| 13 - 24 рецепти од 65 | Страница: | | 1 | 2 | 3 | 4 | ... | >> | 6 |
Италијански леб со лук и магдонос >
Сосотојки:
500 г бело брашно
1 кесичката квасец (околу 10 г)
300 мл вода
една главица лук
мал куп свеж магдонос
10 г сол
1 лажица маслиново масло
Упатства:
Едноставно месете го тестото со брашно, квасец и вода и оставете го да отстои – нека се дуплира во големина. Во меѓувреме, се вари во водата излупениот лук – 10 до 15 минути, додека не омекне. оставете да се излади.
Ситно исецканиот магдонос додадете го на изладениот лук. Додадете лажица маслиново масло и добро измешајте а потоа и истолчете. . На мешавината од кромид и магдонос додадете сол и додадете ја на тесто и мешајте додека не биде рамномерно низ целото тесто.
Оставете тестото да се зголеми едно 2-3 часа, премесувајќи го секој час. Обликувајте како сакате и оставете го уште еднаш пред печење да отстои да се зголеми. Се пече на 220 степени Целзиусови 25 до 30 минути. Се разбира, љубителите на лук може да го зголемат количеството на лук.
Време потребно за подготовка: 240 минути
<< Сокриј го рецептот
Калцоне - затворена пица >
Сосотојки:
400 мл. млака вода
2 ? лажици масло
2 ? лажички сол
800 гр. брашно
2 ? лажички сув квасец
250 гр. гауда
2 помали кисели павлаки
400 гр. шунка за пица
кечап
оригано, босилек, нана
маргарин за премачкување
Упатства:
Измешајте ги брашното и солта, додадете го во тоа сувиот квасец и промешајте, ставете млака вода и масло. Добро измешајте и измесете тесто. Оставете го покриено со крпа на топло. Нараснатото тесто поделете го на 10 дела и обликувајте ги во топчиња. Топчињата може да ги покриете со стреч фолија, за да не се сушат.
На набрашнета подгола секое делче од тестото развлечете го и премачкајте го на средината со кисела павлака. На една половина распоредете ја шунката, прелијте со кечап, посолете оригано, босилек и нана и изрендајте кашкавал гауда.
Рабовите на тестото намачкајте ги со вода за поубаво да се залепат. Свиткајте ги краевите на тестото како венче, наредете ги пиците во рерна, ставете и по мало парченце маргарин и ставете ги во рерна да се печат.
Време потребно за подготовка: 90 минути
<< Сокриј го рецептот
Канелони со спанаќ и сирење >
Сосотојки:
1 кутија канелони (18 парчиња)
300 гр. сирење
400-500 гр. спанаќ
1 чешне лук
1 млад кромид
Бешамел сос
Малку кашкавал и пармезан за одозгора
Упатства:
Најпрво проверете дали во тавата во која ќе ги правите канелоните убаво ви ги собира едно до друго, за да не дојде до излевање на филот од краевите при печењето. Треба да стојат стиснати едни до други.
На малку путер се пропржува младиот кромид со лукот, и се додава спанаќот (пред тоа исчистен, малку обарен и исечкан). Се пропржува неколку минути. Се посолува и трга настрана. Сирењето убаво го гмечите и малку изладениот спанаќ го додавате во него. Промешајте. Смесата нека се излади пред да почнете со полнење (во спротивно ќе ви испукаат канелоните).
Канелоните се полнат со готварски шприц или лажиче. На дното од тавата ставете малку бешамел сос (да се покрие сосема дното), наредете ги канелоните, потоа прелејте ги со преостанатиот сос. Покријте ја тавата со алуминиумска фолија. Се печат 20 мин во загреана рерна на 200 степени, потоа се вади фолијата, се ренда кашкавал и се наросува пармезан. Се печат така уште 20-тина минути. Сервирајте ги не премногу топли.
Време потребно за подготовка: 50 минути
<< Сокриј го рецептот
Ќебапчиња во тесто >
Сосотојки:
брашно
квасец
сол
шеќер
млако млеко
вода
мелено месо
јајце
презла
Упатства:
Замесете тесто како за леб. Оставете го да скисне. Откако ќе сксне тестото правиме мали топчиња.
Во меленото месо додадете јајце, презла и зачини и направете ќебапчиња.
Топчињата тесто исукајте ги, на средина сставете го ќебапчето, завиткајте го и оставете г да сксне. Печете на 200 степени.
Пријатно!
Време потребно за подготовка: 80 минути
<< Сокриј го рецептот
Киснато со пиперки од туршија >
Сосотојки:
- 1 кгр. брашно
- 1 пресен квасец
- млака вода
- 1 маргарин кристал
- малку сол
- пржени пиперки од туршија
- 100 гр. изварка
- сусам
- масло
Упатства:
Најпрво пиперките од туршија се дробат и се пржат во врело масло, додека не бидат убаво испржени.
Се замесува тесто од брашното, квасецот (зафатен), млака вода и малку сол. Се остава да скисни. Се премесува уште еднаш и се дели на два дела. Првиот дел се сучи и на него се размачкува пола маргарин кристал. Се сечи на подебела лента и не до крај и се витка како полжав. Истата постапка се повторува и со вториот дел.
Потоа се сучи кора (отприлика со големина колку плехот) и се става во намастениот плех. На кората се ставаат пржените пиперки од туршија, изварка и малку масло. Потоа се сучи другото тесто и се става над него. Се сечат парчиња му се става сусам одозгора и се остава да скисни. Пред печење се става масло.
Време потребно за подготовка: 90 минути
<< Сокриј го рецептот
Кифлички со мармалад >
Сосотојки:
1 кгр. брашно
5 јајца
500 мл млеко
1 квасец
150 мл.масло
6-8 лажици шеќер
1 пак. ванила
мармалад
Упатства:
Млекото се затоплува. Кон него се додаваат: квасецот, 3-4 лажици шеќер, 3-4 лажици брашно. Смесата се остава на страна за околу 10 минути за да стаса.
Брашното, јајцата (без едната жолчка), маслото, ванилата и 3-4 лажици шеќер се мешаат со веќе стасаниот квасец.
Тестото се замесува и се остава да нарасне за 30-35 минути. Откако ќе нарасне се премесува и се дели на 4 еднакви топчиња. Топчињата се остават на маса врз масло.
Се сучат се и се сечат на триаголници (со дебелина од околу 1 см). Се додава мармалад (по можност густ) и се витка.
Одделно се разбива жолчка со малку масло и се мачкаат кифлите. Се посипуваат со шеќер и се оставаат малку да скиснат.
Печете на 200 ° и постепено на 250 °.
Време потребно за подготовка: 80 минути
<< Сокриј го рецептот
Кифлички со форма на јајце >
Сосотојки:
1/2 литри вода
3 филџани зејтин
4 супени лажици шекер
2 мали лажици сол
1 квасец
брашно по потреба
1 пециво
зејтин
маргарин
Упатства:
Водата ја ставаме во подлабок сад. Квасецот го ставаме во подлабок сад, му ставаме малку вода и 1 до 2 лажици брашно го промешуваме и го оставаме да стаса. Откако е стасан квасецот го ставаме во садот за вода, па го ставаме зејтинот, шеќерот, солта, пецивото, а потоа ставаме брашно и замесуваме за да добиеме не многу тврдо тесто. Откако тестото е замесено го вадиме од садот и го месиме. Откако сме го измесиле убаво го враќаме во садот и го оставаме да кисне. Ова тесто се кисне 3 пати. Кога ке стаса првиот пат го промешуваме, а така правиме и следните два пати. Откако е стасано по трет пат од тестото вадиме 36 топчиња и ги ставаме на рамна подлога предходно подмачкана со зејтин.Топчињата ги обликуваме и декорираме во форма како на сликата.
Време потребно за подготовка: 120 минути
<< Сокриј го рецептот
Козињак (Милиброд) >
Сосотојки:
-4 јајца
-? литар млеко
-1 чаша масло
-1 квасец
-1 чаша вода
-300 гр шеќер
-стругана кора од 1 лимон
-мармалад ( јас користам мешан, домашен)
-суво грозје
-брашно по потреба
Упатства:
Се става квасецот да скисне во една чаша топла вода со малку шеќер. Се замесува тесто од сите состојки (освен мармаладот и сувото грозје). Тестото да биде средно меко. Се покрива со крпа и се остава на топло да скисне. Откако еднаш ќе скисне, се размесува со малку брашно и се остава втор пат да скисне.
Кога и втор пат скиснало, тестото се размесува убаво и се дели на пола. Едниот дел се остава на страна покриен со крпа.
Се зема половината тесто и се дели на два дела. Од првите два дела се прават два ролати со мармаладот.
Се расукува правоаголна кора ( ширина колку плехот за печење ) се мачка со мармалад и се витка како ролат. Се става на плехот.
Истото се повторува и со другиот дел, се мачка мармалад, се витка ролат и се става во плехот на малку растојание од првиот ролат.
Потоа се зема другата половина од тестото. Се дели на 6 еднакви топчиња.
Од топчињата се прават долги како ленти со раце ( како сукало ). На секоја лента се става суво грозје и повторно со раце се сучат за да се соедини тестото со грозјето.
Се земаат по три ленти и се плетат како плетенки. Истото се повторува и со другите три ленти.
Се ставаат на плехот кај ролатите ( поголем плех ) се мачкаат сите со жолчка од јајце и се посипуваат со ванилин шеќер.
Се печат на умерена температура 1 час. Откако ќе се испечат се покриваат убаво да омекнат и после 15 минути се вадат од плехот и се оставаат завиткани додека сосема не се изладат.
Време потребно за подготовка: 180 минути
<< Сокриј го рецептот
Лазања >
Сосотојки:
• 1 пакување кори за лазања
• 400 гр мелено месо
• 2 главици кромид
• 300 гр доматно пире
• 300 мл млеко
• 100 гр путер
• 4-5 лажици брашно
• кашкавал
• зачини по вкус
Упатства:
Најпрво ситно го сецкате кромидот и на тивок оган го пропржувате, па потоа го додавете доматното пире и динстате 10тина минути. Потоа го додавате меленото месо и зачините (сол, бибер, босилок) и промешувате. Оставате 10
минути убаво да се згусне смесата и месото да се пропржи.
Во друг длабок сад го подготвувате бешамелот. Го ставате путерот на тивок оган да се стопи и го додавате брашното, промешувате кратко и го додавате млекото. Мешате до добивање на густа хомогена смеса.
Плехот каде ќе ги печете лазањите го премачкувате со путер.
Ставате ред кори, бешамел сос, па смесата со мелено месо.
На крај преливате со бешамел сос и додавате малку но не да ги покриете целосно лазањите. Плехот го покривате со алуминиумска фолија и печете на 200°Ц, 30тина минути.
Ги вадите надвор лазањите, ставате рендан кашкавал и без фолија се потпекуваат уште 5-10 минути.
Време потребно за подготовка: 50 минути
<< Сокриј го рецептот
Лазања (со мелено месо) >
Сосотојки:
- 500 г. лазања кори
- 500 г. мелено месо
- 400 г. кашкавал
- 800 мл. кечап
- 150 г. сос за шпагети
- 2 големи лажици масло
- 2 чешниња лук
- 1 мало лажиче сол
- 1 мало лажиче шеќер
- 1 лажиче оригано
- малку пипер
Упатства:
Прво се приготвува сосот од месото со сите состојки, на следниов начин:
Се става маслото во подлабоко тенџере, се потпржува меленото и му се додаваат сите наведени состојки, се меша добро да не запече. Сосот треба да биде густ, така да кога ќе се помине со лажицата на дното од тенџерето да остави трага и тоа е знак дека сосот е спремен.
Во меѓувреме се варат лазањите (во вода, со малку масло и сол) да омекнат околу 10-15 мин., па се ладат во ладна вода.
Во тава 22x33 cм. се редат прво лазањата, па еден ред сос, рендан кашкавал, па повторно лазања, сос, кашкавал и така се’ додека не се потрошат сосот и лазањите, а и последната лазања мора да биде со сoс и кашкавал.
На крајот се покриваат со фолија и се печат 30 минути на 180°C.
Време потребно за подготовка: 80 минути
<< Сокриј го рецептот
Лазања со спанаќ, рикота и моцарела >
Сосотојки:
750 гр рикота
125 гр рендан пармезан
1 големо јајце
1 литар доматно пире
12 лисја кора од лазања
600 гр спанаќ
250 гр рендана моцарела
Упатства:
Загрејте ја рерната на 180 степени. Измешајте ја рикотата со пармезанот и јајцето во голема чинија. Подмачкајте го плехот со малку маснотии. Посипете 250 мл доматно пире на неа. Наредете три од листовите лазања во тавата. Посипете малку од смесата со рикота, покријте со грст спанаќ. Повторете го ова додека не завршат полнењето и лисјата. Треба да ви останат 3 листови кора од лазања за горниот слој.
Покријте со алуминиумска фолија. Печете 35 минути. Отстранете ја фолијата, посипете со рендана моцарела. Печете уште 20 минути или додека не поруменат.
Време потребно за подготовка: 60 минути
<< Сокриј го рецептот
Лазањи a la Maca25 >
Сосотојки:
за сосот:
500 гр. мелено месо
1 главица кромид
1 морков
0,5 л доматен сос ( јас најчесто купувам томатело од 1 литар)
сол и бибер
бешамел:
неколку коцки путер
3-4 лажици (големи и полни) брашно
0,5 л млеко
рендан кашкавал
сол
1 кутија лазањи (оние кои не се варат претходно)
Упатства:
Го рендам кромидот и морковот и заедно ги пржам. Откако ќе омекнат го додавам месото, го пржам ама не го оставам да потемни многу затоа што после треба и да се пече. Додавам доматен сос, сол и бибер и оставам да изврие.
За тоа време го правам бешамелот. Се топи путер, се додава брашното, се меша додека не добие златна боја, па потоа со мешање се додава млекото. Тука треба да се пази да не се појават грутки, затоа мешајте со мешалка за јајца На крај се додава кашкавалот и се соли.
Во едно подлабоко тавче на најдолниот ред се става бешамел. Потоа се редат лазањите, па врз нив сосот, па повторно бешамел. Така се додека не ви се потрошат состојките. Ако забележите дека ви е малце суво, изрендајте меѓу сосот и бешамелот свежа краставица (прекрасен вкус дава). На крај се завршува со сос и бешамел. Внимавајте сосот секогаш да ви е потечен за да омекнат лазањите. Одозгора се ренда кашкавал и се пече во претходно загреана рерна на 250 C половина час, па на 200 C уште 10-15 мин. И потоа се крка
Време потребно за подготовка: 50 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
