Чизкејк Прикажи го рецептот >>

Чизкејк >

Сосотојки:
Бисквитна кора: • 400 гр мелени бисквити • 100 гр шеќер во прав • 200 гр путер • 50 мл сок од вишна Фил: • 20 гр желатин • 400 гр крем сир • 200 гр шеќер во прав • 500 мл слатка павлака Прелив • 600 гр овошна мешавина од црвени плодови • 5-6 лажици шеќер • 2 лажици вода • 10 гр желатин

Упатства:
Подготовка: Во поголем сад помешајте ги мелените бисквити, шеќерот, путерот и се убаво соединете, на крај додадете го и сокот од вишни. Откако ќе добиете хомогена смеса втиснете ја на подлогата на калапот. Желатинот растворете го во ладна вода според упатството на ќесичката и оставете го да набабри. Крем сирењето матете го со шеќерот во прав, а во друг сад изматете ја павлаката во шлаг. Потоа изматената павлака додавајте ја во филот со сирењето. Загрејте го желатинот да се стопи и додадете го кон целиот фил. Матете со миксер уште некоја минута и филот распоредете го низ целата бисквитна кора. Овошниот микс заедно со шеќерот и водата ставете го да зоврие. Откако ќе почне да врие, намалете ја темературата и нека остане на оган уште 3 минути. Додадете го желатинот (кој претходно сте го оставиле да бабри па сте го стопиле). Откако филот ќе се олади распоредете го врз белиот крем и оставете ја тортата во фридижер неколку часа добро да се стегне. Уживајте во овој прекрасен спој на вкусови! Follow my_little_kitchen_stories on Instagram

Време потребно за подготовка: 70 минути

<< Сокриј го рецептот

Новогодишни колачиња со домашен фондан Прикажи го рецептот >>

Новогодишни колачиња со домашен фондан >

Сосотојки:
300 гр путер 600 гр брашно 170 гр шеќер во прав 1 ванилин шеќер 1 жолчка За фондан 50 гр маргарин 1 лажица посветол мед 1 желатин 50 мл вода 600 гр шеќер во прав

Упатства:
Најпрво со миксер изматете го путерот со жолчката, шеќерот и ванилиниот шеќер. Потоа постепено додавајте од брашното и почнете со месење. Од тестото направете топка која ќе ја ставите во фрижидер претхофно обложена со фолија. Тестото е доволно да биде во фрижидер половина час. Потоа развлечете го на набрашнета површина и доколку е потребно додадете уште брашно. Извадете форми по желба и печете на 150оЦ околу 7 минути. Додека тестото е во фрижидер можете да го подготвите фонданот. Желатинот растопете го во вода според упатството на ќесичката. Во длабок сад на тивок оган растопете го медот па потоа додајте го маргаринот. Се додава кон него желатинот кој претходно сте го раствориле во водата и се меша додека се растопи. Потоа се трга од оган и се додава постепено шеќерот во прав. По потреба додадете и повеќе шеќер. Ако смесата се леплива, може да ја оставите кратко во фрижидер. Потоа поделете ја на онолку делови колку бои сакате да добиете и додадете ги со постепено мешање. Откако колачите ќе се оладат почнете со украсување.

Време потребно за подготовка: 70 минути

<< Сокриј го рецептот

Македонска слатка пита Прикажи го рецептот >>

Македонска слатка пита >

Сосотојки:
1 кгр. брашно 100 гр. маст 1 литар млеко б јајца 4 лажици шеќер

Упатства:
Замесете тесто од брашното со малку сол како за секоја пита. Измесете гo добро тестото и пoделете гo на осум еднакви кравајчиња. Секое кравајче расукајте го па намачкајте го сo растoпена врела маст освен едно кравајче кoе ќе дојде одозгора. Потоа сите кори сложете ги една преку друга а добиената дебела кора исукајте ја малку пoголема од големината на плехот за да може да се направи витка. Сега земете плех и ставете ја кората во плехот, а тестото што е повеќе од плехот свиткајте го и направете витка. Вака припремената кора попрскајте ја со маст и избодете ја со вилушка на неколку места и ставете ја во рерна да се пече малку. Филот за оваа пита припремете го вака: ставете на оган млекoто да се свари и кога малку ќе проврие тргнете гo oд оган и oставете го да се олади. Вo посебен сад измешајте ги јајцата сo шеќерoт, но не ги матете долго туку самo толку колку што е пoтребно да се разбијат белките. Овие разматени јајца сипајте ги во млекото, дoбро иэмешајте, па смесата сипете ја преку кората која не е дoпечена и вратете ја пoвторно вo рерна, печете ја со дoдека не се вцрви..

Време потребно за подготовка: 75 минути

<< Сокриј го рецептот

Куглоф со лимон и мед Прикажи го рецептот >>

Куглоф со лимон и мед >

Сосотојки:
Прв чекор Куглоф: 250 гр.брашно 1 лажиче сол 15 гр. свеж квасец или 1 кесичка сув квасец кора од 1 лимон 2 лажици мед 6 јајца 100 гр.мек путер 90 мл. рум Втор чекор Сируп: 250 гр.шеќер 250 мл вода 1 лимон 1 стапче ванила

Упатства:
Прв чекор: Колачот-куглоф се пече во калап во облик на престен и по печењето се попрскува со сируп со рум и се полни со шлаг пена или некој друг крем. Постапката почнува со сирупот. Во Садот за сос се загрева шеќерот со вода, на тивок оган, додека да се растопи шеќерот. Кората на лимонот се сече во ленти (само жолтиот дел) и додајте ги во сирупот. Хоризонтално исечете го семето од ванила и додајте го во сирупот, заедно со дршката. Кога шеќерот е стопен, нека зоврие и нека се крчка околу 3 минути. Кога ќе се олади, извадете ја кората од лимон и исцедете го сирупот. Сирупот може да се чува во фрижидер, до неколку недели. Втор чекор: Во сад, со миксер изматете го брашното со сол, квасец и кората од лимон. Во Тавата со рачка загрејте мед, колку да стане течност, не да зоврие. Медот се мати со 3 јајца. Оваа смеса се додава на брашното и со омекнат путер, се мати околу 3 минути, додека да се изедначи смесата. Изматете ги јајцата и и остатокот од нив додајте го по малку во смесата со брашно, мешајќи цело време со миксер на средна брзина. Мешајте уште неколку минути и истурете ја смесата во чиста чинија, покријте ја и оставете нека нарасне двојно. Бидејќи смесата содржи јајца и путер, за нараснување ќе треба неколку часа, но проверувајте ја на секои 30 мин. Трет чекор: Диеталниот сад премачкајте го со путер. Кога тестото е веќе видливо надигнато, пренесете го во Диеталниот сад, покријте го со пластична фолија и оставете нека расне на топло уште околу 30 мин, колку само да почне да расне. Откако тестото пак ќе порасне извадете ја фолијата и печете 20-30 минути додека да добие златна боја и кога ќе почне да се одвојува од Диеталниот сад. Извадете го тестото од Диеталниот да се лади околу 5 минути, потоа ставете го на маса и почекајте колачот добро да се излади. Со дрвени стапчиња, направете дупчиња од сите страни и потоа вратете го назад во Диеталниот сад. Четврти чекор: Загрејте го сирупот –кога ќе стане жежок, додајте му рум и истурете преку колачот. КОга тестото ќе го впие сирупот, уште еднаш извадете го од Диеталниот сад и оставете го нека се олади на чинија за служење.

Време потребно за подготовка: 80 минути

<< Сокриј го рецептот

Фрапе торта Прикажи го рецептот >>

Фрапе торта >

Сосотојки:
• 75 гр марципан • 150 гр путер • 125 гр шеќер • 1 кесичка ванилин шеќер • 3 јајца • 125 гр брашно • малку прашок за пециво за фил • 1,5 ќесичка желатин • 300 гр капини • 100 мл сок од рибизла • 2 големи лажици сок од лимон • 75 гр шеќер • 1 ќесичка ванилин шеќер • 500 гр несолено сирење во грутки • 400 мл слатка павлака за декорација • ќесичка шлаг • рибизла

Упатства:
Изматете го марципанот со миксер, се додека не добиете мазна смеса. Постепено додавајте шеќер и ванилин шеќер и постојано матете. Потоа, додадете го путерот и јајцата, едно по едно, без да престанете со матење. На крај се додаваат брашно и прашок за пециво. Тестото се пече 25 минути на 180°С. Откако ќе се излади, поделете го на една подебела и една потенка кора. Желатинот подгответе го според упатството на ќесичката. Во сад, изгмечете ги капините и додадете ги сокот од рибизли и лимон, шеќерот и ванилиниот шеќер. Во оваа смеса додадете го и подготвениот желатин, па потоа сирењето и изматената слатка павлака. Тенката кора намачкајте ја со фил, преку неа ставете ја дебелата кора и потоа исфилувајте ја и неа. Декорирајте со шлаг и рибизла.

Време потребно за подготовка: 80 минути

<< Сокриј го рецептот

Колач со грозје Прикажи го рецептот >>

Колач со грозје >

Сосотојки:
(за тесто) 250 гр.брашно, 75 гр.шеќер, 150 гр.путер, жолчка, малку сол. (за фил) 750 гр.бело грозје, 200 гр.несолено сирење, 75 гр.шеќер, 3 јајца, 1 кесичка ванилин шеќер, 150 гр.слатка павлака, стругана лимонова кора, 1/ 2 кеса пудинг-ванила, 2 лажици џем од кајсии.

Упатства:
Замесете брашно, жолчка, шеќер, сол на врв на нож и путер и направете тесто во облик на топка. Завиткајте го во фолија и оставете го во фрижидер 1,5 час. Две третини од тестото ставете го на дно од подмачкана округла тава (со пречник од 30 см). Од преостанатата 1 / 3 направете „колбас“ и обложете ги ѕидовите на тавата, на висина од 4 см. Изматете го несоленото сирење, шеќерот, јајцата и лимоновата кора, потоа додадете слатка павлака измешана со прашакот за пудинг и ванилин шеќер, и измиени зрна од белото грозје, па сето тоа истурете го преку тестото во калапот. Во рерна, на 200Ц, печете го 45-50 минути. Врелата површина на колачот премачкајте ја со тенок слој од џемот (малку растопен и измешан со 1 лажица вода) и сето тоа вратете го на печење уште 2 минути. Извадете го колачот, посипете го со прав-шеќер и оставете го да се олади.

Време потребно за подготовка: 80 минути

<< Сокриј го рецептот

Тостерки  Прикажи го рецептот >>

Тостерки  >

Сосотојки:
5 јајца 400 грама шеќер 300 грама млеко 300 грама масло за јадење 800 грама брашно 1 пециво 2 кесички ванилин шеќер

Упатства:
Јајцата и шеќерот се матат во подлабок сад додека шеќерот не се растопи. Се додаваат млекото, маслото, брашното, кесичките со ванилин шеќер и пецивото. Продолжуваме да матиме со миксер додека состојките не се изедначат. Од смесата црпиме со лажиче и ставаме на загреан, малку со масло подмачкан тостер, поклопуваме со горниот дел од тостерот и оставаме да се печат 1 – 2 минути.

Време потребно за подготовка: 80 минути

<< Сокриј го рецептот

Аморови стрели Прикажи го рецептот >>

Аморови стрели >

Сосотојки:
- 125 гр. маргарин - 3 јајца - 1 ванилин шеќер - 250 гр. брашно - 1 прашок за пециво - малку сол - 1,5 дл. млеко - 2 лажици какао - 100 гр. сецкани лешници или ореви - слатко од вишни - 100 гр. сецкано црно чоколадо

Упатства:
Во поголем сад ставете брашно, прашок за пециво, сол, какао, сецкани лешници или ореви и промешајте. Во друг сад ставете маргарин, шеќер, ванилин шеќер, јајца, млеко и мешајте додека смесата не се соедини. Спојте ги двете смеси во една. Во калап за мафини ставете ги хартиените калапи и наполнете ги малку повеќе од половина. На врвот додадете ги вишните и сецканото чоколадо. Печете во загреана рерна околу 20 минути. Можете да ги служите и без декорација.

Време потребно за подготовка: 80 минути

<< Сокриј го рецептот

Велигденска торта “Росарио” Прикажи го рецептот >>

Велигденска торта “Росарио” >

Сосотојки:
За тесто: - 5 јајца - 70 гр. шеќер - 60 гр. мелени ореви - 50 гр. брашно - 2 лаж. прашок за печиво - 4 белки - прстофат сол - 1 лажица шеќер Прелив за тесто: - 100 мл. млеко - 2 лаж. рум За прв крем: - 200 гр. јаготки - 2 кесички прелив за торта - 80 гр. шеќер - 5000 мл. вода - екстрат од јагода За втор крем: - 500 мл. хопла - 3 кесички ванилин шеќер - 200 мл. овошен јогурт од јагода - неколку капки екстрат од рум - 1 кесичка желатин - 5 лаж. вода За украсување - јаготки - мали чоколадни јајца

Упатства:
Состојките за тестото изматете ги со миксер. Додајте ги мелените ореви помешани со брашното и прашокот за печиво. На белките додадете ги солта и шеќерот и се` заедно изматете во цврст снег. Подготвените белки ставете ги во смесата за тесто. Печете во плех обложен со хаартија, со големина од 32 х 22 cm. Изладеното тесто исечете го за да добиете две кори. На површина за сервирање на тортата ставете го тестото и прелијте го со половина од преливот за тесто. На тестото ставете ги исечените јагоди. За првиот крем: содржината од вреќичката за прелив на торта измешајте ја со шеќерот и со 6 лажици ладна вода. Остатокот од водата загрејте го до вриење, тргнете ја водата од оган и ставете го преливот. Мешајте додека се згусни и оставете го преливот да се излади. Ставете неколку капки екстрат од јагода. Добиениот фил ставете го на тестото, над јагодите. За вториот фил: миксирајте ја хоплата додека не добиете цврст шлаг. Во шлагот ставете го ванилиниот шеќер, јогуртот и рум. Измешајте го желатинот со вода и оставете да набабри 10 минути. Ставете ја мешавината да се загрее и подгответе желатин. Ставете го желатинот во кремот. Нанесете го на колачот над првиот крем. Вториот дел од тестото прелијте го со преливот и ставете го над кремот. Оставете ја тртата на ладно да се стекне. Над тортата ставете чоколадна глазура и украсете ја со јагорки и чоколадни јајца.

Време потребно за подготовка: 80 минути

<< Сокриј го рецептот

Munchmallow Прикажи го рецептот >>

Munchmallow >

Сосотојки:
Тесто - 4 жолчки - 1 чаша чеќер - 1 чаша млеко - 1 чаша брашно - 1 чаша масло - 1 пак. прашок за печиво - 1 - 2 лажици какао Крем - 4 белки - 5 лажици шеќер - 1 ванилин шеќер Глазура - 1 чоколадо за готвење - 1-2 лажици масло

Упатства:
Тесто: Пенесто изматете ги жолчките и додадете ги останатите состојки. Печете околу 40 минути Крем: Изматете ги белките во цврста пена, додавајте лажица по лажица шеќер и ванилин шеќер. Над печеното тесто ставете го снегот од белки и ставете го во исклучена рерна да се потсуши. Испечениот колач премачкајте го со глазура и оставете го да се излади.

Време потребно за подготовка: 80 минути

<< Сокриј го рецептот

Италијански колач со јаболка Прикажи го рецептот >>

Италијански колач со јаболка >

Сосотојки:
4 јаболка 200 гр. брашно 140 гр. шеќер 4 јајца 4 лажици мармалад 200 гр. слатка павлака или шлаг 1 лажица сок од лимон

Упатства:
Јаболката (кои би требало да бидат со приближно иста големина) излупете ги и исечете ги на половина. Ставете ги во плех обложен со хартија за печење и печете во загреана рерна околу 20 минути. Оставете ги да се изладат. Одвојте ги белките од жолчките. Белките изматете ги во цврст снег со додавање на малку сол. Постепено додајте 140 гр. шеќер и сок од лимон. Добро изматете и додавајте една по една жолчка, миксирајќи. На крај додадете го и брашното. Обложете го со хартија правоаголниот калап за торта па на дното ставете малку тесто. Одозгора наредете ги печените јаболка така што ќе ги поставите исправени, една до друга. Прелијте го остатокот од тестото над нив. Печете околу 40 минути. Изладениот колач премачкајте го со мармалад одозгора, па украсете го со изматен шлаг. Пријатно

Време потребно за подготовка: 80 минути

<< Сокриј го рецептот

Профитероли Прикажи го рецептот >>

Профитероли >

Сосотојки:
За тесто - 130 мл. вода - 40 гр. маргарин - малку сол - 90 гр. брашно - 2 јајца За крем - 250 мл. млеко - 1 пудинг со вкус на ванила - 50 гр. шеќер - 20-30 гр. маргарин - 1 кесичка шлаг 100 гр. чоколадо за преливање

Упатства:
Подготовка на тестото Водата, маргаринт и солта ставете ги на оган да зовријат. Додадете го брашното и мешајте додека смесата не почне да се одвојува од садот. Кога тестото ќе се излади ставајте едно по едно јајце и с лажичка формирајте мали топчиња во плех за печење (полупразна лажичка е доволна)Многу е важно тестото да не се излади потполно пред почетокот на печењето. Ставете го плехот во рерна и печете на температура од 175 С околу 20-25 минути. Извадете го плехот од рерната и оставете ги профитеролите да се изладат. ПОдготовка на филот: Ставете го млекото да зоврие со шеќерот и додадете го разматениот пудинг. В пудингот, додека е топол, додадете го маргаринот и оставете потполно да се излади. Изматете го шлагот и откако пудингот ќе се излади измешајте го во него. Наполнете ги профитеролите со фил сечејќи ги на половина илии со шприц. Наредете ги во чинија или чаша и прелијте ги со чоколадо.

Време потребно за подготовка: 80 минути

<< Сокриј го рецептот