Црна шума Прикажи го рецептот >>

Црна шума >

Сосотојки:
- 100 гр путер - 100 гр шеќер - ? лажичка цимет - ? слатка павлака - 4 јајца - 60 гр брашно - 40 гр пченкарно брашно - 2 лажици сув квасец - 25 гр какао во прав - 75 гр чоколада со вкус на кафе (рендана) - 75 гр мелени лупени бадеми - Маргарин - 1 кесичка ванилин шеќер - 7 лажици ликер од црешна - 400 гр црешни или вишни без семки

Упатства:
Се мешаат путерот, шеќерот, циметот, јајцата, брашното, пченкарното брашно и квасецот. Полека се додава какаото, чоколадата и бадемите. Тестото се става во плех намачкан со путер и со малку брашно и се пече во рерна на 175 – 200 степени од 30 до 40 минути. Откако ќе се испече тестото се лади, се вади од лехот и се сече на три хоризонтални делови. Се мати слатката павлака со ванилин шеќер. Од ликерот од вишна две лажички се капат врз тестотои се ставаат половина од црешните и малку слатка павлака. Од горе се ства второто парче и истата операција се повторува. Се покрива со последното парче и се додава ликерот врз тестото. Се премачкива со остатокот од слатката павлака и се декорира со ренданото чоколадо и со црешни. Препорака: При сервирање може да се попрска тањирот со сецкани бадеми или пак со тенки линии на чоколаден прелив.

Време потребно за подготовка: 90 минути

<< Сокриј го рецептот

Red velvet торта Прикажи го рецептот >>

Red velvet торта >

Сосотојки:
• 230 гр путер • 2 јајца • 375 гр шеќер • 1 мала лажица какао во прав • 60 мл црвена прехранбена боја • 235 гр тесто за колачи и торти • 1 мала лажица сол • 1 шолја матеница или ајран* • 1 мала лажица екстракт од ванила • 1 мала лажица прашок за пециво • 1 мала лажица оцет за глазура • 2 големи лажици брашно • 1 шолја млеко • 200 гр путер • 1 мала лажица екстракт од ванила • 110 гр шеќер во прав

Упатства:
Во подлабок сад, измешајте ги путерот, јајцата и шеќерот. Во друг, помал сад, измешајте ги бојата и какаото и потоа додадете ги кон смесата со путер. Кон тестото додадете го, на три пати, ајранот или матеницата. Надополнете со екстракт од ванила, прашок за пециво и оцет. Во тавата за печење ставете пекарска хартија и наросете ја со брашно и сол. Ставете го брашното и печете околу 30 минути. Додека тестото се лади, подгответе ја глазурата. На средна температура, гответе ги брашното и млекото, додека не згуснат. Потоа, оставете ја смесата да се излади. Со миксер, измешајте ги путерот, шеќерот во прав и ванилата. Потоа, спојте ги двете смеси и измешајте. Тестото пресечете го по должина на два слоја и ставете од глазурата помеѓу двата слоја и на врвот на тортата.

Време потребно за подготовка: 120 минути

<< Сокриј го рецептот

Фрапе торта Прикажи го рецептот >>

Фрапе торта >

Сосотојки:
• 75 гр марципан • 150 гр путер • 125 гр шеќер • 1 кесичка ванилин шеќер • 3 јајца • 125 гр брашно • малку прашок за пециво за фил • 1,5 ќесичка желатин • 300 гр капини • 100 мл сок од рибизла • 2 големи лажици сок од лимон • 75 гр шеќер • 1 ќесичка ванилин шеќер • 500 гр несолено сирење во грутки • 400 мл слатка павлака за декорација • ќесичка шлаг • рибизла

Упатства:
Изматете го марципанот со миксер, се додека не добиете мазна смеса. Постепено додавајте шеќер и ванилин шеќер и постојано матете. Потоа, додадете го путерот и јајцата, едно по едно, без да престанете со матење. На крај се додаваат брашно и прашок за пециво. Тестото се пече 25 минути на 180°С. Откако ќе се излади, поделете го на една подебела и една потенка кора. Желатинот подгответе го според упатството на ќесичката. Во сад, изгмечете ги капините и додадете ги сокот од рибизли и лимон, шеќерот и ванилиниот шеќер. Во оваа смеса додадете го и подготвениот желатин, па потоа сирењето и изматената слатка павлака. Тенката кора намачкајте ја со фил, преку неа ставете ја дебелата кора и потоа исфилувајте ја и неа. Декорирајте со шлаг и рибизла.

Време потребно за подготовка: 80 минути

<< Сокриј го рецептот

Корнет торта Прикажи го рецептот >>

Корнет торта >

Сосотојки:
Кора: 4 јајца 4 лажици шеќер 4 лажици брашно 2 лажици какао Фил: 500 мл слатка павлака 100 г чоколадо 50 г печени лешници Глазура: 50 г чоколадо 2 лажици масло Украс: 100 мл слатка павлака неколку корнети за сладолед

Упатства:
Кора:одвојте ги белките од жолчките, Белките изматете ги во цврст снег па додајте шеќер. На изматената смеса од белки постепено додавајте ги жолчките, една по една. Кога ќе добиете воздушеста и хомогена смеса додајте ги брашното и какаото. Подготвената смеса истурете ја во калап за торта покриен со хартија за печење. Ставете во рерна загреана на 200 степени и печете околу 25 минути. Тестото оставете да се излади, исечете на половина. Во длабок сад ставете ја слатката павлака, чоколадото истопете го на ниска температура и додајте во павлаката заедно со иситнетите лешници. Дното од калапот за торта покријте го со 1/2 тесто. Истурете го филот и покријте со горната кора. Чоколадото истопете го со малку масло и истурете врз горната кора. Ставете ги корнетите на тортата, а најдобро ако секој наполните со фил. Изматете ја слатката павлака и украсете ја тортата.

Време потребно за подготовка: 120 минути

<< Сокриј го рецептот

Valentine`s heart Прикажи го рецептот >>

Valentine`s heart >

Сосотојки:
- 250 гр. лиснато тесто - 50 гр. листови бадеми - 3 лаж. шеќер - рендана кора од портокал - 1 белка Фил: - 1 пак. црвен желатин - 300 гр. мешано замрзнато овошје (малини,вишни, капинки, јагоди...) - 130 гр. шеќер во прав - 1 жолчка - 200 гр. слатка павлака - рендана кора од портокал

Упатства:
Од лиснатото тесто исечете 3 еднакви срца. Ставете ги на плех обложен со хартија и премачкајте ги со белка, па одозгора ставете ги листовите бадеми, шеќерот и ренданата кора од портокал. Печете ги срцата во рерна додека не се зацрвенат. Растворете го желатинот. Испасирајте го овошјето и исцедете го. Во добиената каша ставете жолчка, шеќер и растворениот желатин. Штом масата точне да се желира додадете ја изматената павлака и ренданата кора од портокал. Ставете го кремот во шприц и обилно филувајте ја секоја кора. Ставете ги корите една над друга. Украсете по желба.

Време потребно за подготовка: 90 минути

<< Сокриј го рецептот

Аморови стрели Прикажи го рецептот >>

Аморови стрели >

Сосотојки:
- 125 гр. маргарин - 3 јајца - 1 ванилин шеќер - 250 гр. брашно - 1 прашок за пециво - малку сол - 1,5 дл. млеко - 2 лажици какао - 100 гр. сецкани лешници или ореви - слатко од вишни - 100 гр. сецкано црно чоколадо

Упатства:
Во поголем сад ставете брашно, прашок за пециво, сол, какао, сецкани лешници или ореви и промешајте. Во друг сад ставете маргарин, шеќер, ванилин шеќер, јајца, млеко и мешајте додека смесата не се соедини. Спојте ги двете смеси во една. Во калап за мафини ставете ги хартиените калапи и наполнете ги малку повеќе од половина. На врвот додадете ги вишните и сецканото чоколадо. Печете во загреана рерна околу 20 минути. Можете да ги служите и без декорација.

Време потребно за подготовка: 80 минути

<< Сокриј го рецептот

Слатко од кора од лубеница Прикажи го рецептот >>

Слатко од кора од лубеница >

Сосотојки:
3 килограми кора од лубеница 2 филџани за кафе оцет 3 лимонтоси 100 грама суво грзоје лимон за шербет 750 грама вода 3 килограми шеќер

Упатства:
Корупките ги чистиме од зелената кора.Ги миеме и сечкаме на коцки.Ги ставаме да се варат во тенџере , им ставаме вода околу два прста над корупките.Се додаваат лимонтосите и оцетот. Кога ќе се свари се цеди и се плакни 3 4 пати. Во друга шерпа се спрема шербет, вариме 750 грама со 3 килограми шеќер околу 5 минути. Потоа ги тураме исцедените корупки и се варат додека се згусти шеќерот. Кога ќе се извади од оган се става сувото грозје и лимон исечкан на парчиња.Се покрива со влажна крпа и се собира ладно во тегли.

Време потребно за подготовка: 180 минути

<< Сокриј го рецептот

Лиснато тесто со јагоди и крем од ванила Прикажи го рецептот >>

Лиснато тесто со јагоди и крем од ванила >

Сосотојки:
500 gr (купечко) замрзнато лиснато тесто, 1/2 kg јагоди, измиени, исчистени и исецкани на четвртинки 1 шоља ванилин крем јајце за премачкување за кремот од ванила: 1 шоља млеко 2 лажици нишесте 4 лажици шеќер 1 јајце 1 кесичка ванилин шеќер

Упатства:
Помешајте ги нишестето, шеќерот и ванилиниот шеќер. Додадете го јајцето и убаво измешајте, да нема грутчиња. Загрејте го млекото. Ставете третина од жешкото млеко во мешавината со јајце и брзо промешајте, па ставете го сето тоа во останатото млеко. Вратете го лончето на шпорет, на тивко и мешајте додека кремот не се згусне. Одмрзнатото лиснато тесто, посипено од брашно од двете страни, исукајте го на дебелина од околу 3 mm и исечете го на 6 дела со димензии отприлика 10 x 17 cm. Исечете ги лентите како на сликите и наредете ги парчињата на подмачкано тавче или врз хартија за печење. Ставете по 1 голема лажица (или малку повеќе) од кремот во средината на секое парче тесто, врз него ставете јагоди, па свиткајте ги лентите од тестото врз јагодите, една по една, наизменично, од едната и од другата страна и притиснете ги малку да се залепат. Премачкајте ги погачиците со белката и печете ги во загреана рерна на 200°C околу 25-30 минути или додека тестото не е добро испечено. Преземено: sitnoseckano.com

Време потребно за подготовка: 60 минути

<< Сокриј го рецептот

Cheese cake Прикажи го рецептот >>

Cheese cake >

Сосотојки:
кора: еден маргарин, 4 лажици шеќер во прав, 12 лажици млеко, 300 г мелени бисквити (плазма) бел фил: 150 мл вода, 2 ќесички желатин, 8 лажици шеќер во прав, 250 мл слатка павлака, 500 г несолено крем сирење прелив: 2 ќесички желатин, 200 мл вода, 10 лажици шеќер, 500 г црвено овошје (малини, јагоди, вишни)

Упатства:
Се мати маргаринот со шеќерот, а бисквитите се попаруваат со млекото. Се мешаат смесите и се оформува кора во длабок правоаголен сад. Посебно се мати слатката павлака, а посебно крем сирењето со шеќерот. Водата и желатинот се мешаат и се варат до вриење (ама да не врие). Се мешаат павлаката и крем сирењето, се додава оладениот желатин и смесата се става врз кората. Се мешаат овошјето и шеќерот, водата и желатинот и се ставаат на оган до вриење (да не врие). Се процедува и млако се прелива врз филот. Се остава убаво да се стврдне во фрижидер.

Време потребно за подготовка: 60 минути

<< Сокриј го рецептот

Рафаело торта Прикажи го рецептот >>

Рафаело торта >

Сосотојки:
140 грама брашно 130 грама кафеав шеќер 100 грама исушен кокос 125 грама несолен путер, стопен Прстофат сол За филот: 400 милилитри млеко од кокос 80 грама кокос, изрендан 200 грама бело чоколадо, ситно исечкано 50 грама маскарпоне 60 грама шеќер во прав 85 грама цреши За декорација: 80 грама кокос, изрендан 2,3 цреши

Упатства:
Загрејте ја рерната на 100 степени и премачкајте го садот за готвење со путер. За да ја направите кората на тортата, измешајте ги брашното, кокосот, кафеавиот шеќер, солта и стопениот путер. Мешајте сe додека не се соединат целосно и потоа рамномерно поставете ја смесата во садот за готвење. Печете 12 – 15 минути, или сe додека не добиете златна кора, а потоа тргнете ја настрана да се олади и ставете ја во фрижидер додека не ви притреба повторно. За да го направите филот, сипете го кокосовото млеко заедно со 80-те грама изрендан кокос во тенџере со средна големина и варете на тивок оган. Гответе 30 – 40 минути или сe додека кокосот не го впие целото кокосово млеко и не заборавајте повремено да мешате. Потоа додадете го белото чоколадо и мешајте сe додека не се стопи и соедини целосно, па префрлете ја мешавината во друг сад, покријте ја површината и ставете ја во фрижидер додека не се олади. Откако мешавината ќе се олади, изматете ги маскарпонето и шеќерот во прав, па додадете ги заедно во мешавината со чоколадо и кокос. Одвојте 1/4 од филот и разнесете ја рамномерно на кората, па наредете ги врз неа црешите. Покријте со останатиот дел од филот и на крај, сипете го и останатиот изрендан кокос.

Време потребно за подготовка: 120 минути

<< Сокриј го рецептот

Рафаело коцки Прикажи го рецептот >>

Рафаело коцки >

Сосотојки:
КОРА: 6 белки 200 гр. шеќер 3-4 големи лажици кокос 100 гр. брашно пола кесичка прашок за пециво 200 мл. млеко (за попарување) ФИЛ: 6 жолчки 2 кесички пундинг од ванила 4 лажици брашно 12 лажици шеќер 1 л. млеко 100 гр. путер 200 мл. слатка павлака За декорација: Кокосово брашно Лешници

Упатства:
1. Кора Од белките се мати цврст снег, постепено додавајќи го шеќерот. Потоа се додава кокосоото брашно и брашното измешано со прашокот за пециво. Ова се меша со шпатула. Се пече во добро загреана рерна на 180 степени околу 15 минути. Откако кората ќе се излади, се прелева со топлото млеко (да не е врело). 2. Фил Добро измешајте ги жолчките, пудинзите, брашното, со шеќерот и 200 мл. млеко. На останатите 800 мл. млеко штом зовријат додадете ја смесата од жолчки и непрекинато мешајте додека да смесата да се згусне и проврие на неколку минути. Сварениот крем тргнете го од рингла и оставете сосема малку да се излади (5 мин.). Додадете го путерот (на коцки, неизматен) со мешање. Потоа оставете филот сосема да се излади. Кога ќе биде сосема ладен, настрана изматете слатка павлака, а потоа соединете ја со изладениот крем. Филувајте ја изладената кора со кремот. Одозгора наросете кокос и наредете по еден лешник на секое исечена коцка.

Време потребно за подготовка: 90 минути

<< Сокриј го рецептот

Турски капи со кокос  Прикажи го рецептот >>

Турски капи со кокос  >

Сосотојки:
35-38 супени лажици брашно 2 јајца 2 мали шолји за кафе - масло 4 мали шолји за кафе – топло млеко 1 кесичка сув квасец 2 супени лажици шеќер 2-3 лажици какао за темниот дел од тестото 2-3 лажици кокос во светлиот дел од тестото – но може и без него 700 г шеќер 1 литар вода

Упатства:
1.Пенесто измиксајте ги јајцата па постепено додавајте масло, млеко, потоа квасец и лажица по лажица од брашното. 2.Потоа тестото поделете го два еднакви дела, во едниот додадете какао а во другиот кокос, па оставете 45 минути да се дигне. 3.Премесете го тестото на работна површина и од секој дел одвојте по 24 топчиња, може и помали, зависно колку капи (турбани) сакате. 4.Развлечете едно светло и едно кафеаво топче во суканици, исплете ги во круг, а крајот завлечете го оздола, за да не се одвојува при печењето. 5.Печете на 200 степени во претходно загреана рерна околу половина час, малку да потемнат. 6.Сварете шербет од 700 г шеќер и 1 литар вода, колку да се растопи шеќерот. Со млакиот шербет потурајте ги турските капи. Ова правете го постепено и полека за да можат убаво да се натопат. Повремено превртувајте ги за да бидат сочни. 7.Во првите половина час тоа правете го на секои 10 минути, не треба повеќе.

Време потребно за подготовка: 120 минути

<< Сокриј го рецептот