Сладолед од кафе и чоколадо >
Сосотојки:
- 8 жолчки
- 150 гр. смеѓ шеќер
- 600 мл. слатка павлака
- 2 лажици инстант кафе
- 2 лажици коњак
- 150 гр, темно чоколадо
- 1 лажица какао во прав
- Пластична кутија за сладолед
Упатства:
1. Во сад изматкајте ги жолчките ддека смесата не стане бледо жолта.
2. Во тенџере ставете ја слатката павлака, додадете го кафето и мешајте на тивок оган додека не зоврие.
3. Во павлаката почнете полека да ги додавате жолчките, со константно мешање.
4. Додадете го и коњакот и продлжете да мешате додека не добиете густ крем како пудинг.
5. Чоколадото растопете го на пареа и додадете го какаото. Потполно растопеното чоколадо ставете го во кремот и се добро измешајте. Оставете ја смесата да се излади.
6. Смесата ставете ја во пластична кутија и ставете ја во замрзнувач да стои најмалку 4 часа.
7. По четири часа извадете го сладоледот од замрзнувач и полузамрзнат измиксирајте го во блендер. Вратете го во садот и оставете го да замрзне уште 4 часа.
Време потребно за подготовка: 480 минути
<< Сокриј го рецептот
Кукис (Cookies) >
Сосотојки:
500 гр. брашно
3 јајца
200 гр. шеќер
250 гр. путер или маргарин
1 кесичка прашок за печиво
2 кесички ванила
200 гр. чоколадо
Упатства:
Изматете ги јајцата со шеќерот додека се соединат. Додадете го омекнатиот путер и матете додека не се создаде изедначена смеса. Потоа се додаваат сите состојки и се меша со лажица се додека тестoто не се изедначи и не почне да се одделува од садот.
Исукајте го тестото на набрашнета површина. Потоа развлечете кора со дебелина од 1/2 cm. и вадете форми со мала чаша.
Наредете ги колачите во плех прекриен со хартија за печење и печете 15 минути на 200 C
Време потребно за подготовка: 50 минути
<< Сокриј го рецептот
Овошен јогурт >
Сосотојки:
- 100 гр. јаготки
- 200 мл. јогурт
- 1 лажица шеќер
Упатства:
Јаготките се пасираат со вилушка и им се додава шеќер. Се оставаат да постојат 5 минути. Им се додава јогуртот и се меша.
Време потребно за подготовка: 10 минути
<< Сокриј го рецептот
Чоколаден сон >
Сосотојки:
Тесто:
3 јајца
150 гр.шеќер во прав
1 белка
50 гр. шеќер кристал
140 гр. брашно
1 прашак за пециво
Фил:
250 гр. чоколадо за готвење
225 гр. хопла
200 гр. мармалад од боровинки или малини
220 гр. хопла
2 лажици рум
За украс: чоколадо
Упатства:
Јајцата ги миксираме со шеќер, додаваме брашно, какао, прашак за пециво и промешуваме.
Ја миксираме и белката со шеќерот во кристал и додаваме во смесата за тесто.
Смесата ја ставаме во калап и печиме на 170-180 C.
Додека тестото се лади правиме фил: чоколадото го топиме и го ставаме во изматената хопла, додека не добиеме хомогена маса, во која додаваме мармалад.
Тестото го сечеме на два дела, а филот го ставаме на средина меѓу двата делови. Оставаме малку фил за одозгора.
Глазура
Хоплата ја миксираме и додаваме растопено чоколадо, рум и оставаме да се излади во фрижидер. Кога ќе се излади ја премачкуваме тортата.
Време потребно за подготовка: 80 минути
<< Сокриј го рецептот
Дамски бакнежи >
Сосотојки:
150 гр. брашно
100 гр. шеќер
150 гр. мелени лешници
150 гр. маргарин
20 гр. какао
30 гр. темно чоколадо
30 гр. млечно чоколадо
Упатства:
Лешниците испржете ги на сува тава. Откако ќе се изладат сомелете ги.
Во поголем сад измешајте го брашното со какаото. Ддадете шеќер и мелени лешници. На крај додадете ги парчињата маргарин.
Замесете тесто. завиткајте го тестото во проѕизна фолија и ставете го во фрижидер најмалку еден час.
Оставете го тестото 1о минути на собна температура. Кинете парчиња од тестото и правете топчиња. Топчињата ставете ги на плех покриен со хартија за печење.
Печете на 170 степени околу 15-20 минути.
Извадете ги колачите од плехот и оставете ги да се изладат.
Во меѓувреме стопете ги темното и млечното чоколадо.
Со растопеното чоколадо составете две половинки од колачите.
Време потребно за подготовка: 60 минути
<< Сокриј го рецептот
Смоква - кокос ролат >
Сосотојки:
За дел од смокви
200 гр. смокви
100 гр. маргарин
100 гр. шеќер во прав
50 гр. мелени ореви
За дел од кокос
150 гр. кокос
150 гр. шеќер
150 гр. маргарин
2 лаж. рум
Упатства:
Сомелете ги смоквите, додадете им маргарин исечкан на листови, ореви и шеќер во прав и се добро измешајте со рака додека не добиете компактна смеса.
За делот од кокос измешајте го кокосот, шеќерот и маргаринот исечкан на листови. Додадете рум и мешајте со рака додека смесата не се соедини.
По желба може да направите еден поголен ролат или два помали. Ако правите два помали ролати преполовете ги двете смеси. Исто така само одберете кој дел сакате да Ви биде надворешен, а кој внатрешен.
Ставете на работната маса проѕирна фолија и на неа ставете го белиот дел, одозгора ставете проѕирна фолија и исплескајте ја смесата. Над белиот дел со нож разнесете го делот со смокви, додека потполно не го прекриете белиот дел.
Направете ролат и ставете го да се стегне во фрижидер.
Исечете парчиња со тенок нож.
Време потребно за подготовка: 40 минути
<< Сокриј го рецептот
Пита со јаболкa >
Сосотојки:
2кг киселкасти јаболкa
1кг готови свежи кори за пита
1дл масло
150г шеќер
Цимет
Упатства:
Излупете ги јаболката, отстранете ги семките и изрендајте ги. Исцедете ги, додајте шеќер и цимет и измешајте.
Ставете две кори на работната површина, на едниот крај намачкајте од смесата со јаболкa и завиткајте ја кората. Постапката повторувајте ја додека не ги потрошите корите или филот.
Во тавче премачкано со масло, наредете ги завитканите кори, притоа внимавајќи да не се допираат меѓусебно.
На крај, премачкајте го горниот дел од питата со малку масло и ставете ја да се пече 40 минути во загреана рерна на температура од 180°C.
Доколку питата брзо добие златна боја, покријте ја со алуминиумска фолија.
Откако ќе се испече, оставете ја питата да се олади половина час.
Послужете ја на парчиња со должина од 6 см и одозгора наросете шеќер во прав.
Време потребно за подготовка: 70 минути
<< Сокриј го рецептот
Сусамки >
Сосотојки:
- 150 гр шеќер
- 65 мл. мед
- 15 мл. вода
- малку сол
- индиско оревче
- 30 гр. путер
- 140 гр. сусам
- ванилин шеќер
- 2 гр. сода бикарбона
Упатства:
Во помало тенџере ставете шеќер, мед, сол, 1 лажица вода и рендано индиско оревче. Сето тоа пуштете го да се стопи на тивок оган со привремено мешање.
Во смесата додадете сусам и пржете на тивок оган со постојано мешање додека не добиете златна боја (околу 5-10 минути)
Тргнете го тенџерето од оган додадете ванила и путер и мешајте додека путерот не се стопи. Додадете сода бикарбона и се убаво промешајте.
Силиконската (или обична) подлога за печење, премачкајте ја со масло и на неа ставете ја смесата многу внимателно да не се изгорите. Израмнете ја до дебелина до која сакате. Оставете да се излади и сечете по желба.
Време потребно за подготовка: 60 минути
<< Сокриј го рецептот
Тути фрути мафини >
Сосотојки:
- 150 гр. суво овошје
- 300 гр. брашно
- 100 гр. шеќер
- 1 кесичка прашок за печиво
- малку сол
- 1 јајце
- 250 мл. млеко
- 125 гр. маргарин
- сок од половина лимон
- шеќер во прав
Упатства:
Во сад измешајте го брашното, шеќерот, прашокот за печиво и малку сол. Во омекнатиот маргарин додајте јајце и млеко, па со миксер изматете ги пенесто. Додадете ги сувите сстојки и сувото овошје кое претходно сте го исечкале. Смесата ставете ја во калап за мафини, во хартиени корпички. Готовите мафини наросете ги со шеќер во прав.
Време потребно за подготовка: 50 минути
<< Сокриј го рецептот
Чоко лешник мафини >
Сосотојки:
- 100 гр. маргарин
- 200 гр. шеќер
- 1 кесичка ванилин шеќер
- 2 јајца
- 50 гр. топено чоколадо
- 200 мл. млеко
- 100 гр. брашно
- 100 гр. какао
- 50 гр. пудинг од чоколадо
- 1/2 пак. прашок за печиво
- 1 лажиче сода бикарбона
- 2 лажички цимет
- 70 гр. сецкани лешници
Упатства:
Пенесто изматете го маргаринот со шеќерот и ванилиниот шеќер. Додадете 1 јајце, па потоа додадете го и другото. Во смесата ставете го стопеното чоколадо, а потоа наизменично додавајте какао, млеко и пудинг со постојано матење. На крај додадете го претходно измешаните прашок за печиво, сода бикарбона и цимет. Во плех за мафини ставете хартиени корпички и наполнете ги со смесата до висина од 2/3. Наросете со сецкани лешници и печете околу 20 минути на 180 степени.
Време потребно за подготовка: 50 минути
<< Сокриј го рецептот
Чоколадна торта >
Сосотојки:
3 х 6 јајца
3 х 6 лажици шеќер
3 х 4 лажици брашно
3 х 6 лажици мелени ореви
1 Фил
1/2 кгр. шеќер, 1 л. млеко, 200 гр. чоколадо
2 Фил
250 гр. маргарин, 200 гр. шеќер во прав и 3 јајца
3 фил
250 гр. мелени ореви и 1 чаша млеко
Упатства:
Изматете 3 х 6 јајца, додадете 3 х 6 лажици шеќер, 3 х 4 лажици брашно и 3 х 6 лажици мелени ореви. Секоја кора поделете ја на два дела, така што ќе добиете 6 кори.
1 фил - Ставете на оган 1/2 шеќер и 1 литар млеко да се вари шербет. Кога ќе почне да се згуснува додадете 200 гр. чоколадо и оставете на тивок оган филот убаво да се згусне. Премачкајте ги 6-те кори и оставете ги да се стегне чоколадото на нив.
2 фил - Измиксирајте 250 гр. маргтарин со 200 гр. шеќер во прав и додадете 3 јајца.
3 фил - 250 гр. мелени ореви прелијте ги со една шоља за кафе врело млеко.
Измешајте ги двата фила и филувајте ги корите кои се премачкани со чоколадо.
Глазура - 200 гр. чоколадо и 4 лажици масло
Време потребно за подготовка: 120 минути
<< Сокриј го рецептот
Америчка пита од тиква >
Сосотојки:
Тесто
300 гр. брашно
150 гр маргарин
1 јајце
2 лажици шеќер
сол, кора од лимон
Смеса од тиква
300 гр. пире од тиква
200 гр. топено сирење
2 јајца
50 гр. сушена брусница
млеко по потреба
100 гр. жолт шеќер
2 лажици мед
ванила, рум цимет, индиско оревче кора од портокал
Упатства:
Замесете тесто од брашно, маргарин, сол, шеќер, кора од лимон и јајце. Ако не успевате да го замесите додадете 1-2 лажици ладна вода. Завиткајте го во фолија и ставете го пола час во фрижидер.
Сварете ја тиквата на пареа. Пасирајте за да добиете пире. Така направеното пире измешајте го со топеното сирење и двете јајца, медот и зачините. Ако смесата е сува додадете малку млеко.
Обликувајте го тестото во калап за пита и избоцкајте го со вилушка за да не испука. Ставете го во рерна околу 10 минути на 220 степени.
Потоа ставете ја смесата од тиква и сувата брусница. Печете 45 минути на 180 степени, или додека рабовите на тестото не потемнат.
Време потребно за подготовка: 90 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
