| 49 - 60 рецепти од 71 | Страница: | 1 | << | ... | 3 | 4 | 5 | 6 |
Посни грицки со сончоглед и сусам >
Сосотојки:
250 мл масло
250 мл пиво
250 гр сусам
250 гр лупен сончоглед
1 лажиче сол
2 кесички прашок за печиво
брашно по потреба (околу три шолји)
Упатства:
Ставете ги сите состојки во поголем сад за месење и замесете ги. Тестото убаво се меси за добро да се соединат состојките. Потоа, со помош на сукало се формира кора со дебелина околу 1 см. Со помош на калапи се сечат форми од кората.
Добиените форми се ставаат во намрсена тава со малку маргарин, а од тестото кое останува, се повторува истата постапка како претходно, се додека не се потроши.
Формираните грицки се печат околу 20 минути на температура од 200 степени.
Време потребно за подготовка: 60 минути
<< Сокриј го рецептот
Посни кифлички >
Сосотојки:
140 гр. масло
180 гр. брашно
70 гр. мелени бадеми
30 гр. шеќер
шеќер во прав
Упатства:
Замесете тесто од маслото и брашното, додадете ги измелените бадеми и шеќер. од тестото направете мали кифлички и наредете ги во подмачкан плех.
Печете на умерена температура, но внимавајте да не се зацрвенат. Посипете ги со шеќер во прав.
Време потребно за подготовка: 60 минути
<< Сокриј го рецептот
Посни крофни >
Сосотојки:
500гр брашно
300 мл топла вода
9 лажици зејтин
1 квасец
1/2 лажица сол
2 лажици шеќер
1 лимон
50 гр шеќер во прав за посипување
500 мл масло за пржење
Упатства:
Квасецот се става во водата да скисне заедно со шеќерот и 2-3 лажици брашно.
Брашното се просејува и се замесува тесто со квасецот, солта и маслото. Ако сакате благи крофни тогаш се ренда и кора од лимон, а ако сакате да бидат солени изоставете го лимонот.
Тестото се остава да стаса, а потоа на набрашнета маса со чаша се вадат крофни.
Стасани крофните се пржат на не многу врело масло додека заруменат од двете страни.Топли се поросуваат со шеќер во прав.
Време потребно за подготовка: 90 минути
<< Сокриј го рецептот
Посни лазањи со сос од домати и зачини >
Сосотојки:
1 пакетче кори за лазањи
1 кромид
1 голема конзерва излупени домати
1 чаша доматно пире
2 чешниња лук
2 прстофат босилек, сушен
1 прстофат сол
1 прстофат црн пипер
2 гранчиња свеж магдонос
Упатства:
Загрејте маслиново масло на средна топлина. Во него пропржете го искршениот лук. Додадете кромид и измешајте неколку минути. Откако ќе се прошири аромата на тавата, додадете ги доматите и пирето. Зачинете со зачини. Покријте со капак и динстајте на тивок оган додека не се згусне.
Посебно во длабок тенџере зовријте вода. Во неа кратко потопете ги корите од лазањите. Исцедете ги и оставете ги на страна. Откако сосот е готов, во плех наредете ред кори, ред сос и слично додека не се испразнат производите.
Печете ги лазањите завиткани во фолија во загреана рерна на 200 степени.
Време потребно за подготовка: 50 минути
<< Сокриј го рецептот
Посни макарони со печурки >
Сосотојки:
500 гр. макарони
500 гр. печурки
100 гр. грашок
2 чешниња лук
1 главица кромид
1 чаша бело вино
1 лажица брашно
1 лажица растителен маргарин
1/2 чаша масло
сол
Упатства:
На врело масло испржете го ситно сецканите лук и кромид и додадете ги ситно сецканите печурки и лист од першун. Пржете додека не испари течноста. Додадете вино и брашно разматено во две лажици вода. На крајот додадете го обарениот грашок и гответе на умерен оган уште 30 минути. Во меѓувреме обарете ги макароните, ставете ги во чинија и прелејте ги со растопениот маргарин и со сосот од печурки и грашок.
Време потребно за подготовка: 80 минути
<< Сокриј го рецептот
Посни пирошки со фил од ајвар >
Сосотојки:
1 кг брашно
1 коцка свеж квасец
50 мл масло
1 мала лажичка сол
1 мала лажичка шеќер
млака вода по потреба
ајвар
1 лажица сенф
сусам за наросување
Упатства:
Подготовка:
Во длабок сад за месење ставете ги квасецот, шеќерот, една лажица брашно и додајте 100 мл млака вода. Убаво измешајте ги состојките за да се растопи квасецот. Потоа, садот ставете го на топло место за време од 5 до 10 минути, за да нарасне квасецот.
Брашното просејте го низ сито. Во садот со нараснатиот квасец, додајте ги брашното, ладно цеденото масло, солта и постепено додавајте млака вода. Продолжете со месење за време од неколку минути, додека добиете меко тесто. Тестото оставете го двојно да нарасне за време од 20 до 30 минути.
Нараснатото тесто поделете го на два до три дела. Од секој дел, со помош на сукало исучете кора со дебелина од 5 милиметри. Потоа, со калап за пирошки или со чаша, од кората исечете кругови. Во секој круг ставајте по 1 мала лажичка ајвар, а потоа формирајте пирошки.
Во претходно намрсен плех редете ги пирошките и оставете ги да нараснат за време од 30 минути.
Во мал сад ставете го сенфот и додајте малку вода. Измешајте ја смесата.
Секоја пирошка премачкајте ја со смесата од сенф и вода, а потоа наросете сусам по желба. Вака припремените посни пирошки печете ги во загреена рерна на 250 степени, за време од 20 минути, додека добијат убава румена боја.
На здравје!
Време потребно за подготовка: 90 минути
<< Сокриј го рецептот
Посни полнети компири >
Сосотојки:
1 кгр. компири
2-3 парчиња млад кромид
300 гр. маринирани печурки
150 гр. посен кашкавал
1 мала конзерва грашок
4 обарени моркови
сусам
ореви
посен мајонез
Упатства:
Компирите се варат на тивок оган. Се лупат и се печат на половина. Се вдлабнуваат за да можат да се полнат.
Се пржи младиот кромид со сецканите печурки. Кон средината на пржењето му се додава сусамот и се пржи додека сусамот не добие боја. Потоа се додаваат сецканите обарени моркови, средината од компирите и грашокот. На крај се додава кашкавалот. Се посолува и забиберува.
Компирите се полнат со оваа смеса и се редат во подмачкан плех. Одозгора им се ставаат ситно сецкани ореви.
За декорација им се става посен мајонез, по желба.
Време потребно за подготовка: 80 минути
<< Сокриј го рецептот
Посни полнети суви пиперки >
Сосотојки:
малку Црн бибер
50 грама Целер
малку Сол
50 грама Праз
10 Пиперки
200 грама Ориз
100 грама Моркови
50 милилитри Масло
малку Магдонос
3 чешниња Лук
1 ливче Ловоров лист
2 главица Кромид
Упатства:
Сувите пиперки, попарете ги во врела вода, пa oставете ги саат-два да отстојат, за убаво да се натопат. Оризот измијте го и оставете го да отстои во малку вода.На малку масло, пропржете ги кромидот, лукот, празот и ловоровиот лист, па
додадете го целерот и морковот, зачинете со сол, бибер и магдонос, па убаво измешајте.Кога сето тоа убаво ќе го сварите, додадете го оризот и благо прелијте со вода, намалете ја температурата и оставете да се вари половина час.Потоа, тргнете од оганот и оставете да се олади.Потоа, еден подлабок сад премачкајте го со масло. Пиперките убаво исцедете ги од водата во која што стоеја, па полнeте ги со смесата и редете ги во садот. Подготвените полнети пиперки налејте ги со 200 гр. вода и печете ги во рерна на 200 степени.
Кога убаво ќе се испечат, извадете ги од рерната, оставете малку да се изладат, па послужете.
Време потребно за подготовка: 60 минути
<< Сокриј го рецептот
Посни слатки - бовчи >
Сосотојки:
3 фил масло,
2 фил вино
1 пециво
Брашно по потреба
Фил:
4 јаболка лупени рендани
2 лајци гриз
2-3 лајци шеќер во зависност од киселоста на јаболкото
Ореви сецкани
Цимет
Сето ова се меша заедно
Упатства:
Се меси тврдо тесто и се дели на топчиња околу 35-40, се плеска колку тацна големина и се става фил и се виткаат како бовчи. Се печат на 200 степени и на крај се брбелаат со шеќер во прав
Време потребно за подготовка: 60 минути
<< Сокриј го рецептот
Посни слатки "тупаници" >
Сосотојки:
- 3 филџани вода
- 5 филџани масло
- 1 пециво
- сок од половина лимон
- 5 чаши брашно
- шеќер во прав
- 1 ванила
- мармалад или ореви
Упатства:
Водата се става на оган. Откако ќе зоврие се додава маслото, пецивото и сокот од лимон. Се додава брашното и се меша со дрвена лажица.
Тестото се меша убаво додека не стане глатко. Се остава малку да се излади и од него се прават околу 30 топчиња. Секое топче сеплеска на рака со раширени прсти (треба да излезе малку тесто низ прстите). Насредина се става мармалад или сецкани ореви и се затвора со рака Малку се стегнува како тупаница и се превртува во плехот. Слатките се печат околу 20 минути на 250 степени. Топли се брбелаат во шеќер во прав.
Време потребно за подготовка: 45 минути
<< Сокриј го рецептот
Посни слатки со пиво >
Сосотојки:
1 кгр. брашно
500 мл.масло
1 пециво
6 лажици гриз
250 мл пиво
Шербет
800 мл. вода
1 кгр. шеќер
овошје за декорација
Упатства:
Прво се вари шербетот и треба да се излади. Се замесува тесто од состојките. Се прават топчиња и по желба на средина се става некое овошје од слатко или компот, а може и суво овошје. Се пече на намастена тава на 220 Степепени 15-20 минути. Штом се извадат се полеваат врели колачи со изладен шербет. На крај се валкаат во кокос или мелени ореви.
Време потребно за подготовка: 60 минути
<< Сокриј го рецептот
Посно овошно дуо >
Сосотојки:
6 лажици гриз
3 чаши вода
2-3 лажици шеќер
2 рендани јаболка
200 гр. посни бисквити
1 банана
Упатства:
Гризот се вари во однос 3 чаши вода И 6 лажици гриз, 2-3 лажици шеќер.Кога ке се свари се додават рендани јаболка. 200гр. кекси се мелат или бледираат со 1 банана. За да биде кремаста смесата се додава вода по потреба.
Во чаша за сервирање се става смесата од гризот,потоа смесата од кекси.Одозгора се ренда чоколадо за готвење и сецкано овошје по желба,во рецептов се вишни.
Време потребно за подготовка: 40 минути
<< Сокриј го рецептот
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
