Сахер торта за Св. Валентин Прикажи го рецептот >>

Сахер торта за Св. Валентин >

Сосотојки:
Тесто: 180 гр. чоколадо за готвење 140 гр. маргарин 160 гр. Шеќер 120 гр. Брашно 8 јајца 1 ванила Премаз: 150 гр. Мармалад од кајсии 1 лажица рум Глазура: 200 гр. Чоколадо за готвење 80 мл. Вода 80 гр. Шеќер во прав 50 гр. Маргарин 1 капка масло

Упатства:
Изматете го маргаринот пенасто, додадете го омекнатото чоколадо, шеќер и ванилин шеќер и се изматете додека не добиете еднолична смеса. Потоа додавајте една по една жолчка, а потоа и брашно. На крај додадете го изматениот снег од белки. Калапот за торта (во вид на срце) обложете го со хартија за печење на колачи или намачкајте го со маргарин и набрашнете. Ставете ја смесата за кора и печете во претходно загреана рерна на 180 C околу еден час. Тестото исечете го на половина и премачкајте ги двете половини со мармалад, во која ќе измешате малку рум и поклопете ги двете теста. Премачкајте ја целата торта со мармалад и прелијте ја со чоколадо. Глазура: Шеќерот и водата загрејте ги на тивок оган, додека шеќерот не се растопи. Оставете кратко да врие, тргнете го од оган и измешајте чоколадо и маргарин, додека се` не се спои. Гответе на тивок оган околу 3 минути. Украсете ја тортата по сопствен вкус.

Време потребно за подготовка: 90 минути

<< Сокриј го рецептот

Еским торта Прикажи го рецептот >>

Еским торта >

Сосотојки:
Тесто 6 јајца 15 лажици млака вода 8 лажици шеќер 300 гр. брашно 100 гр. мелени ореви 1 прашак за печиво Фил 1 литар млеко 11 лажици гриз 100 гр. мелени ореви 2 кесички ванилин шеќер кора од лимон 1 маргарин 250 гр. шеќер во прав

Упатства:
Јајцата се матат со млаката вода и шеќерот. Им се додава брашното, печивото и оревите. Се печи со намрзен плех, обложен со хартија. Откако ќе се излади се сечи на две ленти. Гризот се меша со дел од млекото и шеќерот, а останатото млеко се вари. Се додава гризот и се меша додека не се згусне. Се остава потполно да се излади. Маргаринот се миксира со 250 гр. шеќер во прав. Се меша изладениот гриз со маргаринот, се додаваат 100 гр. меленим ореви, две ванили и кора од лимон (или портокал). Се филува тортата

Време потребно за подготовка: 90 минути

<< Сокриј го рецептот

Бејлис торта Прикажи го рецептот >>

Бејлис торта >

Сосотојки:
за кора: 5 јајца 10 лажици шеќер 10 лажици вода 160 г брашно 120 г мелени ореви 2 лажици какао 1 прашок за печиво за фил: 2 јајца 4 лажици шеќер 4 лажици густин 400 мл млеко 3 лажици ликер „Бејлис“ 200 г путер 100 г шеќер во прав за прелив: 300 мл млеко 50 г кафеав шеќер 100 мл Бајлис ликер шлаг за украсување

Упатства:
1. За подготовка на кората, најпрво со миксер убаво изматете ги шеќерот и јајцата. Кога ќе добиете хомогена смеса додадете ги и останатите состојки и рачно измешајте ги. Сипете ја смесата во кружен калап и печете 30 минути на 180 Целзиусови степени. Кога ќе се испече исечете го на три еднакви кругови. 2. За подготовка на филот изматете ги двете јајца, шеќерот, густинот и ликерот. Млекото ставете го да зоврие, а потоа во него додадете ја смесата од другите состојки. Мешајте на оган додека не ја добиете потребната густина. Путерот и шеќерот во прав изматете ги со миксер и откако другата смеса ќе се олади, додадете ги и нив во неа. Убаво измешајте. 3. За подготовка на преливот сите состојки ставете ги во тенџере на оган и оставете ги убаво да се соединат. 4. Ставете еден дел од пандишпанот на послужавник, посипете го со преливот, намачкајте го со подебел слој од филот и поклопете го со друг дел од пандишпанот. Повторете го истото и со последниот круг од пандишпанот. По избор декорирајте со шлаг.

Време потребно за подготовка: 90 минути

<< Сокриј го рецептот

Кремаст сутлијаш Прикажи го рецептот >>

Кремаст сутлијаш >

Сосотојки:
1 чаша ориз 1 чаша вода 2 чаша млеко 1 чаша шеќер 1 пакетче шлаг крем од ванила 100гр кокос 50 гр бела чоколада 1 пакетче шлаг крем од чоколада 100гр мелени ореви 50 гр рендана црна чоколада 200гр кекс

Упатства:
Во подлабок сад се става водата и една чаша млеко да зоврие. Во зовриената течност се додава оризот и се остава да се вари со повремено мешање околу 15 минути.Одкако ќе ја впие течноста се додава и втората чаша млеко и шеќерот и се остава да врие додека се свари(со постојано мешање) Сварениот сутлијаш се остава да се олади. Кесичката шлаг крем од ванила се мати по упатството и кон шлагот се додаваат кокосот и изренданата бела чоколада.Кон оваа кремаста смеса се додава половина од оладениот сутлијаш и убаво се мати додека се изедначи. Кесичката шлаг крем од чоколада се мати истопо упатството и се додаваат оревите,чоколадата и втората половина од сутлијашот. Во калап се става најлонска фолија и се истура белиот дел од сутлијашот.Се реди еден ред од кекс и над него се истура делот со чоколадниот сутлијаш. Пак се реди еден ред кекс и се затвара калапот со фолијата. Се остава во фрижидер 3-4 часа а потоа се превртува од калапот, се наросува со рендана чоколада и се сече на парчиња.

Време потребно за подготовка: 90 минути

<< Сокриј го рецептот

Кремисимо коцки Прикажи го рецептот >>

Кремисимо коцки >

Сосотојки:
600 милилитри млеко 2 кесички пудинг од ванила 125 грама маргарин 100 грама шеќер во прав 3 лажици шеќер 100 грама крем 70 грама темно чоколадо 4 крем банани 36 парчиња бисквити 200 милилитри млеко за бисквитите

Упатства:
Измешајте ги пудингот, трите лажици шеќер и 100 милилитри млеко, а останатото млеко ставете го да зоврие. Откако ќе зоврие додајте ја смесата со пудингот и мешајте додека не се згусне. Тргнете го тенџерето од оган и оставете го да се излади. Во сад измешајте ги маргаринот и шеќерот во прав, додајте го изладениот пудинг и поделете ја смесата на 3 дела. Во едниот дел ставете ги исечканите крем банани, во другиот кремот, а во третиот додајте го растопеното темно чоколадо. На чинија наредете 12 бисквити потопени во млеко, па нанесете еден дел од смесата. Повторно наредете 12 бисквити и нанесете го вториот дел од смесата. Наредете ги останатите 12 бисквити и завршете со третиот дел од смесата. Оставете го колачот преку ноќ или неколку часа во фрижидер. Исечете го на коцки и послужете.

Време потребно за подготовка: 90 минути

<< Сокриј го рецептот

Кори со пире од тиква (Тиквеник) Прикажи го рецептот >>

Кори со пире од тиква (Тиквеник) >

Сосотојки:
Производи: 200 г брашно 500 г тиква 100 г ореви 100 г вода 100 г масло 150 г шеќер лажица цимет

Упатства:
Начин на приготвување: Направете тесто од брашното и водата и исукајте 5 кори. Сварете ја и излупете ја тиквата од кората. Посипете сод шеќер, мелени ореви и цимет и откако ќе се излаи наредете во корите на редови и поклопете со последната кора. Испечете на умерена температура и посипете со шеќер во прав.

Време потребно за подготовка: 90 минути

<< Сокриј го рецептот

Линцер колачи Прикажи го рецептот >>

Линцер колачи >

Сосотојки:
• 100 гр листови од бадем • 110 гр шеќер • 350 гр брашно • ? лажичка прашок за пециво • ? лажичка сол • 1 лажичка цимет • 225 гр путер • 2 лажички екстракт од ванила • 1 јајце и уште една жолчка • по желба џем, нутела и шеќер во прав

Упатства:
Потребно е во блендер да ги сомелете листовите од бадемите со шеќерот, па на тоа да го додадете брашното помешано претходно со цимет, сол и прашокот за пециво. Потоа добро промешајте смесата да се изедначи. Путерот, на собна температура, со миксер изматете го, па додадете го во него екстрактот од ванила, јајцето и жолчката. Повторно матете и постепено додавајте ги сувите состојки. Замесете тесто, кое во оваа фаза ќе ви изгледа многу меко, но тоа не треба да ве буни. Поделете го тестото на два дела, завиткајте го со проводна фолија и оставете го во фрижидер околу еден час за добро да се стегне. На набрашнета површина, развлечете тенко тесто и вадете облици по желба. На хартија за печење распоредете ги колачињата и печете во претходно загреана рерна на 180°Ц точно 8 минути. Откако ќе се оладат, филувајте ги по желба и спојувајте ги. Врз нив наросете шеќер во прав. Follow my_little_kitchen_stories on Instagram

Време потребно за подготовка: 90 минути

<< Сокриј го рецептот

Ролат со вишни Прикажи го рецептот >>

Ролат со вишни >

Сосотојки:
5 јајца 9 лажици шеќер 5 лажици брашно 5 лажици млеко 9 лажици брашно 1 прашок за пециво 100 гр. мелени ореви 200 гр. вишни 200 мл. слатка павлака 4 пак. шлаг крем од ванила

Упатства:
1. Јајцата, шеќерот, маслото и млекото изматете ги пенасто. Додатете брашно и прашок за пециво и со лажица лесно измешајте. 2. Прекријте го плехот со хартија за печење и ставете го тестото. Печете на 200 C. Тестото малку изладете го, одвојте го од хартијата и завиткајтегоа во влажна кујнска крпа. Оставете го така да се излади. 3. Изматете го шлаг кремот цврсто и премачкајте го тестото. Одозгора ставете исечени на пола вишни и замотајте го. Со остатокот од филот премачкајте го ролатот одозгора, посолете го со мелени ореви и украсете со цврсто изматената слатка павлака и вишни.

Време потребно за подготовка: 90 минути

<< Сокриј го рецептот

Ситни колачи  Прикажи го рецептот >>

Ситни колачи  >

Сосотојки:
300 грама локум 150 грама шеќер 100 грама ореви 150 грама бисквити 50 грама печен сусам 125 грама маргарин

Упатства:
Се става шеќерот и еден мал филџан вода да зовријат.Се меша на тивок оган додека не се растопи шеќерот. Локумот се сече на на ситни парчиња и се додава во шербетот.Се меша на тивок оган додека не се растопи.Се трга од оган и се додава маргаринот.Мешаме додека не се растопи. Се додаваат оревите, бисквитите и сусамот и смесата се изедначува.Оставаме да се излади. Од изладената смеса на маса расукуваме кора од неа вадиме колачиња со помош на калапчиња.Украсуваме со растопено бело и црно чоколадо.

Време потребно за подготовка: 90 минути

<< Сокриј го рецептот

Ванилици Прикажи го рецептот >>

Ванилици >

Сосотојки:
200 гр. маст 500 гр. брашно 1 цело јајце 1 жолчка 4 лажици шеќер сок од еден лимон шеќер во прав ванила

Упатства:
Изматете ја пенасто маста, а потоа додајте ја жoлчката, целoтo јајце, шеќерoт и сoкoт од лимон. Потоа дoдајте го брашното, префрлете ја смесата на даска за месење, замесете тесто и исукајте гo тестотo вo кора со дебелина од 1/2 см. Со чашка од ракија вадете ванилици од тестотo и редете ги вo подмачкан плех. Печете ги 20 мин. на 150С. Печените ванилици премачкајте ги со џем, сoставете ги две по две и увалкајте ги во шеќер во прав вo кој претхoдно сте додале ванила.

Време потребно за подготовка: 90 минути

<< Сокриј го рецептот

Америчка пита од тиква Прикажи го рецептот >>

Америчка пита од тиква >

Сосотојки:
Тесто 300 гр. брашно 150 гр маргарин 1 јајце 2 лажици шеќер сол, кора од лимон Смеса од тиква 300 гр. пире од тиква 200 гр. топено сирење 2 јајца 50 гр. сушена брусница млеко по потреба 100 гр. жолт шеќер 2 лажици мед ванила, рум цимет, индиско оревче кора од портокал

Упатства:
Замесете тесто од брашно, маргарин, сол, шеќер, кора од лимон и јајце. Ако не успевате да го замесите додадете 1-2 лажици ладна вода. Завиткајте го во фолија и ставете го пола час во фрижидер. Сварете ја тиквата на пареа. Пасирајте за да добиете пире. Така направеното пире измешајте го со топеното сирење и двете јајца, медот и зачините. Ако смесата е сува додадете малку млеко. Обликувајте го тестото во калап за пита и избоцкајте го со вилушка за да не испука. Ставете го во рерна околу 10 минути на 220 степени. Потоа ставете ја смесата од тиква и сувата брусница. Печете 45 минути на 180 степени, или додека рабовите на тестото не потемнат.

Време потребно за подготовка: 90 минути

<< Сокриј го рецептот

Бушава торта Прикажи го рецептот >>

Бушава торта >

Сосотојки:
За тесто 10 белки 10 жолчки 300 гр. шеќер 150 гр, мелена плазма 150 гр. мелени бадеми 3 лажици какао За фил 5 јајца 300 гр. шеќер 150 гр. чоколадо за готвење 2 лажици брашно 2 лажици мелено кафе 350 гр. маргарин 50 гр. суво грозје рум За украсување 500 мл. слатка павлака

Упатства:
За тесто: изматкајте ги жолчките со шеќерот, додадете ја мелената плазма, бадемите и какаото. Кога смесата ќе стане компактна, додадете ги изматените белки и измешајте со дрвена лажица. Смесата излијте ја во 4 подмачкани плехови и печете на 200 степени. Фил: Изматете ги јајцата со шеќерот, додадете брашно и кафе и добиената смеса подготвувајте ја на пареа. Кога шеќерот ќе се стопи додадете чоколадо за готвење и продолжете се додека филот не почне да се згуснува. Кога филот ќе се излади, додадете му пенасто изматен маргарин и матете со миксер додека не добиете компактна смеса. Ставете суво грозје, кое претходно сте го потопиле во рум, па сето добро измешајте го. Тестата попрскајте ги со рум, секое тесто намачкајте го со фил и одозгора украсете со изматената слатка павлака.

Време потребно за подготовка: 90 минути

<< Сокриј го рецептот