Тробоен куглоф a la Twins Прикажи го рецептот >>

Тробоен куглоф a la Twins >

Сосотојки:
7 јајца 6 лажици шеќер 6 лажици млеко 6 лажици брашно 6 лажици масло 1/2 пециво

Упатства:
6 жолчки и 1 јајце се бијат убаво со 6 лажици шеќер откако се избијат убаво се додава : 6 лажици млеко 6 лажици брашно 6 лажици масло 1/2 пециво Половината од оваа смеса се тура во куглоф претходно премачкан со маргарин и се печи 10 минути на 200 степени. Во останатата смеса се додаваат 2 лажички мали какао се меша убаво и се тура над првиот потпечен дел. Рерната се намалува на 150 степени и се печи уште 10 минути. 6 белки се бијат убаво па се додаваат 6 лажици шеќер и се продолжува со матење да се избие убаво па се додаваат: 6 лажици масло 6 лажици брашно се промешува убаво по желба во белките може да додадете сецкани ореви или суво грозје се меша убаво и се тура над веке подпечените делови , се враќа во рерна и и се печи уште 15 минути на 150 степени. Потоа се исклучува и се остава уште малку да постои во исклучена рерна Се вади од рерна, се остава да се излади и потоа се декорира по желба на пример со шеќер во прав или растопено чоколадо.

Време потребно за подготовка: 40 минути

<< Сокриј го рецептот

Тулумби Прикажи го рецептот >>

Тулумби >

Сосотојки:
300 гр. брашно 300 гр. вода 50 гр. маст 6 јајца 1 кгр. и 200 гр. шеќер 1 литар вода малку сок од лимон масло

Упатства:
Од 1 литар вода и 1 кгр. и 200 гр. шеќер сварете го најпрво шербетот и тоа да биде поryст и ставете во него сок од лимон. Ставете ја водата на оган со маста да зоврие и постепено додавајте го брашното. Откако ќе зоврие убаво, тргнете го од оган и оставете го малку да се излади. Потоа додавајте ги едно по едно сите јајца и месете додека не добиете мазно тесто. Ставете на оган маслото да се загрее и низ шприц за тулумби спуштајте ги тулумбите во маслото да се испржат. Готовите тулумби вадете ги со решеткаста лажица и веднаш ставајте ги во шербетот. Провалкајте ги од сите страни во шербетот и редете ги во поголема чинија.

Време потребно за подготовка: 40 минути

<< Сокриј го рецептот

Турски капи со кокос  Прикажи го рецептот >>

Турски капи со кокос  >

Сосотојки:
35-38 супени лажици брашно 2 јајца 2 мали шолји за кафе - масло 4 мали шолји за кафе – топло млеко 1 кесичка сув квасец 2 супени лажици шеќер 2-3 лажици какао за темниот дел од тестото 2-3 лажици кокос во светлиот дел од тестото – но може и без него 700 г шеќер 1 литар вода

Упатства:
1.Пенесто измиксајте ги јајцата па постепено додавајте масло, млеко, потоа квасец и лажица по лажица од брашното. 2.Потоа тестото поделете го два еднакви дела, во едниот додадете какао а во другиот кокос, па оставете 45 минути да се дигне. 3.Премесете го тестото на работна површина и од секој дел одвојте по 24 топчиња, може и помали, зависно колку капи (турбани) сакате. 4.Развлечете едно светло и едно кафеаво топче во суканици, исплете ги во круг, а крајот завлечете го оздола, за да не се одвојува при печењето. 5.Печете на 200 степени во претходно загреана рерна околу половина час, малку да потемнат. 6.Сварете шербет од 700 г шеќер и 1 литар вода, колку да се растопи шеќерот. Со млакиот шербет потурајте ги турските капи. Ова правете го постепено и полека за да можат убаво да се натопат. Повремено превртувајте ги за да бидат сочни. 7.Во првите половина час тоа правете го на секои 10 минути, не треба повеќе.

Време потребно за подготовка: 120 минути

<< Сокриј го рецептот

Тути фрути мафини Прикажи го рецептот >>

Тути фрути мафини >

Сосотојки:
- 150 гр. суво овошје - 300 гр. брашно - 100 гр. шеќер - 1 кесичка прашок за печиво - малку сол - 1 јајце - 250 мл. млеко - 125 гр. маргарин - сок од половина лимон - шеќер во прав

Упатства:
Во сад измешајте го брашното, шеќерот, прашокот за печиво и малку сол. Во омекнатиот маргарин додајте јајце и млеко, па со миксер изматете ги пенесто. Додадете ги сувите сстојки и сувото овошје кое претходно сте го исечкале. Смесата ставете ја во калап за мафини, во хартиени корпички. Готовите мафини наросете ги со шеќер во прав.

Време потребно за подготовка: 50 минути

<< Сокриј го рецептот

Урбан колач од само 4 состојки Прикажи го рецептот >>

Урбан колач од само 4 состојки >

Сосотојки:
100 гр. бисквити 100-120 гр. еурокрем 120 гр. путер 150 гр. бело чоколадо

Упатства:
За подлогата еурокремот истопете го на пареа со путерот и измешајте го со бисквитите. Постепено додавајте од бисквитите дури не добиете густа смеса(по потреба додадете уште малку бисквити). Натапкајте ја подлогата во мало плехче со хартија за печење. Одозгора прелијте го со бела чоколада исто така растопена на пареа. За поинтересен изглед јас одозгора го ишарав со црно чоколадо и со чачкалица направив разни шари дури не беше зацврстено белото чоколадо. Оставете сосем малку во фрижидер колку да се зацврсти чоколадото и може да го исечете и послужите колачот. Follow martinascooking on Instagram

Време потребно за подготовка: 10 минути

<< Сокриј го рецептот

Фереро бомбици Прикажи го рецептот >>

Фереро бомбици >

Сосотојки:
400 гр наполитанки 200 гр еурокрем 2 темни чоколади малку мелени кикирики

Упатства:
Наполитанките ситно ги дробите со рака. Еурокремот и чоколадото ги топите заедно на пареа. Наполитанките се додаваат во смесата со еурокрем и чоколадо, по што се ставаат и кикириките. Ја месите смесата во топчиња, и потоа ги оставате да се стегнат во фрижидер.

Време потребно за подготовка: 15 минути

<< Сокриј го рецептот

Француски слатки гевречиња Прикажи го рецептот >>

Француски слатки гевречиња >

Сосотојки:
2 јајца 6 лажици млеко 6 лажици масло или растопен путер/маст 6 лажици шеќер 1 прашок за печиво 350 г брашно +/-

Упатства:
Од наведените состојки се замесува тесто од кое се расукува кора. Со чаша се вадат тркалца, а со помала чашка се прават дупчиња во нив.

Време потребно за подготовка: 60 минути

<< Сокриј го рецептот

Фрапе торта Прикажи го рецептот >>

Фрапе торта >

Сосотојки:
• 75 гр марципан • 150 гр путер • 125 гр шеќер • 1 кесичка ванилин шеќер • 3 јајца • 125 гр брашно • малку прашок за пециво за фил • 1,5 ќесичка желатин • 300 гр капини • 100 мл сок од рибизла • 2 големи лажици сок од лимон • 75 гр шеќер • 1 ќесичка ванилин шеќер • 500 гр несолено сирење во грутки • 400 мл слатка павлака за декорација • ќесичка шлаг • рибизла

Упатства:
Изматете го марципанот со миксер, се додека не добиете мазна смеса. Постепено додавајте шеќер и ванилин шеќер и постојано матете. Потоа, додадете го путерот и јајцата, едно по едно, без да престанете со матење. На крај се додаваат брашно и прашок за пециво. Тестото се пече 25 минути на 180°С. Откако ќе се излади, поделете го на една подебела и една потенка кора. Желатинот подгответе го според упатството на ќесичката. Во сад, изгмечете ги капините и додадете ги сокот од рибизли и лимон, шеќерот и ванилиниот шеќер. Во оваа смеса додадете го и подготвениот желатин, па потоа сирењето и изматената слатка павлака. Тенката кора намачкајте ја со фил, преку неа ставете ја дебелата кора и потоа исфилувајте ја и неа. Декорирајте со шлаг и рибизла.

Време потребно за подготовка: 80 минути

<< Сокриј го рецептот

Фритула Прикажи го рецептот >>

Фритула >

Сосотојки:
400 г брашно 200 мл млеко 1 јогурт 2 жолчки од јајце 1 лажица рум 2 лажици шеќер Рендана кора од портокал ? мала лажица сол квасец

Упатства:
Измешајте го квасецот со малку брашно, шеќер и топло млеко. Во посебен сад ставете брашно, па додадете шеќер, јогурт, рендана кора од портокал, рум, сол, жолчки и квасец (што го подготвивте претходно). Истурете топло млеко и мешајте со миксер, додека не се појават меурчиња. Оставете ја смесата на топло околу еден час. Потоа, со лажица вадете го тестото и пржете на загреано масло, додека не примат жолто-златна боја. По желба, додадете суво грозје или рендано јаболко во смесата. Добар апетит!

Време потребно за подготовка: 40 минути

<< Сокриј го рецептот

Целувки Прикажи го рецептот >>

Целувки >

Сосотојки:
2 белки 150 гр. шеќер 1 лажица сок од лимон

Упатства:
Во чист сад за матење ставете ги белките. Започнете со матење и додајте го сокот од лимон. Во текот на матењето постепено додавајте го шеќерот. Матете со миксерот додека добиете цврст шлаг. Тавата обложете ја со хартија за печење. Со помош на готварски шприц формирајте целувки со форма по желба. Можете да ги направите кружни или правоаголни, изборот го оставаме на вас. Целувките ставете ги да се печат во рерна на ниска температура од 130 степени за време од еден час. Печените целувки извадете ги од рерната и оставете ги да се изладат.Потоа послужете ги со омиленото кафе. На здравје!

Време потребно за подготовка: 0 минути

<< Сокриј го рецептот

Цимет - ролнички со јаболка Прикажи го рецептот >>

Цимет - ролнички со јаболка >

Сосотојки:
500 гр меко брашно 25 гр свеж квасец 250 мл топло млеко 3 лажици шеќер 1 јајце За премачкување и за посипување 100 гр путер 150 гр шеќер 2 рамни лажици цимет 3 јаболка За прелив 100 гр шеќер во прав 2 лажици млеко 2 лажици путер 2 пакетчиња ванилин

Упатства:
1. Сите состојките за тесто ги промешуваме и месиме тесто и чекаме да стаса околу 30 минути. 2. Нараснатото тесто се сука со сукало во правоаголник со дебелина на 5 мм-1 см и се премачкува со 100 г стопен путер исе посипува со мешавина од цимет и шеќер. 3. Јаболката се лупат и се рендаат, па добро се цедат и се распоредуваат преку шеќерот и циметот . Тестото внимателно се витка во ролат, па се сече на парчиња дебели 2-3 см. 4. Соодветна тепсија се премачкува со преостанатиот путер и во неа се редат ролничките и се остава да нараснат околу 20 минути. Потоа се премачкуваат со путер и се печат во рерна загреана на 180 степени додека се зарумени. 5. Прелив. Путерот се растопува, па се соединува со шеќерот, ванилинот и млекото. 6. На топлите ролнички се нанесува приготвениот прелив.

Време потребно за подготовка: 90 минути

<< Сокриј го рецептот

Црна шума Прикажи го рецептот >>

Црна шума >

Сосотојки:
- 100 гр путер - 100 гр шеќер - ? лажичка цимет - ? слатка павлака - 4 јајца - 60 гр брашно - 40 гр пченкарно брашно - 2 лажици сув квасец - 25 гр какао во прав - 75 гр чоколада со вкус на кафе (рендана) - 75 гр мелени лупени бадеми - Маргарин - 1 кесичка ванилин шеќер - 7 лажици ликер од црешна - 400 гр црешни или вишни без семки

Упатства:
Се мешаат путерот, шеќерот, циметот, јајцата, брашното, пченкарното брашно и квасецот. Полека се додава какаото, чоколадата и бадемите. Тестото се става во плех намачкан со путер и со малку брашно и се пече во рерна на 175 – 200 степени од 30 до 40 минути. Откако ќе се испече тестото се лади, се вади од лехот и се сече на три хоризонтални делови. Се мати слатката павлака со ванилин шеќер. Од ликерот од вишна две лажички се капат врз тестотои се ставаат половина од црешните и малку слатка павлака. Од горе се ства второто парче и истата операција се повторува. Се покрива со последното парче и се додава ликерот врз тестото. Се премачкива со остатокот од слатката павлака и се декорира со ренданото чоколадо и со црешни. Препорака: При сервирање може да се попрска тањирот со сецкани бадеми или пак со тенки линии на чоколаден прелив.

Време потребно за подготовка: 90 минути

<< Сокриј го рецептот