Чајни чоколадни колачиња >
Сосотојки:
-500 гр брашно
-200 гр шеќер во прав
-2 јајца
-2 пецива
-2 лаж.какао
-200 гр маргарин
-5 лаж.млеко
Упатства:
Се меси тесто од сите овие состојки и се сучи кора.Се прават форми со калапчиња,па се редат во тава подмачкана со путер. Се печат во претходно загреана рерна на 250 степени околу 5-6 минути.Се премачкуваат со растопено чоколадо, па се попрскуваат со сецкани оревчиња.
Време потребно за подготовка: 60 минути
<< Сокриј го рецептот
Колач со вишни >
Сосотојки:
5 јајца
15 лажици шеќер
15 лажици зејтин
15 лажици млеко
20 лажици брашно
1 пециво
Упатства:
Јајцата и шеќерот се матат убаво со миксер.Кога ќе се добие пенеста смеса се додаваат останатите состојки и сето тоа уште малку се мати. Смесата се става во тава бр.30, а вишните претходно исчистени од семки се разредуваат низ смесата.Се пече во претходно загреана рерна на 200 степени.Кога е готов колачот се посипува со шеќер во прав и чоколаден прелив.Се сече на коцки и спремен е за послужување.
Време потребно за подготовка: 60 минути
<< Сокриј го рецептот
Домашно баунти >
Сосотојки:
За 25-30 топчиња
200 гр. кокос
100 мл. слатка павлака
70 гр. шеќер во прав
70 гр. маргарин
200 гр. чоколадо
Упатства:
Во сад ги ставаме кокосот и шеќерот во прав. Ја загреваме слатката павлака заедно со маргаринот, додека маргаринот не се стопи. Изладената смеса ја преливаме преку кокосот и шеќерот во прав. Сето добро го мешаме. Ако смесата Ви се чини ретка, додадете кокос. Мешајте додека не добиете тврда смеса.
Направете мали топчиња со мало лажиче.
Ставајте ги топчињата на тацна, на која претходно сте ставиле алуминиумска фолија. Оставете ги во фрижидер околу 1 час.
Растопете го чоколадото на пареа.
Со помош на чечкалица, потопете ги топчињата во чоколадо и повторно ставете ги на фолијата
Оставете ги во фрижидер пред сервирање.
Време потребно за подготовка: 60 минути
<< Сокриј го рецептот
Кадифени срца >
Сосотојки:
- 75 гр. маргарин
- 200 грама багремов мед
- 100 гр. шеќер
- 1 јајце
- 40 гр. какао
- 400 гр. брашно
- 1/2 лажичка цимет
- рендано морско оревче
- 2 лажички прашок за пециво
- 2 лажици мармалад од сливи
За глазура:
- 200 гр. чоколадо
- 80 гр. маргарин
Упатства:
Маргаринот, медот и шеќерот загрејте ги на ниска температура да се растопат. Во подготвената смеса ставете ги јајцата, какаото, брашното, циметот, морското оревче и прашокот за пециво. Замесете тесто и оставете го да стои околу еден час во фрижидер.
Исукајте го тестото малку подебело и со помош на калап извадете срца. Ставете ги во плех обложен со хартија и печете на 175 C околу 10 минути.
Изладените срца потопете ги во чоколадна глазура и ставете ги на решетка да се стврднат, а потоа залепете ги со мармалад.
Колачињата чувајте ги во кутија неколку дена, за да омекнат.
Време потребно за подготовка: 60 минути
<< Сокриј го рецептот
Лиснато тесто со јагоди и крем од ванила >
Сосотојки:
500 gr (купечко) замрзнато лиснато тесто,
1/2 kg јагоди, измиени, исчистени и исецкани на четвртинки
1 шоља ванилин крем
јајце за премачкување
за кремот од ванила:
1 шоља млеко
2 лажици нишесте
4 лажици шеќер
1 јајце
1 кесичка ванилин шеќер
Упатства:
Помешајте ги нишестето, шеќерот и ванилиниот шеќер. Додадете го јајцето и убаво измешајте, да нема грутчиња. Загрејте го млекото. Ставете третина од жешкото млеко во мешавината со јајце и брзо промешајте, па ставете го сето тоа во останатото млеко. Вратете го лончето на шпорет, на тивко и мешајте додека кремот не се згусне.
Одмрзнатото лиснато тесто, посипено од брашно од двете страни, исукајте го на дебелина од околу 3 mm и исечете го на 6 дела со димензии отприлика 10 x 17 cm. Исечете ги лентите како на сликите и наредете ги парчињата на подмачкано тавче или врз хартија за печење. Ставете по 1 голема лажица (или малку повеќе) од кремот во средината на секое парче тесто, врз него ставете јагоди, па свиткајте ги лентите од тестото врз јагодите, една по една, наизменично, од едната и од другата страна и притиснете ги малку да се залепат. Премачкајте ги погачиците со белката и печете ги во загреана рерна на 200°C околу 25-30 минути или додека тестото не е добро испечено.
Преземено: sitnoseckano.com
Време потребно за подготовка: 60 минути
<< Сокриј го рецептот
Кинески пудинг од ориз >
Сосотојки:
* 250 г ориз
* 100 г шеќер
* 1 ванилин шеќер
* 1 лажичка рендана портокалова кора
* 100 гр суво грозје
За прелив:
* 200 мл вода
* 100 г шеќер
* 2 лажици сок од лимон
* 1 лажица густин
Упатства:
Сварете го оризот и процедете го.
Во топлиот, варен ориз, додадете го шеќерот, ванилиниот шеќер,кората од портокал и лимон и мешајте додека шеќерот се раствори.
Калапите за пудинг пудинг премачкајте ги со путер, на дното од калапите ставете измиено суво грозје, и наполнете ги калапите со ориз, па притиснете ги со лажица.
Калапите со оризот ставете ги на пареа да се сварат околу 30 минути.
Водата, шеќер и сок од лимон зовријте ги, а потоа додадете густин разматен во малку вода.
Варениот ориз, извадете го од калапот и прелијте го со подготвениот прелив.
Време потребно за подготовка: 60 минути
<< Сокриј го рецептот
Мафини со овошен јогурт >
Сосотојки:
* 2 јајца
* 110 г шеќер
* 65 мл масло
* 150 мл овошен јогурт од кајсија
* 220 г пченично брашно тип 550
* 1-2 лажички прашок за пециво
* сол
* 15 г путер
* 60 г свежо кравјо сирење
* 4 лажици мармалад од кајсија
Упатства:
Јајцата и шеќерот се мешаат со електричен миксер се додека не се добие густа маса.
Додадете во смесата масло, јогурт и брашно помешано со прашок за пециво и сол.
Калапите за мафини намрсете ги со со путер а потоа набрашнете ги. На крајот во смесата се додава сирењето и лажичка мармалад од кајсија и се меша се заедно со миксер.
Печете ги во претходно загреана рерна на 180 C 25 минути.
Време потребно за подготовка: 60 минути
<< Сокриј го рецептот
Печени тулумби >
Сосотојки:
6 филџани вода
3 филџани масло
6 филџани брашно
7-8 јајца
Шербет:
500мл вода
1 кг шеќер
1-2 ванилин шеќер
Упатства:
6 филџани вода
3 филџани масло
мешавината се става да зоврие и додека врие се додаваат:
6 филџани брашно
Се меша брзо убаво и се трга на страна. Се остава да се излади .
Кога тестото ке се излади се додаваат 7-8 јајца едно по едно и 1 пециво и се измесува убаво тестото со рака.
Со помош на шприц за тулумби се шприцаат тулумбите во намрсен плех .
Се печат околу 40 минути на 180-200 степени во веке загреана рерна додека да заруменат и не се отвараат додека се печат.
Печените тулумби се преливаат со шербет.
Шербет:
500мл вода
1 кг шеќер
1-2 ванилин шеќер
п.с секогаш користите ист филџан за сите мерки
Време потребно за подготовка: 60 минути
<< Сокриј го рецептот
Еклери (Принцес крофни) >
Сосотојки:
8 филџани вода
3 филџани масло
6 филџани брашно
7 јајца
фил:
350гр шеќер
4 лажици брашно
3 лажици нишесте
1 жолчка
1 лажица маргарин
Упатства:
8 филџани вода
3 филџани масло
се ставаат да зовријат, додека вријат се додаваат
6 филџани брашно
Се промешува и се трга на страна.
Кога ке се излади смесата се додаваат 7 јајца и добро се измесува тестото со рака.
Се тураат во подмачкан плех , може со лажичка а мозе и со сприц за тулумби.Се печат 45мин на 200 степени без отварање на рерната.
Готовите еклери се полнат со фил
фил:
350гр шеќер
4 лажици брашно
3 лажици нишесте
1 жолчка
Оваа мешавина се вари во 1 литар млеко додека се згусни.
Откако ке се излади се додава 1 голема лажица маргарин и убаво се бие со миксер.
Се полнат еклерите и од горе се декорираат по желба со шеќер во прав или со чоколаден прел
Време потребно за подготовка: 60 минути
<< Сокриј го рецептот
Милка торта >
Сосотојки:
12 јајца
10 лажици шеќер
375 г маргарин (едно и пол маргарин)
300 г мелена плазма
600 г обични плазма бисквити
2 бели и 2 темни Милка чоколади
Упатства:
Од јајцата се одвојуваат жолчките и се матат заедно со шеќерот. Смесата се става да се вари на пареа за да згусне, притоа постојано се мати со миксерот. Посебно се мати маргаринот и се додава на претходно оладената готова смеса од жолчки. Потоа од белките се мати цврст снег и се додава мелената плазма. Оваа смеса се меша заедно со кремот од жолчките, па се дели на два дела. Во едниот дел се додаваат растопените бели чоколади, а во другата темните. Правоаголно длабоко тавче се обложува со алуминиумска фолија и се редат плазма бисквити натопени во млеко, не само на дното туку и од страните. Потоа се ставаат филовите еден врз друг, прво белиот, потоа кафеавиот. Повторно се редат плазма бисквити натопени во топло млеко. Се остава во замрзнувач 24h, потоа се превртува на чинија и се украсува со шлаг.
Време потребно за подготовка: 70 минути
<< Сокриј го рецептот
Брз овошен колач (со вишни) >
Сосотојки:
4 јајца
3 филџани шеќер
1 филџан јогурт
1 филџан масло
2 и пол филџани брашно
ќесичка прашок за пециво
500 г овошје по желба
Упатства:
Се матат јајцата и шеќерот со миксер, а потоа се додаваат јогуртот, маслото, брашното и прашокот за пециво притоа мешајќи со лажица. Длабоко правоаголно тавче (бр.30) се подмачкува со малку масло и се наросува со мелени бисквити.
Ако се користи овошје како јаболка, круши и и слично, се лупи и се сечка ги на големи кругови кои се редат на дното на тавчето и одозогора се истура смесата (после печењето колачот се превртува, па овошјето ќе дојде одозгора). Ако се користи поситно овошје како вишни, малини, јагоди - се истура смесата во тавчето, па одозгора се става овошјето. Се пече на 180 степени во претходно загреана рерна.
Време потребно за подготовка: 70 минути
<< Сокриј го рецептот
Англиска пита од јаболкa >
Сосотојки:
250гр.- брашно
170гр. -путер
1вреќичка-Ванилин шекер
6 лажици вода
1кг.-Јаболки
1 лимон
4лажици шеќер
3 лажици густин
100гр.-суво грозје
цимет
2 лажици мармалад од кајсија(или било кој)
Упатства:
Омекнатиот путер го гмечиме со вилушка,го додаваме брашното и 6 лажици вода и мешаме со рака. Добиеното тесто го оставаме во прозирна фолија замотано и го ставаме на 10мин во фрижидер. Така оладеното тесто го делиме на два еднакви дела.Првиот дел го ставаме во калапот за печење,и со прстите го оформуваме рамномерно на долниот дел од калапот. Потоа го бодиме тестото со вилушка.
Јаболкате ги лупиме и сецкаме на мали коцки или пак може и едно рендано јаболко. Така на исецканите (рендани) јаболка го додаваме сокот од лимонот,го додаваме сувото грозје,шеќерот,густинот,ванилиниот шекер и циметот.Состојките ги мешаме и овој прелив од јаболка го ставаме врз тестото.
Останатиот дел од тестото,го ставаме на набрашнетата работната површина и со помош на сукало го развлекуваме тестото до саканата големина и го ставаме врз преливот од јаболка.Полека го притискаме за убаво да се залепи на смесата,и да не излегува од страната.
Печиме 30 минути на 170 степени во загреана рерна.
Така изладена питата ја вадиме од калапот и ја премачкуваме со мармаладот од кајсија и по желба ставаме шеќер во прав.
Бон апетит! :))
Време потребно за подготовка: 70 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
