добро исчистен се полни се затвора на стариот прилепски начин со шиење. Се додава една чаша вода и се печи на 180 степени, два часа, а се служи топол.

Време потребно за подготовка: 180 минути

<< Сокриј го рецептот

Месо со зеленчук Прикажи го рецептот >>

Месо со зеленчук >

Сосотојки:
• 300 гр месо по избор • 4 големи лажици масло • 150 гр моркови • 300 гр пиперки • 200 гр праз • 4 големи лажици соја сос • зачин за месо

Упатства:
Во тавата ставете 2 лажици масло и загрејте го. Откако ќе ги насечкате на ленти, испржете ги посебно морковот, пиперката и празот. Две минути е сосема доволно. Штом ќе го испржите, ставете го зеленчукот на страна. Месото насечкајте го на ленти или на коцки. Додадете го преостанатото масло во тавата и откако ќе биде загреано додадете го месото и пржете се додека не испари течноста. Потоа, додадете го и зеленчукот, соја сосот и сите состојки залијте ги со околу 400 мл вода. На крајот се додава зачинот. Добро измешајте и пржете уште 5 минути. По желба, може да додадете и ананас сечкан на коцки. Совет: Сервирајте со тестенини или варен ориз.

Време потребно за подготовка: 50 минути

<< Сокриј го рецептот

Пилешко месо со ореви Прикажи го рецептот >>

Пилешко месо со ореви >

Сосотојки:
• 4 поголеми пилешки гради • 1 чаша потпечени ореви • 1 чаша супа од пилешко месо • 1 чаша путер • 2 големи лажици брашно • 2 големи лажици оцет • 2 чешниња лук • сол и бибер

Упатства:
Пилешките гради потпечети ги на температура од околу 200°С. Во текот на печењето проверувајте и завртете ги. Путерот стопете го во тава на умерен оган. Додадете брашно и мешајте постојано. Потоа додадете супа од пилешко месо и оставете да зоврие со постојано мешање, за да не се направат топчиња. Потоа, додадете оцет, лук, ореви, сол и и бибер. Промешајте и пропржете уште малку. Се сервира прелиено преку месото од пилешки гради.

Време потребно за подготовка: 50 минути

<< Сокриј го рецептот