Колач „Ледени јаболка“ >
Сосотојки:
1 кг јаболка
600 мл вода
150 гр шеќер
2 пудинга ванила
Пола лажичка цимет
400 гр бисквити
Какао, или рендано чоколадо
шлаг
Упатства:
Јаболката се рендаат, и се ставаат во водата 5-10 минути да се варат. Пудинзите се раствораат со 12 лажици вода, па кога ќе се сварат јаболката се додаваат заедно со циметот па се заедно се вари 5-10 минути со постојано мешање.
Во еден плех се реди ред бисквити, па се става од јаболката, пак бисквити, па јаболка и се завршува со бисквити.
Се остава да се излади, па се премачкува со шлаг и се декорира со рендано чоколадо.
Време потребно за подготовка: 40 минути
<< Сокриј го рецептот
Колач без месење >
Сосотојки:
5 јајца
250 гр путер
250 гр шеќер
250 гр урда
1 лажичка ванилин шеќер
екстракт од лимон
375 гр брашно
125 гр пченкарно брашно
2 лажички прашок за пециво
200 гр кора од лимон и портокал
100 гр суви црни рибизли
100 гр суво грозје
125 гр бланширани бадеми
125 гр цели лешници
125 гр ореви, крупно сецкани
1 лажица ракија
Масло за маснотии
За преливот:
1-2 лажици шеќер во прав
1 белка
? лажичка масло
Упатства:
Изматете ги јајцата и путерот заедно со шеќерот додека не се соединат. Додадете ја урдата, ванилата и есенцијата од лимон. Просејте го брашното заедно со пченкарното брашно и прашокот за пециво. Додадете лушпи од цитрус, црни рибизли, суво грозје, јаткасти плодови. Зачинете со ракија. На крај додадете ја смесата со јајцата и путерот. Промешајте.
Загрејте ја рерната на 180 степени. Издолжен сад за печење намачкајте со путер. Ставете го тестото во средината, израмнувајќи го малку со рацете одозгора. Печете на долната полица од рерната околу 2 часа. Откако колачот е готов, оставете го да се излади во калапот и дури потоа извадете го.
Време потребно за подготовка: 180 минути
<< Сокриј го рецептот
Колач Ромео и Јулија >
Сосотојки:
6 јајца
24 лажици шеќер
1 лажица киселина
1 литар млеко
2 пудинзи од ванила
375 гр. маргарин
200 гр. шеќер во прав
2 дл. густ сок од јагода
400 гр. шеќер
500 гр. јаготки
3 пудинзи од јагода
2 дл. слатка павлака
шлаг
Упатства:
Тесто
6 белки, 24 лажици шеќер измататете ги пенасто, на крај додадете 1 лажица киселина и тестото сушете го половина час на 150 степени и два часа на 100 степени. Оставете го тестото да се излади.
Фил 1: 1 литар млеко, 6 жолчки, 2 пудинзи од ванила сварете ги и оставете ги да се изладат. Во изладениот фил додадете пенасто изматен маргарин 375 гр со 200 гр. шеќер во прав.
Фил 2: сварете како шербет 2 дл. густ сок од јагода и 400 гр. шеќер. Додадете 500 гр. јагоди. Во смесата ставете три пудинзи од јагода. Кога филот ќе се излади додадете 2 дл. слатка павлака.
Време потребно за подготовка: 120 минути
<< Сокриј го рецептот
Колач со jаболка >
Сосотојки:
За тесто:
1 јајце
1/2 чаша масло
1 чаша млеко
1,5 чаша шеќер
2 чаши рендани јаболка
1-2 чаши мелени ореви
1 чаша гриз
1 прашок за печење
За прелив:
100 гр. чоколада
4 лажици шеќер
1/2 чаша млеко
1 лажица путер
Упатства:
Изматете го јајцето со маслото, па матете уште малку. Додајте ги потоа ренданите јаболка, мелените ореви, гризот и прашакот за печење. Се добро помешајте и ставете во подмачкан и со брашно наросен плех, па печете го на умерена температура околу половина час. За тоа време сварете го млекото со шеќерот, додајте го стопеното чоколада и путерот, па со жежок прелив, прелејте го топлиот колач и оставете го да се лади.
Време потребно за подготовка: 50 минути
<< Сокриј го рецептот
Колач со афион >
Сосотојки:
4 чаши брашно
2 чаши млеко
2 чаши шеќер
2 чаши масло за јадење
100 г афион во зрно
1 кесичка Ванила
1 кесичка пециво
Упатства:
Постапка: сето добро да се измеша со лажица, се истура во подмачкан и побрашнет правоаголен сад и се пече во загреана рерна на 200 степени, 30-40 мин.Оладениот колач се декорира со чоколаден прелив или шеќер во прав.
Време потребно за подготовка: 40 минути
<< Сокриј го рецептот
Колач со вишни >
Сосотојки:
5 јајца
15 лажици шеќер
15 лажици зејтин
15 лажици млеко
20 лажици брашно
1 пециво
Упатства:
Јајцата и шеќерот се матат убаво со миксер.Кога ќе се добие пенеста смеса се додаваат останатите состојки и сето тоа уште малку се мати. Смесата се става во тава бр.30, а вишните претходно исчистени од семки се разредуваат низ смесата.Се пече во претходно загреана рерна на 200 степени.Кога е готов колачот се посипува со шеќер во прав и чоколаден прелив.Се сече на коцки и спремен е за послужување.
Време потребно за подготовка: 60 минути
<< Сокриј го рецептот
Колач со вишни >
Сосотојки:
1/4 кг. брашно
150 гр. путер
150 гр. шеќер
4 јајца
5 лажици млеко
50 гр. мелени ореви
прашок за пециво
1/2 кг. црешни или вишни
Упатства:
Изматете ги пенасто путерот, шеќерот и жолчките, па постепено додавајте го брашното ( помешано со прашок за пециво), млекото, мелените ореви и снегот од белки.
Подмачкате ја тепесијата, па посејте брашно и потоа додадете ја смесата врз која се редат вишните исчистени од семки.
Печете во топла рерна околу 40 минути.
Време потребно за подготовка: 60 минути
<< Сокриј го рецептот
Колач со вишни/цреши >
Сосотојки:
5 јајца
300 гр. шеќер
300 гр. брашно
200 мл. масло
200 мл. јогурт
1 пак. прашак за печиво
вишни/цреши обарени во 200 мл. вода, 100 гр. шеќер и 1 пак. ванилин шеќер
шеќер во прв за посипување
Упатства:
Се одделуваат белките од жолчките. Се матат со миксер жолчките и шеќерот, додека смесата не стане густа и не обели. Се додаваат јогуртот, маслото и брашното и сето заедно се миксира. На крај се додава прашокот за печиво.
Белките се матат во посебен сад. Кога ќе се направи снег од белки, смесата се истура во садот со жолчките. Се меша со жица за матење. Смесата треба да остане пенаста.
Се подготвува тркалезна тава бр. 30. Се мачка со масло и се посипува со брашно. Во тавата се истура смесата за колач. Над смесата се ставаат обарените цреши/вишни една по една на растојание.
Се печи во загреана рерла на 250 степени. По 15 минути се намалува температурата на 200 степени.
Печениот колач се сече на парчиња и се посипува во шеќер во прав.
Време потребно за подготовка: 90 минути
<< Сокриј го рецептот
Колач со грозје >
Сосотојки:
(за тесто)
250 гр.брашно, 75 гр.шеќер, 150 гр.путер, жолчка, малку сол.
(за фил)
750 гр.бело грозје, 200 гр.несолено сирење, 75 гр.шеќер, 3 јајца, 1 кесичка ванилин шеќер, 150 гр.слатка павлака, стругана лимонова кора, 1/ 2 кеса пудинг-ванила, 2 лажици џем од кајсии.
Упатства:
Замесете брашно, жолчка, шеќер, сол на врв на нож и путер и направете тесто во облик на топка. Завиткајте го во фолија и оставете го во фрижидер 1,5 час. Две третини од тестото ставете го на дно од подмачкана округла тава (со пречник од 30 см). Од преостанатата 1 / 3 направете „колбас“ и обложете ги ѕидовите на тавата, на висина од 4 см.
Изматете го несоленото сирење, шеќерот, јајцата и лимоновата кора, потоа додадете слатка павлака измешана со прашакот за пудинг и ванилин шеќер, и измиени зрна од белото грозје, па сето тоа истурете го преку тестото во калапот.
Во рерна, на 200Ц, печете го 45-50 минути. Врелата површина на колачот премачкајте ја со тенок слој од џемот (малку растопен и измешан со 1 лажица вода) и сето тоа вратете го на печење уште 2 минути.
Извадете го колачот, посипете го со прав-шеќер и оставете го да се олади.
Време потребно за подготовка: 80 минути
<< Сокриј го рецептот
Колач со малини >
Сосотојки:
150 гр путер
125 гр шеќер во прав
200 гр брашно
1 кесичка прашок за пециво
3 јајца
3-4 лажици мелени ореви
100 гр чоколадо за готвење (исечкано на мали коцки)
150-200 гр малини
Упатства:
Во подлабок сад со миксер се мати путерот со шеќерот во прав.
Потоа со матење во садот се додаваат јајцата едно по едно заедно со дел од брашното и прашокот за пециво.
2.Се додаваат мелените ореви, исечканото чоколадо и се замешува во густата смеса.
3.Смесата со лажица се става во подмачкано куглоф плехче (околу 25 см во пречник).
4.Одозгора се боцкаат малините
5.Се пече на 180 степени околу 35-40 минути.
Време потребно за подготовка: 70 минути
<< Сокриј го рецептот
Колач со наполитанки >
Сосотојки:
Состојки за тесто:
6 белки
6 лажици шеќер
6 лажици мелени ореви
3 лажици брашно
половина кесичка прашок за пециво
Состојки за фил:
1 л. млеко
3 пудинзи од ванила
3 лажици густин
6 жолчки
200 гр. шеќер
200 гр. маргарин
100 гр. Милка чоколадо
150 мелени наполитанки
Упатства:
Изматете снег од белките, додадете шеќер, а потоа пополека со лажица додадете го брашното, прашокот за печиво и оревите. Испечете го тестото во плех.
Сварете го пудингот и густинот во млекото и додадете жолчки. Кога ќе се излади додадете го маргаринот. Поделете го кремот на 2 дела. Во едниот дел додадете го растопеното чоколадо, а во другиот дел додадете ги наполитанките. На тестото намачкајте го прво кремот од наполитанки, а над него кремот од чоколадо. На крај украсете го колачот со шлаг.
Време потребно за подготовка: 100 минути
<< Сокриј го рецептот
Колачи за Денот на вештерките (Halloween) >
Сосотојки:
- 2/3 чаша брашно
- 1/4 чаша кафеав шеќер
- 2 лажици какао во прав
- 60 гр. путер
- 1 жолчка од јајце
- 375 гр. млечно чоколадo
- 12 мини корнети за сладолед
- 2 паковања бонбони M&M
Упатства:
Измешајте ги брашното, шеќерот, какаото и путерот додека не добиете смеса. Додадете ја жолчката. Додадете две лажички вода ако е потребно. На лесно набрашнета површина исукајте го тестото. Покријте го со проѕирна фолија и оставете го во фрижидер 30 минути.
Загрејте ја рерната на 180 степени. Извадете го тестото од фрижидер и исечете од него 12 кругови со дијаметар еднаков на отворот од корнетите. Повторно ставете ги исечените кругови 10 минути во фрижидер.
Печете ги во рерна 10-12 минути додека не добијат светло златна боја. Ставете ги на решетка и почекајте целосно да се изладат.
Растопете го млечното чоколадо. Чоколадирајте еден по еден корнет во чоколадото и ставајте ги над круговите бисквити. Украсете со М&М бонбони и ставете ги во фрижидер за да се стврдне чоколадото. Секоја шапка украсете ја со панделка.
Време потребно за подготовка: 70 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
