Колачиња со путер и бадеми >
Сосотојки:
1 и ? шолја шеќер
2 и ? чаши брашно
1 големо пакување путер
3 жолчки
1 течна ванила
1 лажичка сода бикарбона
? пакување прашок за пециво
1 рака бадеми
Упатства:
Загрејте ја рерната на 180 степени. Со миксер изматете ги шеќерот и омекнатиот путер на собна температура. Кон нив додадете ги ванилата и жолчките и повторно матете додека не се изедначи смесата.
Во смесата полека додајте ги брашното, содата и прашокот за пециво, претходно просеани да се измешаат. Матете додека сите состојки не се измешаат многу добро.
Со раце формирајте колачи со големина по ваш избор. Наредете ги во плех обложен со кујнска хартија за да не се залепат. Во секое колаче ставете по еден бадем. Се пече во загреана рерна околу 15 минути или додека не порумени.
Време потребно за подготовка: 70 минути
<< Сокриј го рецептот
Кори со пире од тиква (Тиквеник) >
Сосотојки:
Производи:
200 г брашно
500 г тиква
100 г ореви
100 г вода
100 г масло
150 г шеќер
лажица цимет
Упатства:
Начин на приготвување:
Направете тесто од брашното и водата и исукајте 5 кори. Сварете ја и излупете ја тиквата од кората. Посипете сод шеќер, мелени ореви и цимет и откако ќе се излаи наредете во корите на редови и поклопете со последната кора.
Испечете на умерена температура и посипете со шеќер во прав.
Време потребно за подготовка: 90 минути
<< Сокриј го рецептот
Корнет торта >
Сосотојки:
Кора:
4 јајца
4 лажици шеќер
4 лажици брашно
2 лажици какао
Фил:
500 мл слатка павлака
100 г чоколадо
50 г печени лешници
Глазура:
50 г чоколадо
2 лажици масло
Украс:
100 мл слатка павлака
неколку корнети за сладолед
Упатства:
Кора:одвојте ги белките од жолчките, Белките изматете ги во цврст снег па додајте шеќер. На изматената смеса од белки постепено додавајте ги жолчките, една по една. Кога ќе добиете воздушеста и хомогена смеса додајте ги брашното и какаото. Подготвената смеса истурете ја во калап за торта покриен со хартија за печење. Ставете во рерна загреана на 200 степени и печете околу 25 минути. Тестото оставете да се излади, исечете на половина.
Во длабок сад ставете ја слатката павлака, чоколадото истопете го на ниска температура и додајте во павлаката заедно со иситнетите лешници.
Дното од калапот за торта покријте го со 1/2 тесто. Истурете го филот и покријте со горната кора. Чоколадото истопете го со малку масло и истурете врз горната кора. Ставете ги корнетите на тортата, а најдобро ако секој наполните со фил. Изматете ја слатката павлака и украсете ја тортата.
Време потребно за подготовка: 120 минути
<< Сокриј го рецептот
Ќофтиња од јаболка со бадеми >
Сосотојки:
1,5 килограм јаболка
400 грама бисквити
150 грама шеќер
80 грама сечкани бадеми
80 грама суво грозје(омекнато во ладна вода)
рендана кора од лимон
2 јајца
1 пециво
1 лажичка цимет
масло
Упатства:
1. Јаболката се мијат, лупат, чистат и сечат на парчиња.Ставете ги во еден сад со малку вода и варете додека не омекнат.Потоа испасирајте ги и соберете го пирето во еден сад.
2.Додајте 100 грама шеќер,250 грама ситно сечкани бисквити, сечканите бадеми и сувото грозје(омекнато во ладна вода),кората од лимонот, пецивото и циметот.Со влажни раце измешајте ги сите состојки и направете мали ќофтиња.Извалајте ги ќофтињата во изматените јајца и во останатите сомелени бисквити.
3.Пржете ги во поголемо количество врело масло и вадете врз салфета за да се впие вишокот маснотија.Сервирајте ги извалани во шеќер во прав.
Време потребно за подготовка: 50 минути
<< Сокриј го рецептот
Крем банани со кокос >
Сосотојки:
2 банани
100 грама чоколадо
малку путер
1 лажица масло
Упатства:
Бананите ги сечкаме на кругови.
Чоколадото, путерот и маслото ги ставаме да се стопат.
Откако смесата ќе стане хомогена во неа ги ставаме бананите.Со виљушка ги превртуваме од двете страни убаво да се потопат во чоколадото.Потоа ги вадиме од тој сад и ги валкаме во кокос убаво од сите страни.Се послужуваат ладни.
Време потребно за подготовка: 15 минути
<< Сокриј го рецептот
Кремаст сутлијаш >
Сосотојки:
1 чаша ориз
1 чаша вода
2 чаша млеко
1 чаша шеќер
1 пакетче шлаг крем од ванила
100гр кокос
50 гр бела чоколада
1 пакетче шлаг крем од чоколада
100гр мелени ореви
50 гр рендана црна чоколада
200гр кекс
Упатства:
Во подлабок сад се става водата и една чаша млеко да зоврие. Во зовриената течност се додава оризот и се остава да се вари со повремено мешање околу 15 минути.Одкако ќе ја впие течноста се додава и втората чаша млеко и шеќерот и се остава да врие додека се свари(со постојано мешање)
Сварениот сутлијаш се остава да се олади.
Кесичката шлаг крем од ванила се мати по упатството и кон шлагот се додаваат кокосот и изренданата бела чоколада.Кон оваа кремаста смеса се додава половина од оладениот сутлијаш и убаво се мати додека се изедначи.
Кесичката шлаг крем од чоколада се мати истопо упатството и се додаваат оревите,чоколадата и втората половина од сутлијашот.
Во калап се става најлонска фолија и се истура белиот дел од сутлијашот.Се реди еден ред од кекс и над него се истура делот со чоколадниот сутлијаш. Пак се реди еден ред кекс и се затвара калапот со фолијата. Се остава во фрижидер 3-4 часа а потоа се превртува од калапот, се наросува со рендана чоколада и се сече на парчиња.
Време потребно за подготовка: 90 минути
<< Сокриј го рецептот
Кремисимо коцки >
Сосотојки:
600 милилитри млеко
2 кесички пудинг од ванила
125 грама маргарин
100 грама шеќер во прав
3 лажици шеќер
100 грама крем
70 грама темно чоколадо
4 крем банани
36 парчиња бисквити
200 милилитри млеко за бисквитите
Упатства:
Измешајте ги пудингот, трите лажици шеќер и 100 милилитри млеко, а останатото млеко ставете го да зоврие. Откако ќе зоврие додајте ја смесата со пудингот и мешајте додека не се згусне. Тргнете го тенџерето од оган и оставете го да се излади.
Во сад измешајте ги маргаринот и шеќерот во прав, додајте го изладениот пудинг и поделете ја смесата на 3 дела.
Во едниот дел ставете ги исечканите крем банани, во другиот кремот, а во третиот додајте го растопеното темно чоколадо.
На чинија наредете 12 бисквити потопени во млеко, па нанесете еден дел од смесата. Повторно наредете 12 бисквити и нанесете го вториот дел од смесата. Наредете ги останатите 12 бисквити и завршете со третиот дел од смесата.
Оставете го колачот преку ноќ или неколку часа во фрижидер.
Исечете го на коцки и послужете.
Време потребно за подготовка: 90 минути
<< Сокриј го рецептот
Куглоф >
Сосотојки:
4 јајца, 14 лажици шеќер, 1 чаша ладна вода, 1 чаша зејтин, 15 лажици брашно, 1 пециво, 1 ванилин шеќер и какао.
Упатства:
Се матат јајцата со 14 лажици шеќер, и ванилиниот шеќер. Откако ќе се изматат убаво се додава капка по капка 1 чаша од млеко - вода и се продолжува со матење. Матејки постепено се додава 1 чаша зејтин. Се исклучува миксерт и постепено со лажица се додаваат 15 лажици брашно, пециво, се меша со лажица и се става тестото во подмачкан калап со путер. Од тестото се одделува малку и се додава малку какао и се става во преостанатото тесто, со вилушка се поминува низ тестото за да се направи шара, се пече на 220 Ц околу 30 мин. Откако ќе се испече се остава да се олади, се превртува и се поросува со шеќер во прав.
Време потребно за подготовка: 35 минути
<< Сокриј го рецептот
Куглоф со лимон >
Сосотојки:
• 250 гр омекнат маргарин
• 250 гр брашно
• 1 лажица прашок за пециво
• 1/2 лажица сол
• 225 гр шеќер во прав
• кора од 3 лимони
• 4 јајца
Сируп:
• 100 гр шеќер во прав
• Сок од 3 лимони
Глазура:
• 80 гр шеќер во прав
• 2 лажици ладна вода
Упатства:
Подготовка:
Загрејте ја рерната на 180°Ц и намрсете го калапот за куглоф.
Измешајте го брашното со прашокот за пециво во еден сад.
Во друг подлабок сад измиксирајте ги со миксер, маргаринот, шеќерот и кората од лимоните додека не добиете хомогена смеса. Додавајте ги јајцата едно по едно. Постепено додавајте ја смесата со брашното, исклучете го миксерот и продолжете да мешате со дрвена лажица. Смесата истурете ја во калапот и печете околу 30 минути.
Во меѓувреме припремете го сирупот, за кој е потребно да се помеша сокот од лимоните со шеќерот и да ја загреете смесата до вриење. Продолжете со варење уште 2-3 минути и потоа тргнете ја од оган за да се олади.
Печениот и оладен куглоф прелијте го со сирупот и оставете го во калапот уште 15 минути за да се впие сирупот.
Откако ќе се олади прелијте го со глазурата од шеќер и вода и уживајте во прекрасниот вкус.
Follow my_little_kitchen_stories on Instagram
Време потребно за подготовка: 60 минути
<< Сокриј го рецептот
Куглоф со лимон и мед >
Сосотојки:
Прв чекор Куглоф:
250 гр.брашно
1 лажиче сол
15 гр. свеж квасец или 1 кесичка сув квасец
кора од 1 лимон
2 лажици мед
6 јајца
100 гр.мек путер
90 мл. рум
Втор чекор Сируп:
250 гр.шеќер
250 мл вода
1 лимон
1 стапче ванила
Упатства:
Прв чекор:
Колачот-куглоф се пече во калап во облик на престен и по печењето се попрскува со сируп со рум и се полни со шлаг пена или некој друг крем.
Постапката почнува со сирупот. Во Садот за сос се загрева шеќерот со вода, на тивок оган, додека да се растопи шеќерот. Кората на лимонот се сече во ленти (само жолтиот дел) и додајте ги во сирупот. Хоризонтално исечете го семето од ванила и додајте го во сирупот, заедно со дршката. Кога шеќерот е стопен, нека зоврие и нека се крчка околу 3 минути.
Кога ќе се олади, извадете ја кората од лимон и исцедете го сирупот. Сирупот може да се чува во фрижидер, до неколку недели.
Втор чекор:
Во сад, со миксер изматете го брашното со сол, квасец и кората од лимон. Во Тавата со рачка загрејте мед, колку да стане течност, не да зоврие. Медот се мати со 3 јајца. Оваа смеса се додава на брашното и со омекнат путер, се мати околу 3 минути, додека да се изедначи смесата. Изматете ги јајцата и и остатокот од нив додајте го по малку во смесата со брашно, мешајќи цело време со миксер на средна брзина.
Мешајте уште неколку минути и истурете ја смесата во чиста чинија, покријте ја и оставете нека нарасне двојно. Бидејќи смесата содржи јајца и путер, за нараснување ќе треба неколку часа, но проверувајте ја на секои 30 мин.
Трет чекор:
Диеталниот сад премачкајте го со путер. Кога тестото е веќе видливо надигнато, пренесете го во Диеталниот сад, покријте го со пластична фолија и оставете нека расне на топло уште околу 30 мин, колку само да почне да расне. Откако тестото пак ќе порасне извадете ја фолијата и печете 20-30 минути додека да добие златна боја и кога ќе почне да се одвојува од Диеталниот сад.
Извадете го тестото од Диеталниот да се лади околу 5 минути, потоа ставете го на маса и почекајте колачот добро да се излади. Со дрвени стапчиња, направете дупчиња од сите страни и потоа вратете го назад во Диеталниот сад.
Четврти чекор:
Загрејте го сирупот –кога ќе стане жежок, додајте му рум и истурете преку колачот. КОга тестото ќе го впие сирупот, уште еднаш извадете го од Диеталниот сад и оставете го нека се олади на чинија за служење.
Време потребно за подготовка: 80 минути
<< Сокриј го рецептот
Кукис (Cookies) >
Сосотојки:
500 гр. брашно
3 јајца
200 гр. шеќер
250 гр. путер или маргарин
1 кесичка прашок за печиво
2 кесички ванила
200 гр. чоколадо
Упатства:
Изматете ги јајцата со шеќерот додека се соединат. Додадете го омекнатиот путер и матете додека не се создаде изедначена смеса. Потоа се додаваат сите состојки и се меша со лажица се додека тестoто не се изедначи и не почне да се одделува од садот.
Исукајте го тестото на набрашнета површина. Потоа развлечете кора со дебелина од 1/2 cm. и вадете форми со мала чаша.
Наредете ги колачите во плех прекриен со хартија за печење и печете 15 минути на 200 C
Време потребно за подготовка: 50 минути
<< Сокриј го рецептот
Ледена бајадера >
Сосотојки:
• 3 Шекер лажичка/ки
• 1 мала лажица Шеќер во прав
• 50 грама Шеќер
• 200 грама Чоколадо
• 200 грама Путер
• 100 грама Ореви
• 500 милилитри Млеко
• 2 лажица/ци Какао
• 10 милилитри Вода
• 1 Ванила пудинг/а
• 250 грама Бисквити
Упатства:
Кора: 100 грама чоколадо искршете и на пареа истопете го со постојано мешање и оставете го на топло.
Пенесто изматете 100 путер со 50 грама шеќер и додајте го истопеното чоколадо.
Во друг сад измешајте 250 грама мелени бисквити, какаото и мелените ореви па додајте ги во смесата со путер и чоколадо.
Додајте 50 грама сечкани ореви и 50 грама млеко за да добиете густа смеса.
Фил: Одвојте 100 милилитри млеко и во него растворете ги шеќерот и прашокот за пудинг. 300 млеко ставете го да зоврие и додајте ја смесата со пудингот.
Сварете густ крем. Омекнатиот 50 грама путер исечкајте го на ливчиња и додадете во малку изладениот пудинг и убаво измешајте.
Глазура: Искршете 100 грама чоколадото, додајте шеќер во прав, 30 грама путер исечен на ливчиња и една лажица вода. Истопете на пареа со постојано мешање.
Редење: Поголем, правоаголен, плиток сад обложете со проѕирна фолија.
Нанесете ја смесата за кора и убаво израмнете. Рамномерно распоредете го филот и нанесете ја топлата глазура.
Садот преку ноќ префрлете го во фрижидер а потоа исечете го на коцки и послужете.
Време потребно за подготовка: 40 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
