Млечна Киндер торта >
Сосотојки:
За пандишпан:
5 јајца
5 лажици шеќер
5 лажици брашно
5 лажици какао
1 ванилин шеќер
1 лажичка прашок за пециво
За фил:
200 ml слатка павлака
2 лажици мед
? ќесичка желатин
4 лажици вода
За глазура:
50 грама чоколадо за готвење
2-3 лажици млеко
2-3 лажици зејтин
Упатства:
Се матат жолчки, шеќер и ванилин шеќер. На тоа се додаваат брашното, какаото и прашокот за пециво. Белките се матат посебно и двете густи смеси се спојуваат. Смесата се става на обложен плех со хартија и сето тоа се пече 15 минути на 180 степени. Кога кората ќе се олади, се преполовува. Се мати слатката павлака, на која се додава 1 лажица мед. Желатинот со 4 лажици вода се вари додека не зоврие и сето тоа се додава на смесата со слатката павлака. Филот се нанесува на кората и тоа се поклопува со другата половина. По желба, колачот се прелива со глазура, која веднаш по варењето на чоколадото, млекото и зејтинот, се мачка врз кората. Кога ќе се олади, се сече на коцки…
Децата уживаат во овој колач…Израдувајте ги ! а Вие…
Уживајте!!!
Време потребно за подготовка: 100 минути
<< Сокриј го рецептот
Panna cotta од чоколадо >
Сосотојки:
250гр чоколадо за готвење
250мл млеко
250мл слатка павлака
5 жолчки
200гр шеќер во прав
1 лажица густин
1 кесичка желатин
2 лажици врела вода
за глазура:
35гр бело чоколадо
35гр темно чоколадо
лажица масло
Упатства:
Загрејте го млекото и слатката павлака, прелијте преку чоколадо скршено на прачиња, измешајте чоколадото да се стопи.
Жолчките, шеќерот и густинот матете ги со миксер со поголема брзина додека жолчките не осветлат и не станат како крем. Во изматените жолчки додадете млеко и чоколадо, лесно измешајте, ставете на тивок оган и повремено мешајќи почекајте да зоврие, варете 2,3 минути. Кремот ќе стане доста густ. Тргнете од оган, додадете желатин кој во меѓувреме сте го стопиле со врела вода, измешајте и истурете во калап претходно облиен со ладна вода.
Глазура-растопете чоколадо со лажичка масло.
Време потребно за подготовка: 50 минути
<< Сокриј го рецептот
Еским торта >
Сосотојки:
Тесто
6 јајца
15 лажици млака вода
8 лажици шеќер
300 гр. брашно
100 гр. мелени ореви
1 прашак за печиво
Фил
1 литар млеко
11 лажици гриз
100 гр. мелени ореви
2 кесички ванилин шеќер
кора од лимон
1 маргарин
250 гр. шеќер во прав
Упатства:
Јајцата се матат со млаката вода и шеќерот. Им се додава брашното, печивото и оревите. Се печи со намрзен плех, обложен со хартија. Откако ќе се излади се сечи на две ленти.
Гризот се меша со дел од млекото и шеќерот, а останатото млеко се вари. Се додава гризот и се меша додека не се згусне. Се остава потполно да се излади.
Маргаринот се миксира со 250 гр. шеќер во прав.
Се меша изладениот гриз со маргаринот, се додаваат 100 гр. меленим ореви, две ванили и кора од лимон (или портокал).
Се филува тортата
Време потребно за подготовка: 90 минути
<< Сокриј го рецептот
Сахер торта за Св. Валентин >
Сосотојки:
Тесто:
180 гр. чоколадо за готвење
140 гр. маргарин
160 гр. Шеќер
120 гр. Брашно
8 јајца
1 ванила
Премаз:
150 гр. Мармалад од кајсии
1 лажица рум
Глазура:
200 гр. Чоколадо за готвење
80 мл. Вода
80 гр. Шеќер во прав
50 гр. Маргарин
1 капка масло
Упатства:
Изматете го маргаринот пенасто, додадете го омекнатото чоколадо, шеќер и ванилин шеќер и се изматете додека не добиете еднолична смеса. Потоа додавајте една по една жолчка, а потоа и брашно. На крај додадете го изматениот снег од белки.
Калапот за торта (во вид на срце) обложете го со хартија за печење на колачи или намачкајте го со маргарин и набрашнете. Ставете ја смесата за кора и печете во претходно загреана рерна на 180 C околу еден час.
Тестото исечете го на половина и премачкајте ги двете половини со мармалад, во која ќе измешате малку рум и поклопете ги двете теста.
Премачкајте ја целата торта со мармалад и прелијте ја со чоколадо.
Глазура: Шеќерот и водата загрејте ги на тивок оган, додека шеќерот не се растопи. Оставете кратко да врие, тргнете го од оган и измешајте чоколадо и маргарин, додека се` не се спои. Гответе на тивок оган околу 3 минути.
Украсете ја тортата по сопствен вкус.
Време потребно за подготовка: 90 минути
<< Сокриј го рецептот
Мафини со маџун >
Сосотојки:
125 гр путер стопен
2 јајца (на собна Т)
1 чаша маџун
1 чаша млеко
1 чаша јогурт
2 чаши брашно
1,5 лажичка сода бикарбона
малку сол
Упатства:
Течните состојки се матат заедно, па се додаваат во во сувите состојки(брашното, солта и содата). Откако ќе се изедначи се истура во калапите, намрснети и набрашнети. Се печат во загреана рерна на 200 степени, 10-15 минути.
Време потребно за подготовка: 30 минути
<< Сокриј го рецептот
Трилече торта >
Сосотојки:
За пандишпан:
6 јајца
300 гр брашно
300 гр шеќер
1 ванила
1 пециво
За прелив:
750 мл хопла (нематена)
1 л млеко
250 мл млеко во прав
За премачкување - карамела
Упатства:
Белките се матат со шеќерот цврсто како шлаг, па се додаваат жолчките една по една, и се мати додека смесата не се соедини. Се додава брашното и пецивото и се меша со жица за матење. Веднаш се истура во подмачкан и набрашнет плех, и се става во загреана рерна, првите 10 минути на 200 степени, па се намалува на 180, и се печи уште 20-тина минути.
Се остава да се излади, па се превртува на крпа. Во меѓувреме се мешаат млеката и хоплата, па половина од преливот се става во плехот, во него се става пандишпанот(може да го избоцкате со вилушка за поубаво до го впие преливот), и над него се тура другата половина. Се остава да впие од млекото околу 2 часа, па се сече на коцки и се става во фрижидер. По желба се премачкува со готов карамел.
Време потребно за подготовка: 50 минути
<< Сокриј го рецептот
Мафини со банана >
Сосотојки:
3 банани
1/2 чаша шеќер
1 јајце
1,5 чаша брашно
1 лажиче сода
1 лажиче прашок за печиво
1/2 лажиче сол
Упатства:
Ставете ја изматената смеса во калап за мафини и печете 15-20 минути.
Време потребно за подготовка: 40 минути
<< Сокриј го рецептот
Американски палачинки >
Сосотојки:
2 банани
3 јајца
5-6 лажици брашно
Упатства:
Јајцата се мамат со миксер. Бананата се пасира и се додава во јајцата. На крај се додава брашно и се мати со миксер. Се пржат и се филуваат по желба.
Време потребно за подготовка: 30 минути
<< Сокриј го рецептот
Англиски колачи Cookies >
Сосотојки:
100гр сецкано чоколадо
100гр сецкани ореви
50 гр сецкано суво грозје
1 маргарин
450гр брашно
2 јајца
170гр шеќер
и 1/2 пакетче пециво.
Упатства:
Сето се замесува со малку стопениот маргарин,се прави кора со дебелина од 2 цм(еден прст) и се сечат колачињата со калап. Се печат на температура од 180 степени.на крај може да се посипат со шеќер во прав или прелив од топено чоколадо.
Време потребно за подготовка: 50 минути
<< Сокриј го рецептот
Нестле торта >
Сосотојки:
Кора:
6 белки
6 лажици шеќер
5 лажици мелени ореви
2 лажици брашно
Прелив за кора:
300 гр чоколадо
125 гр маргарин
Фил:
1 л млеко
18 жолчки
10 лажици брашно
10 лажици шеќер
250 гр маргарин
200 гр Несквик
Топ фил за цела торта:
300 гр шлаг крем
400 мл минерална вода
Упатства:
Изматете ги со миксер потребните состојки за кора. Кората се пече на 180 степени додека не добие златно-кафена боја. Откако ќе се олади кората се филува со чоколадо и маргарин кои претходно сте ги стопиле на пареа. Изматете ги жолчките со брашно и малку млеко кое ќе го издвоите од литарот, а во остатокот млеко додадете шеќер и сварете го. Во врелото млеко додадете ги матените жолчки и добро мешајте да не загори.
Тргнете го кремот од оган и оставете да се олади. Изматете го маргаринот и додадете го во ладниот фил со жолчките. Додадете и Несквик прав и добро измешајте. Изматете ги шлаг кремите со минерална вода. Додадете од кремот врз кората со чоколадо, прво кафен крем, а потоа и шлаг крем. И така се додека не се потрошат корите.
Време потребно за подготовка: 100 минути
<< Сокриј го рецептот
Чоколадно задоволство >
Сосотојки:
200 гр. чоколадо за готвење
2 лажици густин
300 мл. Млеко
150 гр. маргарин
200 гр. чоколадно млеко
300 гр. пишкоти
50 гр. чоколадо
1 лажица масло
Упатства:
Разматете го густинот со малку млеко, а остатокот од млекото сварете го. Додадете го разматениот густин и варете додека смесата не се згусне. Во топлиот фил ставете чоколадо, мешајте додека не се растопи и оставете да се излади. Пенесто изматете маргарин и соединете го со чоколадниот фил. Пишкотите натопувајте ги во чоколадно млеко и ставајте ги во калап. Премачкајте ги со половина од филот, наредете уште еден ред пишкоти, па премачкајте ги со втората половина од филот. Украсете ја тортата со чоколадна глазура и служете ја ладна.
Време потребно за подготовка: 40 минути
<< Сокриј го рецептот
Јаболка во бел гроздов сируп >
Сосотојки:
1кг јаболка златен делишес
400мл гроздов сируп од бело грозје
200г ореви
150мл млеко
50г путер
2 кесички ванилин шеќер
2 лажици мед
Цимет
Упатства:
Излупете ги јаболката и исечете ги на тенки листови.
Ставете ги во длабок сад и додајте гроздов сок и цимет.
Варете ги 15 минути, додека не добијат златно-жолтеникава боја и стаклест изглед.
Во посебен сад зовријте млеко со ванилин шеќер. Растопете го путерот во млекото и додајте ја смесата на претходно сомелените ореви.
Додајте мед и измешајте ја смесата за да добие кремаста структура.
Сервирајте ги јаболката во садови за сервирање и врз нив нанесете го кремот со помош на готварски шприц.
Во порцијата можете да додадете и сладолед од ванила со што ќе го подобрите вкусот на приготвениот десерт.
Време потребно за подготовка: 30 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
