Чоколадни гербери >
Сосотојки:
500 г брашно
1 квасец
1 лажичка сол
100 мл масло
Млеко
Фил:
100 г чоколадо за готвење (Менаж)
За премачкување:
1 јајце
Упатства:
Растопете го квасецот со малку млако млеко. Во подлабок сад измечајте: брашно, сол, масло, растопениот квасец и сето замесете го со млако млеко за да добиете средно тврдо тесто.
Покријте го со крпа и оставете на топло за да може тестото да надојде. Удвоеното тесто премесете го на работна површина и поделете го на два дела.
Со помош на оклагија растегнете кора и со помош на чаша или тркалезна подла, вадете кругови. Секој круг премачкајте го со малку растопено чоколадо. Потоа преклопете, а краевите спојте ги кон внатре, за да се добијат латици.
Постапката се повторува и со останатите кругови, па се редат во плех обложен со хартија за печење, во круг по пет латици за да се добие форма на цвет.
Еден исечен и ненамачкан круг се завиткува во ролат, се засекува по средина, па делот кој е засечен се става во средината на формираниот свет.
Се мати едно јајце и се премачкува секој гербер. Рерната се загрева на 250° и се пече додека да зарумени.
Време потребно за подготовка: 70 минути
<< Сокриј го рецептот
Домашен мус од јагоди >
Сосотојки:
За жолтиот фил:
2 жолчки
3 лажици шеќер
50g бело чоколадо
1 ванилин шеќер
1,5dl слатка павлака
5g желатин
За филот од јагоди:
250g јагоди
4 лажици шеќер
5g желатин
1,5dl слатка павлака
За декорација:
150g јагоди
3 лажици шеќер
5g желатин
Упатства:
Жолтиот фил:
1. Во сад, соединете ги жолчките со шеќер и ванилин шеќер, па гответе на пареа со постојано мешање додека смесата не се згусне. Додадете искршена бела чоколада и мешајте додека не се растопи.
2. Во оладената смеса од жолчки и чоколадо додадете шлаг од слатка павлака и бавно мешајте.
3. Прелијте го желатинот со 2 лажици ладна вода, измешајте и веднаш додадете во филот. Добро измешајте со дрвена лажица.
Филот од јагоди:
1. Измиксирајте ги јагодите во блендер, соединете ги со шеќерот и кратко варете додека 1/3 од течноста не зоврие.
2. Прелијте го желатинот со 2 лажици ладна вода, мешајте додека набабри и потоа додадете го во топлата смеса од јагоди.
3. Изматете ја слатката павлака така што ќе добиете цврст шлаг и потоа додадете го оладениот фил од јагоди и мешајте.
Финална постапка:
1. Во стаклени чаши нанесете го филот од јагоди, а потоа и жолтиот фил.
2. Преостанатите јагоди за декорација измешајте ги и сварете ги заедно со шеќерот. Во него додадете го набабрениот желатин и оставете да се олади.
3. Разлејте ја оладената смеса преку жолтиот фил и оставете да се зацврсти.
Време потребно за подготовка: 50 минути
<< Сокриј го рецептот
Сочни потпечени јаболка >
Сосотојки:
Јаболка по желба
? шолја овесни снегулки
? шолја кафеав шеќер
3 лажички цимет
1 лажичка каранфилче (по желба)
Коцка путер
Упатства:
Во еден сад измешајте ги сувите состојки кои ги одбравте заедно со шеќерот и зачините.
Јаболката измијте ги и издлабете ги со лажица. Наполнете ги со мешавината од чинијата.
На врвот на јаболката ставете коцка путер.
Наредете ги во супер крчко тенџере или во тава, и истурете ? шолја вода.
Печете на тивко 3-4 часа.
Време потребно за подготовка: 200 минути
<< Сокриј го рецептот
Бисквит празнични колачи >
Сосотојки:
100гр. маргарин
220гр. брашно
1 кесичка ванила
1 белка
5 лажици шеќер
1 кора рендана од портокал
1/2 кора рендана од лимон, сосема на врв на лажиче печиво
за украсување,шеќерна смеса ,ројал ајсинг
1 белка од јајце
200гр. шеќер во прав
1 лажица цеден лимон, прехрамбени бои
Упатства:
Сите состојки за тесто се мешаат заедно, при што маргаринот треба да е на собна температура. Се замесува тесто од нив, добро месејќи да се изедначат состојките внатре. Се завиткува во фолија и се остава во фрижидер половина час.
Се вади од фолијата и на работна површина се сука кора од тестото, дебела 4 мм. Кога ја сукате посипете најгоре шеќер во прав а долу поставете ја на хартија за печење за да не се лепи.
Со калапи се вадат форми.
Шеќерната смеса е течен ројал ајсинг кој се припрема на следниов начин:
белката се мати со вилушка, се додава постепено половина од шеќерот и сокот од лимон. Настрана во мали садчиња ставаме по малку од таа смеса и се додаваат прехрамбени бои по избор. Натаму во основниот сад се става уште половина смеса од шеќерот и се добива сега веќе густ ројал ајсинг, кој се користи за образување на контурите на колачите. Остатокот е на вашата имагинација.
Време потребно за подготовка: 60 минути
<< Сокриј го рецептот
Кори со пире од тиква (Тиквеник) >
Сосотојки:
Производи:
200 г брашно
500 г тиква
100 г ореви
100 г вода
100 г масло
150 г шеќер
лажица цимет
Упатства:
Начин на приготвување:
Направете тесто од брашното и водата и исукајте 5 кори. Сварете ја и излупете ја тиквата од кората. Посипете сод шеќер, мелени ореви и цимет и откако ќе се излаи наредете во корите на редови и поклопете со последната кора.
Испечете на умерена температура и посипете со шеќер во прав.
Време потребно за подготовка: 90 минути
<< Сокриј го рецептот
Бејлис торта >
Сосотојки:
за кора:
5 јајца
10 лажици шеќер
10 лажици вода
160 г брашно
120 г мелени ореви
2 лажици какао
1 прашок за печиво
за фил:
2 јајца
4 лажици шеќер
4 лажици густин
400 мл млеко
3 лажици ликер „Бејлис“
200 г путер
100 г шеќер во прав
за прелив:
300 мл млеко
50 г кафеав шеќер
100 мл Бајлис ликер
шлаг за украсување
Упатства:
1. За подготовка на кората, најпрво со миксер убаво изматете ги шеќерот и јајцата. Кога ќе добиете хомогена смеса додадете ги и останатите состојки и рачно измешајте ги. Сипете ја смесата во кружен калап и печете 30 минути на 180 Целзиусови степени. Кога ќе се испече исечете го на три еднакви кругови.
2. За подготовка на филот изматете ги двете јајца, шеќерот, густинот и ликерот. Млекото ставете го да зоврие, а потоа во него додадете ја смесата од другите состојки. Мешајте на оган додека не ја добиете потребната густина. Путерот и шеќерот во прав изматете ги со миксер и откако другата смеса ќе се олади, додадете ги и нив во неа. Убаво измешајте.
3. За подготовка на преливот сите состојки ставете ги во тенџере на оган и оставете ги убаво да се соединат.
4. Ставете еден дел од пандишпанот на послужавник, посипете го со преливот, намачкајте го со подебел слој од филот и поклопете го со друг дел од пандишпанот. Повторете го истото и со последниот круг од пандишпанот. По избор декорирајте со шлаг.
Време потребно за подготовка: 90 минути
<< Сокриј го рецептот
Брза баклава од палачинки >
Сосотојки:
12 палачинки
мелени ореви по желба
мед или шеќер
суво грозје
2 дцл. вода
100 грама шеќер
Упатства:
Направете палачинки по сопствен рецепт. Во огноотпорен тркалезен сад (со големина на палачинките) ставете 1 палачинка, посолете ја со ореви, над оревите ставете мед и суво грозје и одозгора ставете друга палачинка. Постапката повторете ја се додека не ги потршите палачинките.На горната палачинка ставете само ореви и мед. Ставете го огноотпорниот сад во рерна и печете околу 20 минути.Направете шербет од водата, шеќерот, ванила и сок од половина лимон. Кога палачинките ќе бидат готови ставете им го шербетот, по краевите на садот. Оставете да се излади и послужете.
Време потребно за подготовка: 100 минути
<< Сокриј го рецептот
Полнети грклани >
Сосотојки:
500 гр.брашно
2 жолчки
300 гр. маргарин
1 лажичка сол
4 еднакви лажици вода
2 белки
ореви
шеќер во прав
ванила
Упатства:
Изматете го маргаринот и кон него додајте ги една по една жолчките, солта, брашното и водата. Исучете го тестото со дебелина од 0,5 см.
Од оваа кора исечете правоаголници. Ставете од филот и завиткајте го тестото како цигара.
Наредете ги гркланите врз плех посеан со брашно и хартија и печете во загреана рерна. Уште додека се топли наросете ги со шеќер во прав. На крај посипете ги со мелени ореви.
Време потребно за подготовка: 60 минути
<< Сокриј го рецептот
Божиќен колач >
Сосотојки:
- 200 гр. маргарин
- 150 гр. жолт шеќер
- 1 пак. ванилин шеќер
- половина лажиче цимет
- половина лажиче кардамом во прав
- половина лажиче коријандер во прав
- половина лажиче каранфилче во прав
- 4 јајца
- 200 гр. ореви
- 200 гр. црно чоколадо
- 250 гр. црно суво грозје
- 250 гр. бело суво грозје
- 50 гр. кандирана кора од портокал
- 50 гр. кандирана кора од лимон
- 250 гр. брашно
- 1 лажичка прашок за печиво
- маргарин и брашно за калапот
Глазура:
- 100 гр. црно чоколадо
- 75 мл. слатка павлака
- 1 лажичка маргарин
Упатства:
Омекнатиот маргарин измешајте го со жолтиот шеќер, ванилиниот шеќер, медот и преостанатите зачини. Се измешајте пенасто, па полека ставајте едно по едно јајце.
Издробере ги на крупно чоколадото и оревите, па заедно со кандираното овошје и двата вида суво грозје, замешајте ги во смесата со јајца. и маргарин. На крај додадете го брашното и прашокот за печиво. Направете густо тесто.
Премачкајте го калапот за колачи со маргарин и посипете брашно. Ставете го тестото. Печете го колачот во загреана ре4рна на 160 степени околу 1,5 часа. По еден час печење покријте го со алуминиумска фолија, за да не потемни. Откако ќе се испече, оставете го колачот 10 минути во калапот, за да се излади. Потоа со нож одделете го од страните на калапот и полека извадете го. Оставете го колачот потполно да се излади.
Подгответе ја глазурата, растопувајќи ги состојките на шпорет. Премачкајте го изладениот колач.
Честит Божиќ!
Време потребно за подготовка: 150 минути
<< Сокриј го рецептот
Торта Ден и Ноќ >
Сосотојки:
Тесто
280 гр. мелени ореви
280 гр. шеќер
14 јајца
100 гр. чоколадо за готвење
4 лажици презла
Фил
250 гр. шеќер
100 гр. чоколадо за готвење
4 јајца
250 гр. маргарин
Упатства:
Количината која е наведена, служи за подготовка на две теста.
7 жолчки се матат со 140 гр. шеќер, се додава 50 гр. рендано чоколадо. Се мати снег од 7 белки и во нив се додава 140 гр. ореви и две лажици презла.
Потоа во тоа се додава смесата од жолчки и чоколадо и се печи во плеџ со средна големина.
Постапката се повторува и за другото тесто.
Тестата се сечат по висина, така што ќе се добијат 4 потанки теста.
Фил: Изматете ги жолчките со шеќер на пареа и додадете 100 гр. чоколадо. Кога ќе се излади кремот додадете го изматениот маргарин и изматениот снег од белки. Секое тесто да се филува, се до последното. На крај тортата украсете ја по желба.
Време потребно за подготовка: 80 минути
<< Сокриј го рецептот
Нестле торта >
Сосотојки:
Кора:
6 белки
6 лажици шеќер
5 лажици мелени ореви
2 лажици брашно
Прелив за кора:
300 гр чоколадо
125 гр маргарин
Фил:
1 л млеко
18 жолчки
10 лажици брашно
10 лажици шеќер
250 гр маргарин
200 гр Несквик
Топ фил за цела торта:
300 гр шлаг крем
400 мл минерална вода
Упатства:
Изматете ги со миксер потребните состојки за кора. Кората се пече на 180 степени додека не добие златно-кафена боја. Откако ќе се олади кората се филува со чоколадо и маргарин кои претходно сте ги стопиле на пареа. Изматете ги жолчките со брашно и малку млеко кое ќе го издвоите од литарот, а во остатокот млеко додадете шеќер и сварете го. Во врелото млеко додадете ги матените жолчки и добро мешајте да не загори.
Тргнете го кремот од оган и оставете да се излади. Изматете го маргаринот и додадете го во ладниот фил со жолчките. Додадете и Несквик прав и добро измешајте. Изматете ги шлаг кремите со минерална вода. Додадете од кремот врз кората со чоколадо, прво кафен крем, а потоа и шлаг крем. И така се додека не се потрошат корите.
Време потребно за подготовка: 90 минути
<< Сокриј го рецептот
Кифлички Пеперутки >
Сосотојки:
1 чаша нишесте (густин)
2 чаши брашно
150 грама маргарин на собна температура
1 кесичка ванилин шеќер
1 чаша шеќер во прав
1 ? лажица какао
1 јајце
1 лажиче прашок за печиво
Упатства:
Во длабок сад за месење ставете ги брашното, нишестето, маргаринот, ванилата, шеќерот, јајцето и прашокот за печиво. Од наведените состојки замесете тесто, а по потреба додадете вода.
Поделете ја смесата на два дела. Во едниот дел ставете го какаото и добро измесете. Оставете го тестото во ладилник за време од 30 минути.
Со сукало од секој дел исучете кора како што е прикажано на сликата.
Корите ставете ги една врз друга и формирајте ролат.
Ролатот поделете го на два еднакви дела.
Двата ролати ставете ги еден покрај друг и сечете парчиња. (Следете ги инструкциите на сликите).
Парчињата редете ги во тава обложена со хартија за печење и малку притиснете ги странично за да се добие форма на пеперутки. Печете ги во загреана рерна на 175 степени додека поруменат.
Време потребно за подготовка: 80 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
