Смоква - кокос ролат Прикажи го рецептот >>

Смоква - кокос ролат >

Сосотојки:
За дел од смокви 200 гр. смокви 100 гр. маргарин 100 гр. шеќер во прав 50 гр. мелени ореви За дел од кокос 150 гр. кокос 150 гр. шеќер 150 гр. маргарин 2 лаж. рум

Упатства:
Сомелете ги смоквите, додадете им маргарин исечкан на листови, ореви и шеќер во прав и се добро измешајте со рака додека не добиете компактна смеса. За делот од кокос измешајте го кокосот, шеќерот и маргаринот исечкан на листови. Додадете рум и мешајте со рака додека смесата не се соедини. По желба може да направите еден поголен ролат или два помали. Ако правите два помали ролати преполовете ги двете смеси. Исто така само одберете кој дел сакате да Ви биде надворешен, а кој внатрешен. Ставете на работната маса проѕирна фолија и на неа ставете го белиот дел, одозгора ставете проѕирна фолија и исплескајте ја смесата. Над белиот дел со нож разнесете го делот со смокви, додека потполно не го прекриете белиот дел. Направете ролат и ставете го да се стегне во фрижидер. Исечете парчиња со тенок нож.

Време потребно за подготовка: 40 минути

<< Сокриј го рецептот

Смоква торта Прикажи го рецептот >>

Смоква торта >

Сосотојки:
10 јајца 400 гр. шеќер 250 гр. сецкани смокви 80 гр. брашно 150 гр. потпечени и сецкани ореви

Упатства:
10 белки се матат со 200 гр. шеќер во цврст снег, внимателно се става брашното, смоквите и оревите. Во плехот од шпоретот се пече смесата на 180 C околу 20 минути Крем: На пареа се варат жолчките, претходно изматени со 200 гр. шеќер додека да се згуснат, се ладат и се спојуваат со претходно изматениот путер. По желба во кремот се додава и малку рум.

Време потребно за подготовка: 50 минути

<< Сокриј го рецептот

Снек бар од јатки Прикажи го рецептот >>

Снек бар од јатки >

Сосотојки:
-Чаша за чај ореви -Чаша за чај лешници -Еден филџан бадеми -Една рака сусам -Една рака ленено семе -Една лажичка мед -Две табли чоколада

Упатства:
Истурате се заедно во подлабок сад.Претходно ја топите чоколадата.Ја ставате во врела вода(отприлика 5-6 лажици) без да ја загревата,таа сама се топи...Мешате со раце убаво.Ја истурате смесата на најлон(од тој за готвење)и ја притискате со нешто рамно,може со чинија.Идеално ќе биде ако имате некоја плитка но широка чинија.Убаво ја притискате и ја ставате во фрижидер.Сечете како сакате, може да се извадат и некакви форми. Извор: http://makstrip.com.mk/

Време потребно за подготовка: 40 минути

<< Сокриј го рецептот

Сникерс Прикажи го рецептот >>

Сникерс >

Сосотојки:
500гр мелени petit beurre бисквити 500гр толчени кикирики (солени,лупени,пржени) 2 ванили 200гр чоколада за готвење 200гр шеќер 250гр путер малку млеко

Упатства:
Сите бисквити и 400гр кикирики, 2 ванили 200гр путер ги замесувате во тесто. Во зависност од бисквитите додајте и малку млеко. Распоредете го во намачкан плех со дебелина 1.5 cm. Ставете го во фрижидер додека го приготвувате карамелот ( dulce de leche). 200гр шеќер се карамелизира со 2 лажици вода. Пред да е готово кога ќе замириса на карамел ставете 50гр путер и 2-4 лажици млеко. Пазете бидејќи многу прска. Нека поврие уште малку за да се згусне. Веднаш прелијте го карамелот преку смесата од фрижидер,насолете ги преостанатите 100гр кикирики. Вратете го плехот во фрижидер, 200гр чоколада стопете на тивок оган, со малку масло. Прелијте ја преку смесата, оставете да се олади и пресечете ја на коцки.

Време потребно за подготовка: 60 минути

<< Сокриј го рецептот

Солзи со течно чоколадо Прикажи го рецептот >>

Солзи со течно чоколадо >

Сосотојки:
1 замрзнато лиснато тесто чоколаден намаз 1 жолчка од јајце

Упатства:
Замрзнатото тесто ставете го на набрашнета површина. Посипете го со малку брашно и лесно премачкајте го со сукало. Важно е да се работи побрзо со тестото додека е уште добро изладено. Премачкајте го со течно чоколадо од крај до крај. Почнете да ги извртувате двата краја за да бидат исправени кога ќе се спојат. Добиениот ролат со остар нож исечете го на парчиња со дебелина од околу 2 см.Наредете ги во плех на хартија за печење и премачкајте ги со малку изматена жолчка. Се пече во загреана рерна на 180 степени околу 15-20 минути.

Време потребно за подготовка: 30 минути

<< Сокриј го рецептот

Сос од јаготки Прикажи го рецептот >>

Сос од јаготки >

Сосотојки:
300 гр. јаготки 30 мл. вода 4-5 лажички жолт шеќер 1 супена лажица густин 30 мл. вода

Упатства:
Во тенџере ставете 30 мл. вода и шеќер и мешајте додека шеќерот не се стопи. Кога ќе почне да врие додадете ги јагодите и се заедно варете околу 15 минути. Во друг сад измешајте 30 мл. вода со густинот и мешајте за да не останат грутчиња, а потоа додадете го во јагодите и мешајте додека не згусне. Тргнете го од оган и оставете го да се излади. Изладената смеса ставете ја во блендер и добро измиксирајте. Служете со палачинки или сладолед.

Време потребно за подготовка: 40 минути

<< Сокриј го рецептот

Сочни потпечени јаболка Прикажи го рецептот >>

Сочни потпечени јаболка >

Сосотојки:
Јаболка по желба ? шолја овесни снегулки ? шолја кафеав шеќер 3 лажички цимет 1 лажичка каранфилче (по желба) Коцка путер

Упатства:
Во еден сад измешајте ги сувите состојки кои ги одбравте заедно со шеќерот и зачините. Јаболката измијте ги и издлабете ги со лажица. Наполнете ги со мешавината од чинијата. На врвот на јаболката ставете коцка путер. Наредете ги во супер крчко тенџере или во тава, и истурете ? шолја вода. Печете на тивко 3-4 часа.

Време потребно за подготовка: 200 минути

<< Сокриј го рецептот

Сусамки Прикажи го рецептот >>

Сусамки >

Сосотојки:
- 150 гр шеќер - 65 мл. мед - 15 мл. вода - малку сол - индиско оревче - 30 гр. путер - 140 гр. сусам - ванилин шеќер - 2 гр. сода бикарбона

Упатства:
Во помало тенџере ставете шеќер, мед, сол, 1 лажица вода и рендано индиско оревче. Сето тоа пуштете го да се стопи на тивок оган со привремено мешање. Во смесата додадете сусам и пржете на тивок оган со постојано мешање додека не добиете златна боја (околу 5-10 минути) Тргнете го тенџерето од оган додадете ванила и путер и мешајте додека путерот не се стопи. Додадете сода бикарбона и се убаво промешајте. Силиконската (или обична) подлога за печење, премачкајте ја со масло и на неа ставете ја смесата многу внимателно да не се изгорите. Израмнете ја до дебелина до која сакате. Оставете да се излади и сечете по желба.

Време потребно за подготовка: 60 минути

<< Сокриј го рецептот

Тарт со круши и бадеми Прикажи го рецептот >>

Тарт со круши и бадеми >

Сосотојки:
За тестото: 170 гр брашно 85 гр путер 30 гр шеќер 1 јајце За полнење: 2 јајца 100 гр шеќер 3 круши, излупени и исечени на парчиња 100 гр исечени бадеми 30 гр стопен путер 50 гр брашно, просеано ? лажичка прашок за пециво

Упатства:
Оставете го путерот на собна температура. Измешајте го со брашното и добро истријте со прстите додека не добиете големи трошки од путер. Измешајте го шеќерот со јајцето. Додадете ги во трошките и месете го тестото. Доколку е потребно, додадете малку вода или млеко за да ја направите текстурата помалку густа. Оставете го тестото во фрижидер околу еден час пред да го развлечете. Расукајте го тестото на набрашнета површина. Ставете го во претходно подготвена тава. Вратете го во фрижидер да се излади. За полнење: Јајцата и шеќерот изматете ги со миксер. Додадете ги бадемите и растопениот путер. На крајот, додадете брашно и прашок за пециво. Ставете дел од филот врз тестото. Наредете малку исечени круши. Потоа додадете повеќе фил и завршете со слој сецкани круши. Печете во загреана рерна на 180 степени околу 40 минути или додека не порумени.

Време потребно за подготовка: 50 минути

<< Сокриј го рецептот

Тарт со ф’стаци Прикажи го рецептот >>

Тарт со ф’стаци >

Сосотојки:
Бисквитна кора: • 200 гр мелени бисквити • 50 гр мелени ф’стаци • 60 мл слатка павлака • 120 мл омекнат путер Фил од ф’стаци: • 125 мг несолени ф’стаци без лушпа • 2 мали лажички масло за готвење • ? лажичка сол • ? чаша шеќер • 50 мл слатка павлака • 50 гр несолени ф’стаци без лушпа Чоколаден прелив: • 300 гр црна чоколада (може и млечна) • 150 мл слатка павлака

Упатства:
Помешајте ги мелените бисквити со путерот и слатката павлака, додадете ги мелените ф’стаци и притиснете ја смесата со рацете во калап за тарт премачкан со путер. Ставете го калапот во фрижидер за да се стегне смесата. Во меѓувреме подгответе го филот од ф’стаци. За него е потребно во блендер да ги сомелете несолените ф’стаци заедно со солта и маслото за готвење. Откако ќе се соедини таа смеса, додадете го шеќерот и слатката павлака и повторно блендирајте се додека не добиете полутечна смеса. Оваа смеса нанесете ја врз бисквитната кора и на неа додадете уште 50 гр сецкани ф’стаци. Ставете го калапот повторно во фрижидер. Сега на ред за подготовка е чоколадниот прелив. Потребно е да ја загреете слатката павлака до вриење и да се прелие преку чоколадото кое претходно сте го скршиле на коцки. Откако чоколадото ќе се стопи и се добие хомогена смеса, се прелива преку тартот. Вака подготвениот тарт треба да стои во фрижидер најмалку час и половина за да добро се стегне. Уживајте во готвењето и прекрасниот спој на чоколадо со ф’стаци.

Време потребно за подготовка: 60 минути

<< Сокриј го рецептот

Татлии Прикажи го рецептот >>

Татлии >

Сосотојки:
* 3 Шекер лажичка/ки * 1000 грама Шеќер * малку Цимет * 200 грама Урми * 1 кесичка/ки Прашак за печиво * 150 грама Ореви * 250 грама Маргарин * 4 лажица/ци Лимонов сок * 1 Кора од лимон * 1000 милилитри Вода * 2 кесичка/ки Ванилин Шеќер * 450 грама Брашно * 2 Јајца/це

Упатства:
Од брашното, прашокот за печиво, 1 ванилин шеќер, јајцата и истопениот маргарин замесете убаво тесто. Тестото оставете го да одмори 15-тина минути. Потоа продолжете со месењето, при што се додава (доколку е потребно) уште малку брашно. Во посебен сад ги месиме оревите, иситнетите урми, циметот и 3-те лажици шеќер. Тоа е филот за татлиите. Од тестото земаме мали топчиња со големина колку орев, со дланката се стискаат, се филуваат, па убаво се затвораат од сите страни за да не испадне филот. Вака подготвените татлии се редат на плех и се печат на 220 степени. Додека татлии се печат се подготвува се подготвува сирупот од 1кг. шеќер, водата. ванилата и лимоновиот сок кој се додава после 15 минути варење. Потребно е сирупот да биде сварен и со светло жолта боја. Кога татлиите ќе се испечат се налеваат со сирупот.

Време потребно за подготовка: 40 минути

<< Сокриј го рецептот

Татлија Прикажи го рецептот >>

Татлија >

Сосотојки:
500 грама пиво 350гр масло 150гр гриз 2лаж шеќер во прсти сол 1 пециво 100 гр сецкани ореви по потреба брашно ( околу 800гр) шербет 700гр шеќер 600гр вода

Упатства:
Во сад се додава пивото, маслото, шеќерот, сол, гризот се додава брашното, оревите и пецивото. Се меси колачот. Брашното се додава по потреба, но се внимава тестото да не е тврдо. Се расплескува во намрсено тавче број 32 се сече и се пече во загреана релна на 200 степени. Од шеќерот и водата се вари шербет и се полева оладената татлија со врел шербет.

Време потребно за подготовка: 60 минути

<< Сокриј го рецептот