Чоколадна обланда >
Сосотојки:
1 паковање обланди
1 ванилин шеќер
250 гр. маргарин
100 гр. млечно чоколадо
100 гр. ореви
100 гр. лешници
500 гр. бисквити
700 гр. шеќер
500 мл. вода
Упатства:
Се вари шербет од шеќер, ванилин шеќер и вода. Кога ќе почне да врие се ставаат маргаринот и чоколадото да се растопат. Кога се веќе целосно растопени, се трга од оган и се додаваат мелените бисквити, ореви и лешници. Се редат обландите.
Време потребно за подготовка: 40 минути
<< Сокриј го рецептот
Чоколадна торта >
Сосотојки:
100 грама чоколадо
100 грама шеќер
100 мл млеко
100 грама какао
еден маргарин
400 грама шеќер во прав
10 јајца
5 лажици брашно
1 пециво
3 лажици мелени ореви
Упатства:
Фил:100 грама чоколадо, 100 грама шеќер, 100 мл млеко , 100 грама какао.Се топи на тивок оган. Од кога ке се стопи од ова во едно филџанче се трга настрана 3 лажици.
Се мати еден маргарин со 200 грама шеќер во прав во него се додаваат 10 жолчки.Се соединува со растопената чоколадна смеса.
ТЕСТО:
10 белки се матат со 200 грама шеќер.Од кога се изматени добро се додава 5 лажици брашно, 1 пециво, 3 лажици мелени ореви и 3-те лажици од филот.
Време потребно за подготовка: 90 минути
<< Сокриј го рецептот
Чоколадна торта >
Сосотојки:
3 х 6 јајца
3 х 6 лажици шеќер
3 х 4 лажици брашно
3 х 6 лажици мелени ореви
1 Фил
1/2 кгр. шеќер, 1 л. млеко, 200 гр. чоколадо
2 Фил
250 гр. маргарин, 200 гр. шеќер во прав и 3 јајца
3 фил
250 гр. мелени ореви и 1 чаша млеко
Упатства:
Изматете 3 х 6 јајца, додадете 3 х 6 лажици шеќер, 3 х 4 лажици брашно и 3 х 6 лажици мелени ореви. Секоја кора поделете ја на два дела, така што ќе добиете 6 кори.
1 фил - Ставете на оган 1/2 шеќер и 1 литар млеко да се вари шербет. Кога ќе почне да се згуснува додадете 200 гр. чоколадо и оставете на тивок оган филот убаво да се згусне. Премачкајте ги 6-те кори и оставете ги да се стегне чоколадото на нив.
2 фил - Измиксирајте 250 гр. маргтарин со 200 гр. шеќер во прав и додадете 3 јајца.
3 фил - 250 гр. мелени ореви прелијте ги со една шоља за кафе врело млеко.
Измешајте ги двата фила и филувајте ги корите кои се премачкани со чоколадо.
Глазура - 200 гр. чоколадо и 4 лажици масло
Време потребно за подготовка: 120 минути
<< Сокриј го рецептот
Чоколадна торта со суво овошје >
Сосотојки:
• 200 гр мелени бисквити
• 100 гр путер на собна температура
• 10 мелени или ситно сецкани урми
• 30 мл овошен сок
Чоколаден фил:
• 100 гр бело чоколадо
• 100 гр млечно чоколадо
• 1 лажица масло за јадење
Овошен фил:
• по една рака ситно сецкани урми, суви смокви, суви кајсии, сливи, грозје, брусница, вишни (може било кое суво овошје по желба)
• 2 раце замрзната малина или вишна
• 1 желатин
• 3 лажици вода
Чоколаден прелив:
• 100 гр црно чоколадо
• 100 гр млечно чоколадо
• 1 лажица масло за јадење
Упатства:
Мелените бисквити, урмите, путерот и сокот ги мешаме заедно додека да добиеме хомогена смеса. На калапот за торта ставаме малку путер и ја втиснуваме рамномерно со рацете смесата со бисквити. Ставаме во фрижидер да се стегне.
Во меѓувреме на пареа заедно го растопуваме белото чоколадо со млечното и 1 лажица масло за јадење.
Го нанесуваме чоколадото врз бисквитната кора и враќаме назад во фрижидер да се стегне.
Во длабок сад на оган ги ставаме замрзнатите малини и ситно сецканото суво овошје заедно со водата.
Претходно желатинот се раствара според упатството на ќесичката. Откако ќе изврие малку смесата, се додава желатинот и се остава уште 2-3 минути на оган. Потоа се трга на страна малку да се олади и се прелива врз чоколадото. Повторно оди во фрижидер. На крај се растопува на пареа посебно црното чоколадо и посебно млечното. Врз овошниот фил прво го нанесуваме црното, па веднаш млечното, и со вилушка поминуваме врз преливот и правиме шари мешајќи ги чоколадите.
Јас додадов малини за да ја избалансираат блажината на сувите овошја поради што воопшто и не се додава шеќер во оваа торта.
Follow my_little_kitchen_stories on Instagram
Време потребно за подготовка: 80 минути
<< Сокриј го рецептот
Чоколадни барови со овес и путер од кикирики >
Сосотојки:
• 3 чаши (од по 250мл) овесни снегулки
• 100 гр путер
• ? чаша кафеав шеќер
• 1 чаша путер од кикирики
• 1 чаша стопено црно чоколадо (околу 150 гр)
Упатства:
Најпрво во плех ставете хартија за печење или проѕирна фолија. На тивок оган растопете го путерот со шеќерот и додадете ги овесните снегулки. Мешајте до добивање на хомогена смеса. Добиената смеса натапкајте ја во тавчето да биде со висина околу 1,5цм. Оставете малку од смесата на страна за горниот дел од баровите. Ставете во фрижидер да се стегне.
Во меѓувреме на пареа растопете го путерот од кикирики со чоколадото. Оваа смеса истурете ја врз смесата од овесни снегулки и над неа додадете го остатокот од нив. Треба да отстои барем 1 час во фрижидер и потоа се сече на коцки или лентички делумно одмрзнато.
Follow my_little_kitchen_stories on Instagram
Време потребно за подготовка: 60 минути
<< Сокриј го рецептот
Чоколадни гербери >
Сосотојки:
500 г брашно
1 квасец
1 лажичка сол
100 мл масло
Млеко
Фил:
100 г чоколадо за готвење (Менаж)
За премачкување:
1 јајце
Упатства:
Растопете го квасецот со малку млако млеко. Во подлабок сад измечајте: брашно, сол, масло, растопениот квасец и сето замесете го со млако млеко за да добиете средно тврдо тесто.
Покријте го со крпа и оставете на топло за да може тестото да надојде. Удвоеното тесто премесете го на работна површина и поделете го на два дела.
Со помош на оклагија растегнете кора и со помош на чаша или тркалезна подла, вадете кругови. Секој круг премачкајте го со малку растопено чоколадо. Потоа преклопете, а краевите спојте ги кон внатре, за да се добијат латици.
Постапката се повторува и со останатите кругови, па се редат во плех обложен со хартија за печење, во круг по пет латици за да се добие форма на цвет.
Еден исечен и ненамачкан круг се завиткува во ролат, се засекува по средина, па делот кој е засечен се става во средината на формираниот свет.
Се мати едно јајце и се премачкува секој гербер. Рерната се загрева на 250° и се пече додека да зарумени.
Време потребно за подготовка: 70 минути
<< Сокриј го рецептот
Чоколадни корпички со кајсии >
Сосотојки:
4 супени лажици бело брашно
4 супени лажици шеќер
2 супени лажици какао
2 јајца
50 гр чоколадо за готвење (исечкано на помали парчиња)
20 гр путер
120 мл јогурт
1 ванилин шеќер
3 свежи кајсии
6 супени лажици мед
Упатства:
1.Во подлабок сад измешајте го брашното, какаото и шеќерот.
2.Во друг сад изматете ги јајцата со ванилиниот шеќер и путерот, а потоа додадете го јогуртот и мешајте со дрвена лажица или со маталка за јајца додека смесата не се изедначи.
3.Истурете ја смесата со јајца во садот со брашно, какао и шеќер, а потоа мешајте додека не добиете хомогена смеса. На крајот додадете ги парчињата чоколадо и повторно промешајте.
4.Со путер или маргарин убаво намастете 6 модли за мафини.
5.Поделете ја смесата во модлите (наполнете ги скоро до врв, така да остане уште околу 5 мм од ивицата), а потоа во секоја модла врз смесата ставете по половинка кајсија (со средината свртена нагоре).
6.Печете ги околу 25 минути на 200 степени во загреана рерна.
7.Кога малку ќе се подоладат, а додека се сеуште топли колачињата, со нож нежно поминете околу страните на модлата (нема потреба од ова ако печете во силиконски модли) и внимателно извадете ги корпичките.
8.Врз секоја корпичка истурете по една супена лажица мед (полна) и послужете ги топли или на собна температура.
Време потребно за подготовка: 50 минути
<< Сокриј го рецептот
Чоколадни коцки >
Сосотојки:
100 грама оризови снегулки
200 грама чоколадо ( било какво може и за готвење)
100 мл млеко
сечкани ореви или лешници
малку путер
Упатства:
Во топло млеко го ставаме чоколадото да се стопи , мешаме па ги тураме останатите состојки и мешаме додека не се добие
густа и хомогена смеса.Смесата ја тураме во помал правоаголен сад ја виткаме , превиткуваме со фолија и оставаме неколку часа во фрижидер да се стегне.Се сече по желба.
Време потребно за подготовка: 30 минути
<< Сокриј го рецептот
Чоколадни мафини со малини >
Сосотојки:
1/3 чаша какао во прав
1/3 чаша врела вода
3 големи јајца
1 и3/4 чаши масло на собна температура
3/4 чаша шеќер
1 чаша брашно
2 лажички прашок за пециво
3 чаши шеќер во прав
1 лажичка екстракт од ванила
2 лажици свежо млеко
3/4 чаша џем од малини
12 свежи малини за декорација
Упатства:
Загрејте ја рерната на 180 степени. Намачкајте 12 калапи за мафини со малку маргарин. Покријте со хартија или корпи за печење.
Во голем сад просејте го какаото. Додадете врела вода и мешајте додека не се изедначи. Откако малку ќе се излади, додадете ги јајцата,3/4 шолја путер, шеќерот, брашното, прашокот за пециво. Изматете сe со миксер.
Смесата поделете ја во 12 калапи за мафини. Внимавајте да не ги преполните калапите, бидејќи тестото ќе нарасне. Печете околу 25 минути.
Извадете ги мафините од рерна и оставете ги да се изладат 10 минути пред да ги ставите да се изладат на решетка.
За глазурата:
Во сад изматете 1 чаша путер со екстракт од ванила. Треба да се добие мазна кремаста смеса. Додадете 1/3 од дадениот шеќер во прав и околу половина од млекото. Повторете го ова уште неколку пати додека не ја додадете целата количина шеќер во прав и млеко. Матете додека не се изедначи. Додадете го џемот од малини и повторно изматете за последен пат.
Откако ќе се уверите дека мафините се целосно ладни, наполнете ја смесата за глазура во кеса и украсете ги кексите. На крајот, на секоја мафина ставете по една свежа малина.
Време потребно за подготовка: 70 минути
<< Сокриј го рецептот
Чоколадни топчиња >
Сосотојки:
50гр. путер
150 гр. чоколадо
150 гр. мелени бисквити
100 гр. ореви
чоколадни трошки
Упатства:
Путерот се растопува на оган.Се става чоколадото и се меша додека не се растопи и тоа.Се трга од оган и се додаваат мелените бисквити и оревите.Се тоа се меша за да се добие хомогена смеса.Се прават мали топчиња и се валкаат во чоколадните трошки.Од овие мерки се добиваат околу 15 чоколадни топчиња.
Време потребно за подготовка: 30 минути
<< Сокриј го рецептот
Чоколадни топчиња со лешници >
Сосотојки:
вафли кори - 100 г
лешници - 150 г
течно чоколадо - 200 гр
млечно чоколадо - 250 гр
Упатства:
Рерната се загрева на 180 степени и во неа се ставаат лешниците околу 10 минути. Со памучна крпа се лупат и се сечат на ситно.
Корите од вафли се кршат на крупни трошки и се мешаат со лешниците. Се додава течното чоколадо и се прават топчиња, а за секое топче се користи по една лажичка од смесата.
Ако смесата е премногу мека и ретка, се остава половина час во фрижидер. Готовите топчиња се оставаат 45 минути во фрижидер.
Млечното чоколадо се растопува на пареа. Секое топче се потопува во него.
Пријатно!
Време потребно за подготовка: 40 минути
<< Сокриј го рецептот
Чоколадно задоволство >
Сосотојки:
200 гр. чоколадо за готвење
2 лажици густин
300 мл. Млеко
150 гр. маргарин
200 гр. чоколадно млеко
300 гр. пишкоти
50 гр. чоколадо
1 лажица масло
Упатства:
Разматете го густинот со малку млеко, а остатокот од млекото сварете го. Додадете го разматениот густин и варете додека смесата не се згусне. Во топлиот фил ставете чоколадо, мешајте додека не се растопи и оставете да се излади. Пенесто изматете маргарин и соединете го со чоколадниот фил. Пишкотите натопувајте ги во чоколадно млеко и ставајте ги во калап. Премачкајте ги со половина од филот, наредете уште еден ред пишкоти, па премачкајте ги со втората половина од филот. Украсете ја тортата со чоколадна глазура и служете ја ладна.
Време потребно за подготовка: 40 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
