Мафини со овошен јогурт Прикажи го рецептот >>

Мафини со овошен јогурт >

Сосотојки:
* 2 јајца * 110 г шеќер * 65 мл масло * 150 мл овошен јогурт од кајсија * 220 г пченично брашно тип 550 * 1-2 лажички прашок за пециво * сол * 15 г путер * 60 г свежо кравјо сирење * 4 лажици мармалад од кајсија

Упатства:
Јајцата и шеќерот се мешаат со електричен миксер се додека не се добие густа маса. Додадете во смесата масло, јогурт и брашно помешано со прашок за пециво и сол. Калапите за мафини намрсете ги со со путер а потоа набрашнете ги. На крајот во смесата се додава сирењето и лажичка мармалад од кајсија и се меша се заедно со миксер. Печете ги во претходно загреана рерна на 180 C 25 минути.

Време потребно за подготовка: 60 минути

<< Сокриј го рецептот

Медени колачиња Прикажи го рецептот >>

Медени колачиња >

Сосотојки:
Во длабок сад се мешаат со шпатула * 120 гр мек путер * 3 лажици мед * 2 лажици млеко * 1 лажичка ванила арома * Рендана кора од еден лимон Во друг сад се мешаат * 300 гр интегрално брашно * Прстофат сол * 80 гр шеќер ( најдобро мусковадо) * 1 лажичка прашок за пециво * 2 лажички цимет

Упатства:
Мешавината со брашно се додава во путерот, се замесува тесто и се остава минимум половина час во фрижидер. Се формираат топчиња со големина на орев, се редат на плех обложен со хартија за печење @folii_za_domakinstvo, со вилушка се прават нежни стисоци во форма на х и се печат 12 минути на 170 степени. Пред јадење се оставаат 10 минути да се изладат - тоа е најтешкиот делFollow me_mother_of_three on Instagram

Време потребно за подготовка: 60 минути

<< Сокриј го рецептот

Милка торта  Прикажи го рецептот >>

Милка торта  >

Сосотојки:
12 јајца 10 лажици шеќер 375 г маргарин (едно и пол маргарин) 300 г мелена плазма 600 г обични плазма бисквити 2 бели и 2 темни Милка чоколади

Упатства:
Од јајцата се одвојуваат жолчките и се матат заедно со шеќерот. Смесата се става да се вари на пареа за да згусне, притоа постојано се мати со миксерот. Посебно се мати маргаринот и се додава на претходно оладената готова смеса од жолчки. Потоа од белките се мати цврст снег и се додава мелената плазма. Оваа смеса се меша заедно со кремот од жолчките, па се дели на два дела. Во едниот дел се додаваат растопените бели чоколади, а во другата темните. Правоаголно длабоко тавче се обложува со алуминиумска фолија и се редат плазма бисквити натопени во млеко, не само на дното туку и од страните. Потоа се ставаат филовите еден врз друг, прво белиот, потоа кафеавиот. Повторно се редат плазма бисквити натопени во топло млеко. Се остава во замрзнувач 24h, потоа се превртува на чинија и се украсува со шлаг.

Време потребно за подготовка: 70 минути

<< Сокриј го рецептот

Мини баклави во калапи за мафини Прикажи го рецептот >>

Мини баклави во калапи за мафини >

Сосотојки:
1/2 шолја ф’стаци, плус уште малку за декорација 1 1/2 шолја ореви 1/2 шолја бадеми 1/3 шолја шеќер 1 лажичка цимет 500g кори за баклава 3/4 шолја стопен путер За шербет: 3/4 шолја вода 3/4 шолја шеќер 3/4 шолја мед 1 лажичка рендана кора од лимон 2 лажички свеж сок од лимон

Упатства:
Во блендер иситнете ги јаткастите плодови и додадете ги шеќерот и циметот. Загрејте ја рерната на 350 степени. Исечете 24 квадрати со средна големина од тестото и 72 кругови со чаша со големина отприлика колку калапот за мафини. Поголемите квадрати наредете ги на дното од калапот. Наизменично редете кора, од измелената смеса, па премачкувајте со растопен путер. Повторувајте додека не го потрошите материјалот. Печете околу 30-35 минути или додека корите не добијат златесто-кафеава боја. Шербетот се подготвува го така што сите состојки ќе ги ставите во поголемо тенџере и ќе варите околу 10 минути. Оладете, па со лажичка истурете врз баклавите по печењето. Декорирајте со малку измелени ф’стаци. Оладете ги баклавите барем 4 часа на собна температура пред да ги послужите.

Време потребно за подготовка: 90 минути

<< Сокриј го рецептот

Мини корпици со три вкусови Прикажи го рецептот >>

Мини корпици со три вкусови >

Сосотојки:
200 милилитри млеко 1 филџан масло 1 јајце 1 лажичка сол 1 пресен квасец брашно по потреба

Упатства:
Квасецот се остава да стаса со 1 лажица шеќер, 1 лажица брашно и малку вода. Од квасецот и останатите состојки се меси средно меко тесто и се остава да стаса. Откако ќе стаса, се растегнува кора дебела околу 5 милиметри. Со чаша се сечат кругови од тестото кои се ставаат во претходно намачкани со маргарин метални корпици или друг облик на калапи. Фил од пилешко 300 грама пилешко месо (батак или гради) се вари со зачини. Свареното месо се сецка на парчиња, се додава 200 грама сецкан кашкавал, 100 грама сецкани маринирани шампињони, малку кечап, 2 лажици павлака и оригано. Од филот се става во секоја корпица и се пече. Само овие корпици се печат заедно со филот. Останатите, се обликуваат во намрсени калапчиња, над тестото се става малку кујнска хартија и неколку зрна грав или ориз да не се подига многу тестото при печењето. Фил со авокадо 1 авокадо се блендира со малку сок од лимон. Се додава крем сирење 150-200 грама, малку сецкан босилек и црн пипер. Се меша смесата и се полнат испечените корпи. Од горе се става чаден лосос. Фил со павлака 1 краставица се сече на поситни коцки, се додава дробено или рендано сирење, неколку парчиња сувомеснато (може и без него), сецкани ореви, 2 лажици мајонез, сецкан магдонос и павлака. Се меша сe заедно. Со овој фил се полнат испечени корпици и се украсува со маслинка. Погодни се зошто првите можат и да се замрзнат со филот, а останатите празни, па по потреба да се полнат со каков било фил или салата.

Време потребно за подготовка: 60 минути

<< Сокриј го рецептот

Мини тортички Прикажи го рецептот >>

Мини тортички >

Сосотојки:
2 филџани брашно 2 филџани масло за јадење 4 јајца 1 филџан млеко 2 филџани мелени ореви 1 ќесичка прашок за печиво За фил: 200мл млеко 150г шеќер 100г чоколада Шлаг пена

Упатства:
Јајцата и шеќерот се матат. Се додаваат останатите состојки по ред. Изматената смеса се истура во подмачкан и побрашнет плех. Се пече на 220°С околу 25 минути. По благо ладење од добиениот пандишпан со чаша се вадат парчиња во кружна форма, а тестото помеѓу нив се собира и се ситни со рака. Млекото, шеќерот и чоколадата се варат додека смесата не се изедначи. Во неа се меша иситнетото тесто и се филуваат тортичките. Се украсува со шлаг пена. На здравје!

Време потребно за подготовка: 80 минути

<< Сокриј го рецептот

Миризливи јаболка со прелив од карамела Прикажи го рецептот >>

Миризливи јаболка со прелив од карамела >

Сосотојки:
7 мали јаболка 3 лажици блага хопла Дрвени стапчиња (можете да употребите и од оние за ражничи) 400g карамела Кикиритки, чоколадни трошки, ореви, кокос за декорација (по желба)

Упатства:
Отстранете ги дршките на јаболката, измијте ги со топла вода и избришете ги. Уште подобро е ако ги оставите во фрижидер неколку часа пред да почнете со десертот. Ставете ги стапчињата на јаболката, така што ќе бидат како дршки. Наредете ги јаболката во еден сад, а во разни плитки садови ставете ги додатоците за украсување, како кикиритки и чоколадни трошки. Во тенџере ставете ги карамелата и хоплата и оставете го на тивок оган додека не се растопи карамелата. Оставете ја смесата околу 5 минути да се излади, за карамелата подобро да се залепи за јаболката. Држејќи ги јаболката за стапчето, потопете ги во смесата со карамела и хопла и разлејте ја низ целото јаболко. Веднаш потоа, додека карамелата е уште топла, додајте ги и кикиритките, чоколадните трошки или какви било додатоци по желба. Наредете ги јаболката во сад обложен со хартија за печење, а потоа оставете ги да се стврднат. Вака приготвените јаболка можете да ги чувате во фрижидер и до две недели.

Време потребно за подготовка: 30 минути

<< Сокриј го рецептот

Млечна Киндер торта Прикажи го рецептот >>

Млечна Киндер торта >

Сосотојки:
За пандишпан: 5 јајца 5 лажици шеќер 5 лажици брашно 5 лажици какао 1 ванилин шеќер 1 лажичка прашок за пециво За фил: 200 ml слатка павлака 2 лажици мед ? ќесичка желатин 4 лажици вода За глазура: 50 грама чоколадо за готвење 2-3 лажици млеко 2-3 лажици зејтин

Упатства:
Се матат жолчки, шеќер и ванилин шеќер. На тоа се додаваат брашното, какаото и прашокот за пециво. Белките се матат посебно и двете густи смеси се спојуваат. Смесата се става на обложен плех со хартија и сето тоа се пече 15 минути на 180 степени. Кога кората ќе се олади, се преполовува. Се мати слатката павлака, на која се додава 1 лажица мед. Желатинот со 4 лажици вода се вари додека не зоврие и сето тоа се додава на смесата со слатката павлака. Филот се нанесува на кората и тоа се поклопува со другата половина. По желба, колачот се прелива со глазура, која веднаш по варењето на чоколадото, млекото и зејтинот, се мачка врз кората. Кога ќе се олади, се сече на коцки… Децата уживаат во овој колач…Израдувајте ги ! а Вие… Уживајте!!!

Време потребно за подготовка: 100 минути

<< Сокриј го рецептот

Млечна плетенка - козињак Прикажи го рецептот >>

Млечна плетенка - козињак >

Сосотојки:
- 500 гр. брашно - 1 инстант квасец - 2 јајца - сол - 50 гр. маргарин - 50 гр. шеќер - 1 пак. ванилин шеќер - 200 мл. млеко - кора од лимон - 1 белка (за премачкување)

Упатства:
Измешајте го брашното со квасецот, додадете шеќер, ванилин шеќер, растопениот маргарин, изматените јајца, малку сол и рендана кора од лимон. Малку промешајте и со топло млеко замесете меко тесто. Покријте го со кујнска крпа и оставете го на топло место да скисне. Тестото премесете го лесно и разделете го на два дела и тоа еден дел од 1/3 од тестото, а другиот дел од 2/3 од тестото. Двата дела обликувајте ги во должина и скоро до врвот засечете ги на три делови. Исплетете две плетенки еднакно долги. Поставете ја помалата на пошироката плетенка, премачкајте со белка, посипете шеќер и ставете ја да се печи околу 50 минути на 180 степени.

Време потребно за подготовка: 120 минути

<< Сокриј го рецептот

Монте Прикажи го рецептот >>

Монте >

Сосотојки:
Тесто: - 3 јајца - 5 лажици шеќер - 3 лажици топла вода - 3 лажици брашно - 3 лажици какао - 1/3 прашок за печиво Прелив: - 1/2 дцл. млеко - 2 полни лажици несквик Бел крем: - 6 дцл. млеко - 5 лажици шеќер - 6 лажици густин - 2 пак. ванилин шеќер - 20 гр. бело чоколадо - 150 гр. маргарин Темен крем: - 200 гр. темно чоколадо - 100 гр. млечно чоколадо - 5 дцл. слатка павлака

Упатства:
Изматете ги пенесто јајцата и шеќерот, додадете вода па уште малку матете. Додадете ги сите останати состојки и матете колку што е потребно за да се изедначат состојките. Печете на 180 C околу 20 минути. Печеното тесто прелијте го со преливот (со врелото млеко додадете несквик и добро измешајте) за белиот крем одвојте неколку лажици млеко за да го растворите густинот. Преостанатото млеко варете го со шеќерот. Откако ќе зоврие додадете густин. Да се меша неколку минути и да се додаде ванилиниот шеќер. Покријте го со проѕирна фолија и оставете го да се лади. Во изладениот крем измешајте го маргаринот. За темниот крем ставете ја слатката павлака на тивок оган, додадете ги двете врсти чоколадо и мешајте додека не се стопи чоколадото. Оставете да се лади барем 2 часа. Ако сакате посладок крем додадете 1-2 лажици шеќер. Изладениот бисквит премачкајте го со бел крем, па со темен крем.

Време потребно за подготовка: 120 минути

<< Сокриј го рецептот

Мрзлива пита од јаболка со лимон и цимет Прикажи го рецептот >>

Мрзлива пита од јаболка со лимон и цимет >

Сосотојки:
500 гр брашно 40 гр кафеав шеќер 1 прстофат сол 50 гр овесни снегулки 60 гр ладни коцки путер 2 јаболка, излупени и исечени 1 лажица сок од лимон ? лажичка цимет 1 и ? лажица бел шеќер

Упатства:
Загрејте ја рерната на 180 степени. Измешајте го брашното, кафеавиот шеќер и солта заедно. Додадете ги овесните снегулки и промешајте. Додадете го путерот во смесата и мешајте додека не се добијат големи трошки. Наредете ги исечените јаболка на дното на плехот за печење. Посипете со сок од лимон, цимет, бел шеќер врз нив. Посипете ја смесата од брашно со овесни снегулки на јаболката. Печете 30-40 минути или додека не поруменат.

Време потребно за подготовка: 30 минути

<< Сокриј го рецептот

Најдобриот рецепт за бајадера Прикажи го рецептот >>

Најдобриот рецепт за бајадера >

Сосотојки:
9 лажици вода 20 дкг шеќер 15 дкг мелени ореви, бадеми или лешници 25 дкг Петит бисквити 17 дкг путер 10 дкг чоколадо Малку рум За прелив: 10 дкг чоколадо за готвење Малку масло

Упатства:
Во тенџере додадете вода и шеќер и загрејте ја содржината на послаб оган додека шеќерот се стопи. Додадете путер, тргнете го тенџерето од оган и мешајте се додека се стопи. Кога путерот сосема ќе се стопи, додадете ореви и мелени бисквити и мешајте додека не добиете густа смеса. Добиената смеса поделете ја на два дела. Чоколадото стопете го на пареа и додадете го во едната половина од смесата со оревите, а во другиот дел ставете рум. На тацна ставете мрсна хартија за печење и префрлете го првиот дел од смесата, оној со чоколадо и со раце оформете квадрат, а горниот дел и рабовите израмнете ги со нож. Врз него на ист начин ставете го другиот дел и обликувајте исто како претходно. Остатокот од чоколадото се топи на пареа, додадете во тоа малку масло и посипете ја бајадерата со готовиот прелив. Бајадерата се остава една ноќ да отстои во фрижидер за да се стегне, а следниот ден се сече на парчиња.

Време потребно за подготовка: 30 минути

<< Сокриј го рецептот