Трилече торта >
Сосотојки:
За пандишпан:
6 јајца
300 гр брашно
300 гр шеќер
1 ванила
1 пециво
За прелив:
750 мл хопла (нематена)
1 л млеко
250 мл млеко во прав
За премачкување - карамела
Упатства:
Белките се матат со шеќерот цврсто како шлаг, па се додаваат жолчките една по една, и се мати додека смесата не се соедини. Се додава брашното и пецивото и се меша со жица за матење. Веднаш се истура во подмачкан и набрашнет плех, и се става во загреана рерна, првите 10 минути на 200 степени, па се намалува на 180, и се печи уште 20-тина минути.
Се остава да се излади, па се превртува на крпа. Во меѓувреме се мешаат млеката и хоплата, па половина од преливот се става во плехот, во него се става пандишпанот(може да го избоцкате со вилушка за поубаво до го впие преливот), и над него се тура другата половина. Се остава да впие од млекото околу 2 часа, па се сече на коцки и се става во фрижидер. По желба се премачкува со готов карамел.
Време потребно за подготовка: 50 минути
<< Сокриј го рецептот
Panna cotta од чоколадо >
Сосотојки:
250гр чоколадо за готвење
250мл млеко
250мл слатка павлака
5 жолчки
200гр шеќер во прав
1 лажица густин
1 кесичка желатин
2 лажици врела вода
за глазура:
35гр бело чоколадо
35гр темно чоколадо
лажица масло
Упатства:
Загрејте го млекото и слатката павлака, прелијте преку чоколадо скршено на прачиња, измешајте чоколадото да се стопи.
Жолчките, шеќерот и густинот матете ги со миксер со поголема брзина додека жолчките не осветлат и не станат како крем. Во изматените жолчки додадете млеко и чоколадо, лесно измешајте, ставете на тивок оган и повремено мешајќи почекајте да зоврие, варете 2,3 минути. Кремот ќе стане доста густ. Тргнете од оган, додадете желатин кој во меѓувреме сте го стопиле со врела вода, измешајте и истурете во калап претходно облиен со ладна вода.
Глазура-растопете чоколадо со лажичка масло.
Време потребно за подготовка: 50 минути
<< Сокриј го рецептот
Штрудла со јагоди >
Сосотојки:
500 гр. кори
500 гр. јагоди
250 мл. слатка павлака
3 јајца
100 гр. шеќер во прав
100 гр. шеќер кристал
малку сол
малку масло
Упатства:
Имијте ги и исчистете ги јагодите. исечете ги на четвртини. Поделете ги подеднакво во пет садови и во секој сад додадете по 20 гр. шеќер во прав. измешајте. Изматете ги белките со малку сол, а жолчките со шеќер кристал. Изматете ја со миксер и слатката павлака. Се заедно измешајте. Во секој сад со јагоди додадете по 7 лажици од смесата. Оставете малку смеса за премачкување на кората.
Првата кора премачкајте ја со малку масло и на неа ставете ја втората кора. Повторете ја постапката со 3-те кори. На последната кора ставете ја цела смеса од 1 сад. завиткајте ја во форма на ролат и краевите на кората завиткајте ги кон внатрешната страна. Повторете ја постапката со сите кори. Корите одозгора премачкајте ги со смесата. Печете на 200 степени.
Пријатно!
Време потребно за подготовка: 50 минути
<< Сокриј го рецептот
Овошна торта со јаготки >
Сосотојки:
500 гр. бисквити
800 мл. вода
400 гр. шеќер
1/4 маргарин
200 мл вода
2 пудинзи од ванила
овошје по желба
шлаг пена по желба
Упатства:
500гр бисквити,се кршат и се растураат во подлабок плех за печење. Настрана во тенџере тураме 800 мл вода и 400 гр секер да зоврие.
Кога ке зоврие црпиме една чаша (од оние за млеко) од шербетот и ги попрскуваме бисквитите.
Во останатиот шербет кој врие додаваме 1/4 маргарин.Во 200 мл вода разматуваме 2 пудинзи од ванила.Го оставаме шербетот да врие 5 мин.
Над бисквитите редиме 400-500 грама сецкани јагоди(може и вишни,праски,кајсии, малини и сл.)
Го тураме разматениот пудинг во шербетот и мешаме. Кога ке згусти смесата,потураме над овошјето.
Израмнуваме со лажица одозгора да биде рамномерно и оставаме да се излади.Потоа кога ќе се излади може да се декорира одозгора со шлаг пена.
Време потребно за подготовка: 50 минути
<< Сокриј го рецептот
Палачинки со слатко од цреши >
Сосотојки:
јајца - 4 парчиња
млеко - 300 мл
вода - 300 мл
брашно - 2 ч.ч. нецелосни
шеќер - 1 лажиче
ванила - 1 пакетче
сол - 1 шрстофат
слатко од цреши - за филување
Упатства:
Прво измешајте ги јајцата многу добро со миксер.
Додадете ги течните состојки - водата, млекото, а по нив шеќерот и солта. Избијте ги и додадете го пополека брашното. При потреба дотурете уште малку вода и млеко. Оставете ја смесата да отстои половина час.
Загрејте капки масло во тава со нелеплив слој. Додавајте од смесата по малку и испечете ги палачинките од двете страни. Филувајте ги со слатко од цреши.
Пријатно!
Време потребно за подготовка: 50 минути
<< Сокриј го рецептот
Овошни мафини >
Сосотојки:
2 јајца
2 лажици шеќер (или повеќе ако сакате поблаго)
200 мл јогурт
50 мл масло
15 лажици брашно
1 кесичка ванилин шеќер
1 кесичка прашок за печиво
рендана кора од лимон
овошје по желба
шеќер во прав
Упатства:
Разделете ги белките од жолчките на јајцата. Прво се матат белките. Потоа полека се додава шеќерот, па жолчките, јогуртот, маслото, ренданата кора од лимон и ванилиниот шеќер. На крајот, додајте го брашното со прашокот за печиво.
Смесата насипете ја во калапи за мафини. Наполнете ги до половина, а одозгора ставете овошје по ваша желба.
Печете во претходно загреана рерна на 180°С.
Откако мафините ќе се испечат, посипете ги со шеќер во прав.
Време потребно за подготовка: 50 минути
<< Сокриј го рецептот
Домашен мус од јагоди >
Сосотојки:
За жолтиот фил:
2 жолчки
3 лажици шеќер
50g бело чоколадо
1 ванилин шеќер
1,5dl слатка павлака
5g желатин
За филот од јагоди:
250g јагоди
4 лажици шеќер
5g желатин
1,5dl слатка павлака
За декорација:
150g јагоди
3 лажици шеќер
5g желатин
Упатства:
Жолтиот фил:
1. Во сад, соединете ги жолчките со шеќер и ванилин шеќер, па гответе на пареа со постојано мешање додека смесата не се згусне. Додадете искршена бела чоколада и мешајте додека не се растопи.
2. Во оладената смеса од жолчки и чоколадо додадете шлаг од слатка павлака и бавно мешајте.
3. Прелијте го желатинот со 2 лажици ладна вода, измешајте и веднаш додадете во филот. Добро измешајте со дрвена лажица.
Филот од јагоди:
1. Измиксирајте ги јагодите во блендер, соединете ги со шеќерот и кратко варете додека 1/3 од течноста не зоврие.
2. Прелијте го желатинот со 2 лажици ладна вода, мешајте додека набабри и потоа додадете го во топлата смеса од јагоди.
3. Изматете ја слатката павлака така што ќе добиете цврст шлаг и потоа додадете го оладениот фил од јагоди и мешајте.
Финална постапка:
1. Во стаклени чаши нанесете го филот од јагоди, а потоа и жолтиот фил.
2. Преостанатите јагоди за декорација измешајте ги и сварете ги заедно со шеќерот. Во него додадете го набабрениот желатин и оставете да се олади.
3. Разлејте ја оладената смеса преку жолтиот фил и оставете да се зацврсти.
Време потребно за подготовка: 50 минути
<< Сокриј го рецептот
Галета - мирисна торта од Париз >
Сосотојки:
150-200 г ореви
2-3 лажици масло
-сливи, свежи или смрзнати
2-3 јаболка
-шеќер
-цимет
-ѓумбир
Упатства:
1.Изладеното лиснато тесто извадете го од фрижидер. Развлечете го на побрашнета работна површина и префрлете го врз калап обложен со хартија за печење.
Можеби е подобро доколку тавата за печење ја превртите а тестото да го ставите на надворешната страна (на тој начин галетата полесно ќе се извади од тавата.
2.Врз тестото намачкајте ја пастата од ореви. Врз неа рамномерно наредете сливи и јаболка и доколку сакате, дополнително поросете со шеќер. Овошјето не го редете до краевите, туку оставете неколку центиметри празно.
3.Откако ќе го наредите овошјето, завртете ги рабовите од тестото кон внатре.
4.Премачкајте ги рабовите од тестото со изматено јајце. Печете на 200°C околу 30 минути.
Време потребно за подготовка: 50 минути
<< Сокриј го рецептот
Штрудла од јаболка со цимет, суво грозје и ванила >
Сосотојки:
500 гр лиснато тесто
5 големи јаболка, зелени
Сок од лимон
140 гр шеќер
1 лажичка цимет
1 лажица брашно
1 лажичка екстракт од ванила
80 пар. суво грозје
1 јајце, изматено со 3 лажици млеко
Шеќер во прав за посипување
Упатства:
Подготовка:
Загрејте ја рерната на 220 степени. Намачкајте плех и обложете со хартија за печење.
За полнење:
Излупете ги и ситно исечкајте ги јаболката. Можеби на тенки рамни парчиња. Ставете ги јаболката во голем сад и посипете ги со сок од лимон додека не поруменат. Во друг сад посебно измешајте ги шеќерот, циметот и брашното. Додадете ја оваа смеса во јаболката. Додадете ја ванилата. Измешајте сe многу добро. На крај додадете го сувото грозје.
Подготовка на штрудла:
Во тавата намачкајте еден лист лиснато тесто. Поставете го филот во центарот. Одозгора ставете го вториот лист тесто. Притиснете со прстите на рабовите. Премачкајте со изматено јајце и млеко. Печете 20-30 минути во загреана рерна. Потоа намалете на 190 степени и печете уште 20 минути или додека не поруменат.
Време потребно за подготовка: 50 минути
<< Сокриј го рецептот
Тарт со круши и бадеми >
Сосотојки:
За тестото:
170 гр брашно
85 гр путер
30 гр шеќер
1 јајце
За полнење:
2 јајца
100 гр шеќер
3 круши, излупени и исечени на парчиња
100 гр исечени бадеми
30 гр стопен путер
50 гр брашно, просеано
? лажичка прашок за пециво
Упатства:
Оставете го путерот на собна температура. Измешајте го со брашното и добро истријте со прстите додека не добиете големи трошки од путер. Измешајте го шеќерот со јајцето. Додадете ги во трошките и месете го тестото. Доколку е потребно, додадете малку вода или млеко за да ја направите текстурата помалку густа. Оставете го тестото во фрижидер околу еден час пред да го развлечете.
Расукајте го тестото на набрашнета површина. Ставете го во претходно подготвена тава. Вратете го во фрижидер да се излади.
За полнење:
Јајцата и шеќерот изматете ги со миксер. Додадете ги бадемите и растопениот путер. На крајот, додадете брашно и прашок за пециво. Ставете дел од филот врз тестото. Наредете малку исечени круши. Потоа додадете повеќе фил и завршете со слој сецкани круши.
Печете во загреана рерна на 180 степени околу 40 минути или додека не порумени.
Време потребно за подготовка: 50 минути
<< Сокриј го рецептот
Martinas cooking: Брз колач со овошје >
Сосотојки:
3 јајца
3 чаши шеќер
3 чаши млеко
6 чаши брашно
1 чаша масло
1 пециво
Упатства:
Во длабок сад изматете ги јајцата со шек?ерот, додадете ги маслото, млекото па брашното и пецивото(шолја 200-220 мл). Смесата истурете ја на хартија за печење или намрсен плех(бр.30 или поголем). Одозгора ставете парчиња овошје, свежо или од компот и печете во загреана рерна на 180 С околу 30-40 минути. Јас ставив свежи цреши и јаготки(околу 150 гр овошје). Оставете да се излади, па исечете го.Follow martinascooking on Instagram
Време потребно за подготовка: 50 минути
<< Сокриј го рецептот
Вртени кори со чоколадо и малини >
Сосотојки:
20 парчиња кори за баклава
170 g стопен путер
1 шолја шербет
1 ? шолја чоколадо, стопено
1 ? шолја сечкани фстаци
1 шолја малини
Упатства:
Загрејте ја рерната на 170?С. извадете една кора и целосно премачкајте ја со стопениот путер. Преклопете ја кората на пола (така што страните со путерот ќе се спојат).
Од пошироката страна на кората почнете да ролате тенко стапче/сукало до другиот крај на кората.
Наберете ги двата краја и извадете го стапчето, а од ролната направете кружна форма и ставете на хартија за печење.
Премачкајте ги сите „баклави“ со путер и ставете да се печат 25 минути додека не добијат златно-кафеава боја.
Извадете ги од рерна и веднаш намачкајте ги со шербетот. Во средината наполнете го секој прстен со 1 лажица од стопеното чоколато и наросете од фстаците, а на врвот ставете малина.
Време потребно за подготовка: 50 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
