Васина торта >
Сосотојки:
- 9 јајца
- 13 лажици шеќер
- 1 лажица брашно
- 6 полни лажици мелени бадеми (или ореви)
- 125 мл. млеко
- 200 г. мелени ореви
- 1 портокал
- 100 г. темна чоколада
- 250 г. путер
- 250 г. шеќер
Упатства:
Се матат 5 белки и им се додаваат 5 полни лажици шеќер. Потоа се додаваат една по една 5 жолчки. Се продолжува со матењето и на крај им се додава 1 лажица брашно и 6 полни лажици мелени бадеми или ореви. Тестото се пече на намастена хартија во тавче (број 28).
125 мл. млеко со 4 лажици (шеќер) се става на оган да зоврие. Потоа му се додаваат 200 г. мелени ореви. Се меша добро, се трга од оган и се остава да се излади. Посебно се матат 4 жолчки со 4 лажици шеќер. На оладените ореви се додаваат матените жолчки, рендана кора и сок од еден портокал и 100 г. растопена темна чоколада. Посебно се мати 250 грама путер и кога е готово се меша со оревите и јајцата. Со оваа смеса се премачкува тортата.
Од белките се прави густ снег и во него се додава тогаш сварен густ шербет од 250 грана шеќер со 2 чаши вода. Со снегот се премачкува тортата од сите страни да стане комплетно бела. Од горе се украсува со шприц.
Кога е тортата готова, потребно е да постои неколку саати во фрижидер.
Време потребно за подготовка: 90 минути
<< Сокриј го рецептот
Ескимо торта >
Сосотојки:
500 гр бисквити
1 маргарин
4 јајца
250 гр шеќер во прав
250 чоколада
250 мл млеко
200 гр сецкани ореви
5 лажици рум
2 кесички шлаг
Упатства:
На пареа изматете ги јајцата со шеќерот во прав, па додајте ја исецканата чоколада и варете додека не чоколадата не се растопи. Посебно изматете го маргаринот и додајте го во изладениот крем. Издробените бисквити прелијте ги со вреелото млеко, во кое го ставивте румот. Во таа смеса ставете го изладениот крем и сецканите ореви. Обликувајте ја тортата и премачкајте ја со шлаг.
Време потребно за подготовка: 40 минути
<< Сокриј го рецептот
Профитероли со сладолед >
Сосотојки:
340 г брашно
250 г путер
550 мл вода
12 јајца (за тестото)
1/4 лажичка сол
1/4 лажичка шеќер
1 јајце (жолчка за премачкување)
чоколаден прелив
ванила сладолед
Упатства:
1.Во сад за готвење ставете го путерот заедно со шеќерот, солта и водата. Оставете го да зоврие. Тргнете го садот од оган и ставете го брашното. Повторно вратете го на оган и постојано мешајте додека тестото не почне да се одлепува од 2.Тргнете го од оган. Додавајте едно по едно јајце со постојано мешање. Тестото треба да стане меко и компактно.
3.Загрејте ја рерната на 220 степени. Плехот обложете го со хартија за печење. Со готварски шприц направете кружни формички. Пред печење премачкајте ги со жолчка.
4.На 220 степени печете 15 минути. Потоа на температура од 180 степени печете уште 10 минути се додека не добијат златно-кафена боја. Пресечете ги на половина, во средина ставете топка сладолед од ванила. Прелијте со чоколаден прелив.
Време потребно за подготовка: 60 минути
<< Сокриј го рецептот
Чоколадна торта >
Сосотојки:
100 грама чоколадо
100 грама шеќер
100 мл млеко
100 грама какао
еден маргарин
400 грама шеќер во прав
10 јајца
5 лажици брашно
1 пециво
3 лажици мелени ореви
Упатства:
Фил:100 грама чоколадо, 100 грама шеќер, 100 мл млеко , 100 грама какао.Се топи на тивок оган. Од кога ке се стопи од ова во едно филџанче се трга настрана 3 лажици.
Се мати еден маргарин со 200 грама шеќер во прав во него се додаваат 10 жолчки.Се соединува со растопената чоколадна смеса.
ТЕСТО:
10 белки се матат со 200 грама шеќер.Од кога се изматени добро се додава 5 лажици брашно, 1 пециво, 3 лажици мелени ореви и 3-те лажици од филот.
Време потребно за подготовка: 90 минути
<< Сокриј го рецептот
Ангелски очи >
Сосотојки:
240гр. брашно
150гр. путер
2 жолчки
70гр. шеќер во прав
1 пакетче ванилин шеќер
прстофат сол
рендана кора од 1/2 лимон
3 лажици мармалад од црни рибизли
Упатства:
Сите состојки, освен мармаладот, ставете ги во еден подлабок сад и замесете меко тесто. Тестото е малку лепливо, па затоа завиткајте го во прозирна фолија и ставете го во фрижидер да одстои 1 час.
За тоа време, мармаладот поминете го низ ситеста цедилка. Во плех од рерна ставете хартија за печење и вклучете ја рерната на 200° да се загрева.
Од тестото правете топчиња со големина од орев и редете ги во плехот на одредено растојание. Со крајот од една дрвена лажица, кој претходно ќе го набрашните, правете вдлабнатини во топчињата тесто.
Мармаладот ставете го во една кесичка за замрзнување и отсечете го крајот од кесичката за да направите мал отвор. Полнете ги вдлабнатините на колачите со мармалад и ставете да се печат 10-12 минути во претходно загреаната рерна.
Откако ќе се изладат извалкајте ги во шеќер во прав.
Колачите треба да останата светли после печењето. Кога ќе почнат одоздола да зацрвенуваат веќе се готови. Наместо путер може да користите и маргарин.
Време потребно за подготовка: 50 минути
<< Сокриј го рецептот
Бајадера торта >
Сосотојки:
Кора
8 јајца
8 лажици шеќер
3 лажици какао
5 лажици брашно
Фил
300 гр. мелена плазма
300 мл. млако млеко
2 кесички ванилин шеќер
150 гр. лешници
250 гр. путер или маргарин
250 гр. шеќер во прав
Глазура
5 лажици шеќер
5 лажици млеко
5 лажици вода
1 лажица масло
20 гр. путер
4 лажици какао
Упатства:
Се матат белките посебно со шеќерот и во нив се додаваат претходно изматените жолчки, брашното и какаото. Се пече во загреана рерна на 180 степени.
Фил : 300 гр мелена плазма се потопува во 300 мл млако млеко во кое претходно се ставаат 2 кесички ванилин шеќер.
150 гр лешници прво малку се пропржуваат во тавче (без масло) и потоа се мелат. Се мати 250 гр. путер (или маргарин) со 250 гр. шеќер во прав и во тоа се додаваат лешниците и мелената плазма. Тортата се филува и се остава во фрижидер околу 1 час да се стегне.
Одозгора се премачкува со глазура, 5 лажици шеќер, 5 лажици млеко, 5 лажици вода, 1 лажица масло, 20 гр. путер, 4 лажици какао. Или поедноставно со 100 гр растопено чоколадо со малку млеко и масло.
Време потребно за подготовка: 90 минути
<< Сокриј го рецептот
Домашен фондан за торта >
Сосотојки:
1 пакетче желатин
50 мл вода
900 гр.шеќер во прав
Шербет
20 мл вода
100гр шеќер во прав
1 лажица глицеринско масло
2 лажици масло за јадење
Упатства:
1 пакетче желатин се раствора во 50 мл вода(во еден подлабок сад) 900 гр.шеќер во прав На оган се растопува 20мл вода,со 100гр шеќер во прав(да се направи како шербет) му се додава 1лажица глицеринско масло(го има по аптеките ) и 2 лажици обично масло за јадење
Од кога ќе се растопи шербетот го тргаме од оган и му ги додаваме глицеринското и обичното масло и на крај во оваа смеса го додаваме настрана накиснатиот желатин.Го промешуваме сето ова убаво,и го тураме во длабокиот сад со 900гр.шеќер во прав.Всушност го замесуваме шеќерот во прав со оваа смеса.
Смесата се меси убаво 15-20 минути. По потреба се посипува шеќер во прав на работната површина се додека престани да се лепи смесата.
Време потребно за подготовка: 40 минути
<< Сокриј го рецептот
Колач Ромео и Јулија >
Сосотојки:
6 јајца
24 лажици шеќер
1 лажица киселина
1 литар млеко
2 пудинзи од ванила
375 гр. маргарин
200 гр. шеќер во прав
2 дл. густ сок од јагода
400 гр. шеќер
500 гр. јаготки
3 пудинзи од јагода
2 дл. слатка павлака
шлаг
Упатства:
Тесто
6 белки, 24 лажици шеќер измататете ги пенасто, на крај додадете 1 лажица киселина и тестото сушете го половина час на 150 степени и два часа на 100 степени. Оставете го тестото да се излади.
Фил 1: 1 литар млеко, 6 жолчки, 2 пудинзи од ванила сварете ги и оставете ги да се изладат. Во изладениот фил додадете пенасто изматен маргарин 375 гр со 200 гр. шеќер во прав.
Фил 2: сварете како шербет 2 дл. густ сок од јагода и 400 гр. шеќер. Додадете 500 гр. јагоди. Во смесата ставете три пудинзи од јагода. Кога филот ќе се излади додадете 2 дл. слатка павлака.
Време потребно за подготовка: 120 минути
<< Сокриј го рецептот
Колачи за Денот на вештерките (Halloween) >
Сосотојки:
- 2/3 чаша брашно
- 1/4 чаша кафеав шеќер
- 2 лажици какао во прав
- 60 гр. путер
- 1 жолчка од јајце
- 375 гр. млечно чоколадo
- 12 мини корнети за сладолед
- 2 паковања бонбони M&M
Упатства:
Измешајте ги брашното, шеќерот, какаото и путерот додека не добиете смеса. Додадете ја жолчката. Додадете две лажички вода ако е потребно. На лесно набрашнета површина исукајте го тестото. Покријте го со проѕирна фолија и оставете го во фрижидер 30 минути.
Загрејте ја рерната на 180 степени. Извадете го тестото од фрижидер и исечете од него 12 кругови со дијаметар еднаков на отворот од корнетите. Повторно ставете ги исечените кругови 10 минути во фрижидер.
Печете ги во рерна 10-12 минути додека не добијат светло златна боја. Ставете ги на решетка и почекајте целосно да се изладат.
Растопете го млечното чоколадо. Чоколадирајте еден по еден корнет во чоколадото и ставајте ги над круговите бисквити. Украсете со М&М бонбони и ставете ги во фрижидер за да се стврдне чоколадото. Секоја шапка украсете ја со панделка.
Време потребно за подготовка: 70 минути
<< Сокриј го рецептот
Неверојатна торта со чоколадни топчиња >
Сосотојки:
200 гр. кафеав шеќер
185 мл. млеко
125 гр. путер
1 пециво
160 гр. Брашно
50 гр. Какао
3 јајца
185 гр. Путер
345 гр. Шеќер во прав
95 гр. Млеко во прав
1 лажица млеко
465 гр. чоколадни топчиња
Чоколаден премаз
300 гр. Темно чоколадо за готвење
125 мл. хопла
30 гр. Путер
Упатства:
Загрејте ја рерната на 160 степени. Намастете ја тавата за печење (со дијаметар од 20 cm) со путер. Обложете ја со хартија за печење. На пареа стопете го кафеавиот шеќер, млекото и путерот, додека не добиете хомогена смеса.
Соединете ги брашното, пецивото и какаото. Додадете го петерот и јајцата и месете додека не добиете изедначена смеса. Ставете ја смесата во тавата подготвена за печење. Откако тестото ќе се испече ставете го на решетка за да се излади целосно.
За да го направите чоколадниот премаз ставете го чоколадото (300 гр.) да се стопи на пареа, заедно со путерот. Во смесата додадете ја хоплата и мешајте со миксер. Ставете ја смесата во фрижидер да се излади.
За да го подготвите филот за тортата користете електричен миксер. Изматете го путерот во сад додека не стане кремаст. Додадете го шеќерот во прав. Додадете го млекото во прав и 1 лажица млеко. Ставете 1 лажица од преливот за тортата.
Исечете 4 хоризонтални делови од тортата. Ставете го првиот дел на послужавник. Премачкајте со 1/3 од кремот. Продолжете ја ги ставате останатите делови од тестото. Од последното парче тесто исечете по една лента за да биде малку помало од останатите. Ставете ја тортата да отстои 1 час во фрижидер за да се стегне.
Премачкајте ја со чоколадниот прелив и наредете ги чоколадните топчиња одозгора.
Време потребно за подготовка: 150 минути
<< Сокриј го рецептот
Лиснати чоколадни мачиња >
Сосотојки:
Растително масло
115 гр. Шеќер
70 гр. Темно чоколадо рендано
2 парчиња замрзнато лиснато тесто (25 х 25)
30 гр. Темно чоколадо за украсување
Упатства:
Загрејте ја рерната на 200 C. Намастете ја тавата за печење со растително масло
Посипете половина од шеќерот и ренданото чоколадо на едно парче лиснато тесто. Се завиткуваат двата краеви од тестото кон центарот. Повторете ја истата постапка и со другото тесто. Исечете ја секоја ролна на по 8 парчиња. Ставајте ги парчињата на хартија за печење. Од тестото формирајте уши на парчињата. Ставете ги во фрижидер да се замрзнат повторно.
Печете во загреана рерна околу 15 минути.
Ставете растопено чоколадо во пластична кеса. Направете мал отвор и нацртајте мустаќи од чоколадо на секое парче.
Време потребно за подготовка: 60 минути
<< Сокриј го рецептот
Карамелизирани јаболка >
Сосотојки:
10 мали јаболка
1 чаша шеќер
1/4 чаша гликоза
1/2 чаша павлака
2 лажици масло
малку црвена боја
Упатства:
Излупете ги јаболката и извадете му ги дршките. Таму каде што биле дршките ставете по едно дрвено стапче.
Ставете ги во тенџере шеќерот и гликозата и загрејте додека смесата се карамелизира. Во друг сад загрејте ја павлаката, но не ја оставајте да зоврие. Тргнете го карамелот од оган и додадете ја павлаката со многу мешање.
Вратете го тенџерето на тивок оган и постојаномешајте. Додадете го маслото. На крај додадете малку боја.
Потопете ги јаболката во смесата и оставете ги на хартија за печење да се здрват околу 20-30 минути.
Време потребно за подготовка: 60 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
