Мини тортички >
Сосотојки:
2 филџани брашно
2 филџани масло за јадење
4 јајца
1 филџан млеко
2 филџани мелени ореви
1 ќесичка прашок за печиво
За фил: 200мл млеко
150г шеќер
100г чоколада
Шлаг пена
Упатства:
Јајцата и шеќерот се матат. Се додаваат останатите состојки по ред.
Изматената смеса се истура во подмачкан и побрашнет плех. Се пече на 220°С околу 25 минути.
По благо ладење од добиениот пандишпан со чаша се вадат парчиња во кружна форма, а тестото помеѓу нив се собира и се ситни со рака.
Млекото, шеќерот и чоколадата се варат додека смесата не се изедначи. Во неа се меша иситнетото тесто и се филуваат тортичките. Се украсува со шлаг пена.
На здравје!
Време потребно за подготовка: 80 минути
<< Сокриј го рецептот
Нутела тирамису >
Сосотојки:
2 шолји слатка павлака за готвење
2 шолји маскарпоне
Ванилин шеќер или екстракт од ванила
2 жолчки
2 лажици шеќер
2 шолји Нутела
2/3 шолја полномасно млеко
12 бисквити
Какао во прав за горниот слој
Упатства:
1. Ставете ги жолчките заедно со шеќерот во длабок сад. Матете додека добро не се соединат, а потоа додадете ја павлаката и ванилата. На крајот додадете го маскарпонето и нежно измешајте со лажица додека не добиете убав бел крем.
2. Обичното млеко ставете го во тенџерче на оган и додадете 1 лажица Нутела. Мешајте додека млекото не се загрее и не се соедини со кремот. Тргнете го настрана добро да се олади.
3. На кратко, потопете ги бисквитите еден по еден во течноста и наредете ги на дното од садот.
4. Врз наредените бисквити, намачкајте слој од белиот крем со павлака.
5. Остатокот од Нутела кремот додадете го во течноста во која ги потопивте бисквитите. Добро промешајте и истурете ја целата смеса врз првиот бел слој од тирамисуто.
6. Врз ова нанесете го остатокот од белиот крем. Добро измазнете и посипете со какао.
7. Оставете го добро да се олади пред да ги вкусите залчињата тирамису со Нутела.
Време потребно за подготовка: 80 минути
<< Сокриј го рецептот
Торта Ден и Ноќ >
Сосотојки:
Тесто
280 гр. мелени ореви
280 гр. шеќер
14 јајца
100 гр. чоколадо за готвење
4 лажици презла
Фил
250 гр. шеќер
100 гр. чоколадо за готвење
4 јајца
250 гр. маргарин
Упатства:
Количината која е наведена, служи за подготовка на две теста.
7 жолчки се матат со 140 гр. шеќер, се додава 50 гр. рендано чоколадо. Се мати снег од 7 белки и во нив се додава 140 гр. ореви и две лажици презла.
Потоа во тоа се додава смесата од жолчки и чоколадо и се печи во плеџ со средна големина.
Постапката се повторува и за другото тесто.
Тестата се сечат по висина, така што ќе се добијат 4 потанки теста.
Фил: Изматете ги жолчките со шеќер на пареа и додадете 100 гр. чоколадо. Кога ќе се излади кремот додадете го изматениот маргарин и изматениот снег од белки. Секое тесто да се филува, се до последното. На крај тортата украсете ја по желба.
Време потребно за подготовка: 80 минути
<< Сокриј го рецептот
Кифлички Пеперутки >
Сосотојки:
1 чаша нишесте (густин)
2 чаши брашно
150 грама маргарин на собна температура
1 кесичка ванилин шеќер
1 чаша шеќер во прав
1 ? лажица какао
1 јајце
1 лажиче прашок за печиво
Упатства:
Во длабок сад за месење ставете ги брашното, нишестето, маргаринот, ванилата, шеќерот, јајцето и прашокот за печиво. Од наведените состојки замесете тесто, а по потреба додадете вода.
Поделете ја смесата на два дела. Во едниот дел ставете го какаото и добро измесете. Оставете го тестото во ладилник за време од 30 минути.
Со сукало од секој дел исучете кора како што е прикажано на сликата.
Корите ставете ги една врз друга и формирајте ролат.
Ролатот поделете го на два еднакви дела.
Двата ролати ставете ги еден покрај друг и сечете парчиња. (Следете ги инструкциите на сликите).
Парчињата редете ги во тава обложена со хартија за печење и малку притиснете ги странично за да се добие форма на пеперутки. Печете ги во загреана рерна на 175 степени додека поруменат.
Време потребно за подготовка: 80 минути
<< Сокриј го рецептот
Трилече >
Сосотојки:
6 ЈАЈЦА
6 ЛАЖИЦИ ШЕЌЕР
6 ЛАЖИЦИ БРАШНО
1/2 ПАКЕТЧЕ ПРАШАК ЗА ПЕЦИВО
500 МЛ ХОПЛА ЗА БЛАГО
600-700 МЛ МЛЕКО СО 3,5 МАСЛЕНОСТ
КАРАМЕЛ
Упатства:
Се двојат белките од жолчките. Белките се матат со шеќерот да се добие ептен густа пена.(кога ќе се преврти садот во кој ги матите да не се истуратuser posted image ) Потоа една по една се додаваат жолчките и се продолжува со матење. Штом ќе се заврши со матењето се додава лажица по лажица брашното претходно помешано со пецивото. При додавање на брашното се меша полека со дрвена лажица. Потоа смесата се става да се пече во подмачкана тава со средна големина на 180-200 степени 15-20 мин во претходно загреана рерна. Откако ќе се испече се чека малку да се олади да биде млако. Со обична лажица се мешаат хоплата и млекото( не се матат) и се потура врз млаката кора. На почеток изгледа дека има многу млеко но подоцна се упива целото. По 1 час(може и побрзо во зависност млекото кога ќе се упие) се премачкува со карамел и се става во фрижидер.
Време потребно за подготовка: 90 минути
<< Сокриј го рецептот
Нестле торта >
Сосотојки:
Кора:
6 белки
6 лажици шеќер
5 лажици мелени ореви
2 лажици брашно
Прелив за кора:
300 гр чоколадо
125 гр маргарин
Фил:
1 л млеко
18 жолчки
10 лажици брашно
10 лажици шеќер
250 гр маргарин
200 гр Несквик
Топ фил за цела торта:
300 гр шлаг крем
400 мл минерална вода
Упатства:
Изматете ги со миксер потребните состојки за кора. Кората се пече на 180 степени додека не добие златно-кафена боја. Откако ќе се олади кората се филува со чоколадо и маргарин кои претходно сте ги стопиле на пареа. Изматете ги жолчките со брашно и малку млеко кое ќе го издвоите од литарот, а во остатокот млеко додадете шеќер и сварете го. Во врелото млеко додадете ги матените жолчки и добро мешајте да не загори.
Тргнете го кремот од оган и оставете да се излади. Изматете го маргаринот и додадете го во ладниот фил со жолчките. Додадете и Несквик прав и добро измешајте. Изматете ги шлаг кремите со минерална вода. Додадете од кремот врз кората со чоколадо, прво кафен крем, а потоа и шлаг крем. И така се додека не се потрошат корите.
Време потребно за подготовка: 90 минути
<< Сокриј го рецептот
Колач со вишни/цреши >
Сосотојки:
5 јајца
300 гр. шеќер
300 гр. брашно
200 мл. масло
200 мл. јогурт
1 пак. прашак за печиво
вишни/цреши обарени во 200 мл. вода, 100 гр. шеќер и 1 пак. ванилин шеќер
шеќер во прв за посипување
Упатства:
Се одделуваат белките од жолчките. Се матат со миксер жолчките и шеќерот, додека смесата не стане густа и не обели. Се додаваат јогуртот, маслото и брашното и сето заедно се миксира. На крај се додава прашокот за печиво.
Белките се матат во посебен сад. Кога ќе се направи снег од белки, смесата се истура во садот со жолчките. Се меша со жица за матење. Смесата треба да остане пенаста.
Се подготвува тркалезна тава бр. 30. Се мачка со масло и се посипува со брашно. Во тавата се истура смесата за колач. Над смесата се ставаат обарените цреши/вишни една по една на растојание.
Се печи во загреана рерла на 250 степени. По 15 минути се намалува температурата на 200 степени.
Печениот колач се сече на парчиња и се посипува во шеќер во прав.
Време потребно за подготовка: 90 минути
<< Сокриј го рецептот
Рафаело коцки >
Сосотојки:
КОРА:
6 белки
200 гр. шеќер
3-4 големи лажици кокос
100 гр. брашно
пола кесичка прашок за пециво
200 мл. млеко (за попарување)
ФИЛ:
6 жолчки
2 кесички пундинг од ванила
4 лажици брашно
12 лажици шеќер
1 л. млеко
100 гр. путер
200 мл. слатка павлака
За декорација:
Кокосово брашно
Лешници
Упатства:
1. Кора
Од белките се мати цврст снег, постепено додавајќи го шеќерот. Потоа се додава кокосоото брашно и брашното измешано со прашокот за пециво. Ова се меша со шпатула. Се пече во добро загреана рерна на 180 степени околу 15 минути. Откако кората ќе се излади, се прелева со топлото млеко (да не е врело).
2. Фил
Добро измешајте ги жолчките, пудинзите, брашното, со шеќерот и 200 мл. млеко. На останатите 800 мл. млеко штом зовријат додадете ја смесата од жолчки и непрекинато мешајте додека да смесата да се згусне и проврие на неколку минути. Сварениот крем тргнете го од рингла и оставете сосема малку да се излади (5 мин.). Додадете го путерот (на коцки, неизматен) со мешање. Потоа оставете филот сосема да се излади. Кога ќе биде сосема ладен, настрана изматете слатка павлака, а потоа соединете ја со изладениот крем.
Филувајте ја изладената кора со кремот. Одозгора наросете кокос и наредете по еден лешник на секое исечена коцка.
Време потребно за подготовка: 90 минути
<< Сокриј го рецептот
Макаронс со малини >
Сосотојки:
2 белки
80 гр. мелени бадеми
120 гр. шеќер во прав
50 гр. ситен кристал шеќер
прехранбена боја или малку какао
Ганаж од бела чоколада со лимон и портокал
100 гр. бела чоколада
30 мл. слатка павлака
малку сок од лимон
прстофат изрендана кора од лимон или портокал
Упатства:
1. Два часа пред почетокот на припремата извадете ги белките од фрижидер. Во блендер, сомелете ги бадемите заедно со шеќерот во прав.
2. Изматете ги белките, додадете го шеќерот и продолжете да матите сe додека не добиете цврста смеса.
3. Во изматената смеса, додадете ги бадемите и шеќерот и лесно соединете ги. Потоа, додадете малку црвена прехранбена боја или сок од малини.
4. Смесата ставете ја во кујнски шприц и во тава обложена со хартија направете мали кружни форми со пречник од 3 центиметри.
6. Пред печењето, оставете ги на собна температура околу половина час, а потоа печете 15 минути на 150 степени Целзиусови.
7. Испечените колачите наполнете ги со фил по желба: ганаж од бело чоколадо, карамел, фил од лимон – спојте два кекси со малку крем, но немојте силно да притискате.
Ганаж со лимон и портокал:
Загрејте ја слатката павлака, додадете бело чоколадо и мешајте сe додека не се истопи. Потоа, додадете сок од лимон и изрендана кора од лимон и портокал. Оставете да се излади а потоа намачкајте ги макаронсите со филот.
Време потребно за подготовка: 90 минути
<< Сокриј го рецептот
Цимет - ролнички со јаболка >
Сосотојки:
500 гр меко брашно
25 гр свеж квасец
250 мл топло млеко
3 лажици шеќер
1 јајце
За премачкување и за посипување
100 гр путер
150 гр шеќер
2 рамни лажици цимет
3 јаболка
За прелив
100 гр шеќер во прав
2 лажици млеко
2 лажици путер
2 пакетчиња ванилин
Упатства:
1. Сите состојките за тесто ги промешуваме и месиме тесто и чекаме да стаса околу 30 минути.
2. Нараснатото тесто се сука со сукало во правоаголник со дебелина на 5 мм-1 см и се премачкува со 100 г стопен путер исе посипува со мешавина од цимет и шеќер.
3. Јаболката се лупат и се рендаат, па добро се цедат и се распоредуваат преку шеќерот и циметот . Тестото внимателно се витка во ролат, па се сече на парчиња дебели 2-3 см.
4. Соодветна тепсија се премачкува со преостанатиот путер и во неа се редат ролничките и се остава да нараснат околу 20 минути. Потоа се премачкуваат со путер и се печат во рерна загреана на 180 степени додека се зарумени.
5. Прелив. Путерот се растопува, па се соединува со шеќерот, ванилинот и млекото.
6. На топлите ролнички се нанесува приготвениот прелив.
Време потребно за подготовка: 90 минути
<< Сокриј го рецептот
Мини баклави во калапи за мафини >
Сосотојки:
1/2 шолја ф’стаци, плус уште малку за декорација
1 1/2 шолја ореви
1/2 шолја бадеми
1/3 шолја шеќер
1 лажичка цимет
500g кори за баклава
3/4 шолја стопен путер
За шербет:
3/4 шолја вода
3/4 шолја шеќер
3/4 шолја мед
1 лажичка рендана кора од лимон
2 лажички свеж сок од лимон
Упатства:
Во блендер иситнете ги јаткастите плодови и додадете ги шеќерот и циметот.
Загрејте ја рерната на 350 степени. Исечете 24 квадрати со средна големина од тестото и 72 кругови со чаша со големина отприлика колку калапот за мафини. Поголемите квадрати наредете ги на дното од калапот.
Наизменично редете кора, од измелената смеса, па премачкувајте со растопен путер.
Повторувајте додека не го потрошите материјалот. Печете околу 30-35 минути или додека корите не добијат златесто-кафеава боја.
Шербетот се подготвува го така што сите состојки ќе ги ставите во поголемо тенџере и ќе варите околу 10 минути. Оладете, па со лажичка истурете врз баклавите по печењето.
Декорирајте со малку измелени ф’стаци. Оладете ги баклавите барем 4 часа на собна температура пред да ги послужите.
Време потребно за подготовка: 90 минути
<< Сокриј го рецептот
БИСКВИТНА ТОРТА со желе бомбони, урми, ореви и лешници >
Сосотојки:
600 грама бисквити (плазма)
200 грама желе бомбони
15-20 урми(лупени)
250 грама вкупно сецкани ореви и лешници
2 пуднга од ванила може и чоколадни
4 лажици шеќер ( за пудингот) може и повеќе по желба
1 литар мелко
1 лажица рум
100 грама маргарин
Декорација по желба: глазура, шлаг, сецкани ореви – лешници
Упатства:
Бискивитите се кршат, желе бомбоните и оревите-лешниците се сецкаат. Урмите се лупат и се сецкаа(кинат ) на парченца. Се мешаат заедно во еден подлабок сад и се потураат со 100 мл млеко измешано со една лажица рум.
Прашокот од пудинзите се меша со 100 мл ладно мелко и 4 лажици шеќер убаво да се растопи. На оган се става 800 мл млеко да зоврие па се трга на страна и постепено се додава од растопениот прашок. Откако убаво ќе се измеша се враќа на оган (на 1-иница)и му се додава маргаринот и се меша додека да се растопи. Потоа пудингот (не се чека да се олади) се истура врз измешаната смеса од бисквитите и убаво се меша да се соедини. Се става во калап и во фрижидер да се излади. Смесата одговара за округол калап со дијаметар од 24 см, а висина 6см. Декорацијата е по желба
Време потребно за подготовка: 90 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
