| 1 - 12 рецепти од 21 | Страница: | | 1 | 2 |
Кифли >
Сосотојки:
1 килограм брашно
3 жолчки
2 јајца
2 филџани зејтин
2 мали лажички шеќер
1 мало лажиче сол
500 грама млеко
1 квасец
250 грама маргарин
Упатства:
Квасецот го ставаме во подлабок сад му ставаме малку млако млеко и брашно го промешуваме и го оставаме да стаса. Брашното го ставаме во подлабок сад и кога е стасан квасецот го додаваме во брашното, во брашнот ги ставаме и другите намирници (јајцата, зејтинот, шеќерот ) и убаво го замесуваме тестото. Го оставаме да стаса 30 минути потоа тестото го ставаме на работна маса и од него вадиме 15 до 20 топчиња. Секое топче го расукуваме во мала коричка и ја мачкаме со маргарин само најгорната не ја мачкаме. Откако сме ги намачкале расукуваме голема кора, кората ја сечеме на триаголници и правиме кифли така што ги виткаме од поширокиот кон потесниот крај. Кифлите ги редиме во тепсија која предходно сме ја премачкале со зејтин или маргарин. Врз кифлите премачкуваме жолчка ставаме сусам и мало парче маргарин. Подготвените кифли ги ставаме во загреана рерна да се печат 15 до 20 минути. Кога се готови ги вадиме и ги оставаме да се изладат.
Време потребно за подготовка: 0 минути
<< Сокриј го рецептот
Велигденско лебче >
Сосотојки:
1 килограм брашно
500 грама млеко
1 тазе квасец
12 лажици зејтин
4 супени лажици шеќер
3 супени лажици сол
малку маргарин
малку фолија
1 жолчка
Упатства:
Квасецот го ставаме во подлабок сад му ставаме малку млака вода едно мало лажиче шеќер и 2 до 3 лажици брашно, убаво го промешуваме и го оставаме да стаса. Брашното го ставаме во подлабок сад, му ги ставаме солта и шеќерот, и откако е квасецот стасан го истураме во брашното а со предходно стопленото млеко го замесуваме брашното и правиме тесто. Тестото не треба да биде многу тврдо. Замесеното тесто го оставаме да стасува. Откако е стасано го истураме на маса и малку го премесуваме. Тестото го делиме на три дела, секој дел го раце го сукаме во долгнавеста форма (како шпагета). Отако сме ги исукале трите краеви ги доближуваме еден до друг и почнуваме да ги плетеме како плетенка внимавајки на средина да ни остане шуплина голема колку едно јајце. Потоа земаме подлабока округла тепсија (може и тенџере) и ја премачкуваме со маргарин. Отако сме ја премачкале тепсијата го ставаме плетеното лебче во неа. На средината на лебчето ставаме фолија завиткана повеќепати за да не се затвори шуплината. Така лебчето го покриваме и го оставаме да стаса. Откако е стасано го премачкуваме со жолчка и му ставаме неколку коцки маргарин, и го ставаме во загреана рерна , го печеме на 200 до 250 степени се додека не се зарумени. Откако е готово го вадиме од редна и го оставаме да се излади. Откако е изладено му ја вадиме парчето фолија и го вадиме од тепсијата. Велигденското лебче го ставаме во убав голем тањир и на местото каде што стоела фолијата му ставаме Велигденско јајце. Лебчето го ставаме на маса и се служиме.
Време потребно за подготовка: 50 минути
<< Сокриј го рецептот
Погачки >
Сосотојки:
# 300 г пилешки гради (или од мисирка)
# 200 г шампињони
# 2 - 3 чешниња лук
# сол, црн пипер
# сечкан магдонос
# 500 г листесто тесто
# 1 јајце, за мачкање
# рендан пармезан (или друго жолто сирење)
Упатства:
Пилешките гради исечкајте ги на што поситни коцки и испржете на малку масло. Извадете на чинија и во истото тавче пржете ги шампињоните, исечкани на тенки ливчиња. Кога од печурките ќе испари водата додајте пасиран или ситно сечкан лук и се уште малку пржете. Тргнете го тавчето од ринглата, оставете малку да се излади па додајте во месото, насолете, наросете со црн пипер, додајте сечкан магдонос и се повторно измешајте. Листестото тесто, двете кори, расукајте ги во правоаголник и исечете на квадрати (8 х 8 см). Белката изматете ја со вилушка и намачкајте ги рабовите од секој квадрат. На секое парче тесто ставајте по малку од филот, наросете со пармезан. Сите четири агли префрлете ги кон средината. Намачкајте со изматена жолчка (со неколку капки вода) и префрлете на тава покриена со хартија за печење. Рерната загрејте ја на 220 степени и погачките печете ги 15 до 20 минути. Послужете ги топли.
Време потребно за подготовка: 70 минути
<< Сокриј го рецептот
Пица лепчиња >
Сосотојки:
1 леб (ладен)
2 јајца
150 гр шунка
150 гр кашкавал
1 лажичка сенф
кечап
маргарин
Упатства:
Исечете го лебот на парчиња и наредете го лепчињата во плех премачкан со маргарин. Изматете две јајца и во нив додајте ја изренданата шунка и лажичка сенф. Лепчињата премачкајте ги прво со кечап, па со смесата од јајца. По желба може да ставите некоја печурка и одозгора ставете рендан кашкавал. Печете во загреана рерна на 250 степени, 10-тина минути.
Време потребно за подготовка: 20 минути
<< Сокриј го рецептот
Крутони (домашни кубети) >
Сосотојки:
- стар леб
- 1-2 лажици путер
- зачини (по желба)
Упатства:
Исечкајте го лебот на коцки. Битно е лебот да биде стар. Стопете го путерот во тава, додајте го лебот измешајте за да го впие путерот и распоредете ги во плех за печење така што да не се преклопуваат. Кога ќе поруменат од едната страна завртете ги од другата страна. Кога ќе добијат убав азлатна боја извадете ги од рерна и оставете ги да се изладат. Доколку сакате во пржењето може да додадете вегета или лук во прав.
Време потребно за подготовка: 30 минути
<< Сокриј го рецептот
Леб со маслинки >
Сосотојки:
600 г брашно
? коцки квасец, 40 грама
1 лажичка шеќер
1 лажичка сол
1 лажица анасон и ким
1 лажичка маслиново масло
Околу 20 парчиња зелени и црни маслинки
100 мл топло млеко
3-3,5 мл топла вода
Упатства:
Во помал сад измешајте ги квасецот, млекото, шеќерот и додадате малку брашно. Оставете ја смесата околу 5 минути, да се крене. Остатокот од брашното измешајте го со сол, масло и млеко. Додадете ја смесата со квасецот. Месете го тестото додека не стане меко. Оставете ја смесата да стаса, на топло место, околу еден час. Маслинките исечкајте ги ситно, додадете ги анасонот и кимот и вметнете ги во смесата. Ставете го тестото во претходно загреана рерна и печете околу 45 минути на 220? степени.
Овој вкусен леб се јаде додека е топол, а може дури да биде и идеална комбинација за појадок, која секому ќе му се допадне. Можете да го комбинирате со сирење, ајвар или јогурт.
Добар апетит!
Време потребно за подготовка: 80 минути
<< Сокриј го рецептот
Пита од стар леб >
Сосотојки:
700 г стар леб
500 мл млеко
200 г шунка
150 г сирење
2 јајца
малку масло за готвење
Упатства:
1.Лебот исечете го на коцки. Ставете го во подлабок сад. Одозгора налијте млако млеко. Оставете го лебот 10 минути убаво да впие од млекото и да омекне.
2.Изрендајте сирење, исечкајте шунка и заедно со две јајце ставете ги во смесата од леб и јајца. Убаво измесете. (по желба можете да посолите)
3.Тавчето за печење добро премачкајте го со масло. Истурете ја смесата и печете на 200 степени околу 40 минути.
Време потребно за подготовка: 30 минути
<< Сокриј го рецептот
Бадниково лепче >
Сосотојки:
500гр. бело брашно тип 400
1 мала лажичка сол
1/2 свеж квасец или 1 ќесичка сув квасец
50 мл. масло
околу 250 гр. млака вода
Упатства:
Во длабок сад ставете го брашното, додадете ја солта, квасецот и маслото и малку промешајте. Почнете постепено да ја додавате водата. Замесете тесто. Оставете да се одмори 10 тина минути. Печете во загреана рерна на 200 целзусови степени околу 20 минути.
Време потребно за подготовка: 50 минути
<< Сокриј го рецептот
Брускети на поинаков начин >
Сосотојки:
сецкано печено месо
листови зелена салата
сецкана сланина или шунка
варено јајце
сенф
мајонез
сол
бибер
брускети или двопек
Упатства:
Месото, сланината и јајцето се сечкаат, се додаваат сенфот, мајонезт и зачините. Сето се меша и се става на двопекот или брускетите, на кои претходно сме ставиле вивчиња зелена салата.
Време потребно за подготовка: 20 минути
<< Сокриј го рецептот
Канапеи - коктел сендвичи >
Сосотојки:
- 2 пак. бел леб од Жито Лукс (во форма на коцка)
- 300 гр. пушено пилешко филе
- 300 гр. кашкавал
- маргарин
Упатства:
На машина за сечење месо се сечи пилешкото филе и кашкавалот. Се земаат три парчиња леб. Првото парче се мачка со маргарин од едната страна, над него се ставаат парчиња пушено месо, се става второто парче леб (намачкано од двете страни со маргарин), над него се ставаат парчиња кашкавал. Се става и последнот парче леб, намачкано само од едната страна со маргарин. Одозгора се става пилешко месо. Секој сендвич се сечи на осум делови (половина, четвртина, осмина).
Брзо, лесно и вкусно!
Време потребно за подготовка: 15 минути
<< Сокриј го рецептот
Запечени сендвичи од рерна >
Сосотојки:
тенки парчиња леб
200 гр шунка
листови кашкавал
100 гр чадени колбаси
100 гр намаз од сирење
200 мл млеко
2 јајца
100 гр кисела павлака
кечап
Упатства:
Секое парче леб намачкајте го со намаз од сирење, преку додајте листови шунка или некоја салама, додајте кашавал и кечап и така редете едно преку друго додека не го потрошите материјалот.
Префрлете во плех обложен со хартија за печење. Разматете јајца, додајте павлака и млеко и со тоа прелијте ги сендвичите.
Можете да нарендате кашкавал преку. Печете на 210 степени околу 35 минути.
Добар апетит!
Време потребно за подготовка: 40 минути
<< Сокриј го рецептот
Солени стапчиња >
Сосотојки:
# 370 г урда или младо сирење
# 250 г маргарин
# 1 до 2 јајца
# 400 г брашно
# 1 кесичка прашок за печиво
# сол
# сусам или ким
Упатства:
Изматете го маргаринот, додајте го исцеденото и иситнето сирење и заедно малку матете. Додајте ги сите останати состојки и направете тесто. На работна површина наросена со брашно расукајте го тестото, намачкајте со изматеното јајце и наросете со сусам или ким. Исечете стапчиња и наредете ги во тава покриена со мрсна хартија. Рерната загрејте ја на 180 степени и испечете ги стапчињата. Наместо стапчиња можете да сечете, со разни модли, други облици.
Време потребно за подготовка: 30 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
