Веганска мусака од модри домати со печурки Прикажи го рецептот >>

Веганска мусака од модри домати со печурки >

Сосотојки:
2 Модри домати 500 гр. Шампињони 2 главици Кромид 2 чешниња Лук 1 тегла Доматно пире Маслиново масло ЗАЧИНИ Сол и бибер Босилок Куркума Копар Мајчина душица Магдонос

Упатства:
Модрите домати се сечат на кругови со дебелина од 0.5 см, се посолуваат и оставаат на страна 15-тина минути. Во тава со малку маслиново масло, на умерен оган, се пропржуваат кромидот, лукот и шампињоните. Се додава половина од доматното пире и зачините и уште малку се остава да се продинста. Се трга од оган. Садот во кој ќе се пече мусаката се попрскува со малку маслиново масло. Потоа се реди еден ред модри домати, врз него половина од динстаните шампињони. Пак ред модри домати, па втората половина од шампињоните. И на крај, мусаката се завршува со ред модри домати. Во останатиот дел од доматното пире се додава малку вода, убаво се промешува и со оваа смеса се прелева целата мусака. Од горе се наросува со сушен магдонос. Се пече во загреана рерна на 180°C – 200°C, околу 40-тина мин или прилагодено на сопствената рерна.

Време потребно за подготовка: 80 минути

<< Сокриј го рецептот

Посни лазањи со сос од домати и зачини Прикажи го рецептот >>

Посни лазањи со сос од домати и зачини >

Сосотојки:
1 пакетче кори за лазањи 1 кромид 1 голема конзерва излупени домати 1 чаша доматно пире 2 чешниња лук 2 прстофат босилек, сушен 1 прстофат сол 1 прстофат црн пипер 2 гранчиња свеж магдонос

Упатства:
Загрејте маслиново масло на средна топлина. Во него пропржете го искршениот лук. Додадете кромид и измешајте неколку минути. Откако ќе се прошири аромата на тавата, додадете ги доматите и пирето. Зачинете со зачини. Покријте со капак и динстајте на тивок оган додека не се згусне. Посебно во длабок тенџере зовријте вода. Во неа кратко потопете ги корите од лазањите. Исцедете ги и оставете ги на страна. Откако сосот е готов, во плех наредете ред кори, ред сос и слично додека не се испразнат производите. Печете ги лазањите завиткани во фолија во загреана рерна на 200 степени.

Време потребно за подготовка: 50 минути

<< Сокриј го рецептот

Вегански мајонез Прикажи го рецептот >>

Вегански мајонез >

Сосотојки:
60 мл. аквафаба 1/2 лажица сенф 1/2 лажица сол 1 лажица лимонов сок 1 лажица јаболков оцет 1 лажица сируп од агава 3/4 шолја масло бибер

Упатства:
Ставете ги сите состојки во соковник и миксирајте додека не добиете густа смеса.

Време потребно за подготовка: 30 минути

<< Сокриј го рецептот

Ќофтиња од киноа - вкусни и здрави Прикажи го рецептот >>

Ќофтиња од киноа - вкусни и здрави >

Сосотојки:
Потребни производи: 1 лажиче варена киноа 1/2 кромид, ситно сецкан 2 чешниња лук 200 гр замрзнат спанаќ околу 50 гр бело солено сирење, гмечено или рендано 1 јајце 2 лажици. доматно пире 1/3 лажиче трошки од леб 2-3 лажици. маслиново масло сол и бибер по вкус

Упатства:
Начин на подготовка: Извадете го спанаќот од замрзнувачот, одмрзнете го и обидете се да го отстраните целиот вишок вода. Вклучете ја рерната на 180 степени и обложете плех со хартија за печење. Загрејте маслиново масло и пржете го кромидот во него додека не омекне. Додадете ситно сецкан или мелен лук и варете уште една минута. Додадете спанаќ, доматна паста, сол и црн пипер. Гответе 2-3 минути. Ставете ги киноа, смеса од спанаќ и јајца во сад. Додадете презла и рендано сирење. Проверете дали смесата се формира. Ако се истури, додадете уште малку лебни трошки. Со лажица обликувајте ќофтиња и ставете ги на хартија за печење. Печете околу 15 минути, а потоа превртете ги и печете уште 10 минути. Послужете со млечен сос со лук.

Време потребно за подготовка: 80 минути

<< Сокриј го рецептот

Тава со тиквица и модар домат Прикажи го рецептот >>

Тава со тиквица и модар домат >

Сосотојки:
• 1 тиквица • 1 модар домат • 2 чешниња лук • 150 мл доматно пире • маслиново масло • сол и црн пипер

Упатства:
Во тава за пржење загрејте го маслиновото масло и ситно исецкајте го лукот. Откако малку ќе се пропржи, додадете го доматното пире (во мојот случај користев домашно) и зачинете со сол и црн пипер. Вака подготвеното доматно пире ставете го како основа во тавчето, но сочувајте неколку лажици за подоцна. Тиквицата и модриот домат исецкајте ги на тенки кругови и наредете ги во тавчето. Додадете врз нив малку маслиново масло, сол и црн пипер. Тавчето покријте го со фолија и печете 20 минути на температура од 220-250°Ц. Потоа извадете ја фолијата и печете уште 10 минути. Откако ќе ја извадите тавата, додајте го остатокот од доматното пире врз тиквицата и модриот домат. Добар апетит!

Време потребно за подготовка: 70 минути

<< Сокриј го рецептот

Полнети модри домати Прикажи го рецептот >>

Полнети модри домати >

Сосотојки:
2 модри домати 1 главица кромид 2 чешниња лук 200 гр свежи шампињони 1 тиквица 5 лажици доматно пире Сирење по желба (било кое млечно сирење) 1 домат или неколку шери домати Зачини по желба (сол, црн пипер, босилок, мајчина душичка)

Упатства:
Модрите домати ги сечеме на половина по должина и ја вадиме внатрешноста. Вака празни ги ставаме на хартија за печење и ги посолуваме, попрскуваме малку со масло за јадење и ги ставаме 10 минути на 180оЦ. Во меѓувреме ги пропржуваме кромидот и лукот и потоа ги додаваме ситно исецканите печурки и малку вода и динстаме неколку минути. Кон ова ја додаваме внатрешноста од модрите домати, ситно исецкана, и ситно исецканата тиквица. Мешаме и додаваме зачини и оставаме да се динста 10-тина минути. Потоа додаваме доматно пире и динстаме уште неколку минути. Со оваа смеса ги полниме модрите домати и ставаме кругови од доматите. Ги оставаме да се печат на 180 оЦ, 10-15 минути. Потоа при крај ги редиме кришките сирење и допекуваме уште неколку минути. Follow my_little_kitchen_stories on Instagram

Време потребно за подготовка: 60 минути

<< Сокриј го рецептот

Полнета скуша Прикажи го рецептот >>

Полнета скуша >

Сосотојки:
3 парчиња скуша, околу 1 кгр. 1 лажица презла 3-4 шампињони 1 главица кромид 2 чешниња лук магдонос сол лимон

Упатства:
Исецкајте ги лукот и кромидот и испржете ги. Потоа додадете ги исечканите шампињони и магдонос. Кога ќе се излади додадете 1 лажица презла. Исчистените риби посолете ги и наполнете ги со подготвениот фил. Врзете ги рибите со кујнски конец и печете на 200 степени. Во текот на печењето завртете ја рибата.

Време потребно за подготовка: 90 минути

<< Сокриј го рецептот

Печени компири на италијански начин Прикажи го рецептот >>

Печени компири на италијански начин >

Сосотојки:
– 8 компири со средна големина, измиени и исечени во коцки – 120 г. пармезан – 60 г. лебни трошки – ? чаша маслиново масло – 2 лажици кари сос (или некој друг ваш омилен зачин)

Упатства:
1. Загрејте ја рерната на 425 степени F. 2. Измијте и исечете ги компирите на коцки. Во тенџере со средна големина ставете вода, додадете ги компирите, и гответе ги околу 10 минути само додека малку не омекнат. 3. Во сад, измешајте го пармезанот со лебните трошки и кари зачинот. 4. Веќе исушените компири компири прелиете ги со маслиново масло. 5. Посипете ги со мешавината од пармезан и лебни трошки, се додека не забележите дека сите коцки се добро посипани со смесата. 6. Печете ги 30 минути во рерна или се додека компирите не добијат златно-црвена боја.

Време потребно за подготовка: 50 минути

<< Сокриј го рецептот

Ќофтиња од црвена леќа Прикажи го рецептот >>

Ќофтиња од црвена леќа >

Сосотојки:
1 чаша од 200 мл. леќа 3- 4 чаши вода 1 главица кромид 5-6 чешниња лук 1 лажица црвен пипер 1 лажица ким 1 лимон сол магданос

Упатства:
Измијте ја леќата и нека се исцеди. Ставете во тенџере вода, па откако ќе зоврие додадете ја леќата, нека се вари на тивко околу 20 мин. Потоа тргнете ја настрана да се излади. Испасирајте ја, додадете го ситно сецканиот кромид и магданос, пресуваниот лук, кимот, црвениот мелен пипер, сокот од лимонот и посолете според вкус. Формирајте ќофтиња во големина која вие ја сакате и извалкајте ги во презла. Одлучете вие дали ќе ги пржите или само кратко потпечете во рерна откако ќе ги наредите на сосема малку помастено тавче. Пријатно!

Време потребно за подготовка: 80 минути

<< Сокриј го рецептот

Печена пастрмка Прикажи го рецептот >>

Печена пастрмка >

Сосотојки:
малку Сол 300 грама Пастрмка 1 мала китка Магдонос 3 чешне/ниња Лук

Упатства:
Исчистете ја пастрмката и посолете ја минимално. Исчисете го лукот и ситно исецкајте го. Измијте го магдоносот и исецкајте го. Лукот и магдоносот измешајте ги и со добиената смеса наполнете го стомакот на пастрмката. Положете ја вака наполнетата пастрмка во помастено тавче. Покријте го тавчето со фолија. Вклучете ја рерната на 200 степени и кога ќе се загрее ставете го тавчето. Печете точно 15 минути. Исклучете ја рерната, извадете ја фолијата и оставете ја пастрмката во рерна уште неколку минути малку да се зарумени. Сервирајте ја цела во голема чинија и украсете ја по желба.

Време потребно за подготовка: 45 минути

<< Сокриј го рецептот

Полнети посни пиперки со компири Прикажи го рецептот >>

Полнети посни пиперки со компири >

Сосотојки:
4 големи пиперки 3 големи компира масло сол, црн пипер чили пипер по желба 1 кромид 3 чешниња лук

Упатства:
Исечете ги пиперките на половина по должината и исчистете ги од семето. Изрендајте ги на ренде излупените компири и во сад измешајте ги со исеканите кромид, лук, сол, црн пипер. Потоа наполнете ги пиперките со смесата. Покријте го садот за печење со алуминиумска фолија и печете до подготвеност на компирот. Отстранете ја фолијата и запечете до добивање на златна кора.

Време потребно за подготовка: 60 минути

<< Сокриј го рецептот

Посни пирошки со фил од ајвар Прикажи го рецептот >>

Посни пирошки со фил од ајвар >

Сосотојки:
1 кг брашно 1 коцка свеж квасец 50 мл масло 1 мала лажичка сол 1 мала лажичка шеќер млака вода по потреба ајвар 1 лажица сенф сусам за наросување

Упатства:
Подготовка: Во длабок сад за месење ставете ги квасецот, шеќерот, една лажица брашно и додајте 100 мл млака вода. Убаво измешајте ги состојките за да се растопи квасецот. Потоа, садот ставете го на топло место за време од 5 до 10 минути, за да нарасне квасецот. Брашното просејте го низ сито. Во садот со нараснатиот квасец, додајте ги брашното, ладно цеденото масло, солта и постепено додавајте млака вода. Продолжете со месење за време од неколку минути, додека добиете меко тесто. Тестото оставете го двојно да нарасне за време од 20 до 30 минути. Нараснатото тесто поделете го на два до три дела. Од секој дел, со помош на сукало исучете кора со дебелина од 5 милиметри. Потоа, со калап за пирошки или со чаша, од кората исечете кругови. Во секој круг ставајте по 1 мала лажичка ајвар, а потоа формирајте пирошки. Во претходно намрсен плех редете ги пирошките и оставете ги да нараснат за време од 30 минути. Во мал сад ставете го сенфот и додајте малку вода. Измешајте ја смесата. Секоја пирошка премачкајте ја со смесата од сенф и вода, а потоа наросете сусам по желба. Вака припремените посни пирошки печете ги во загреена рерна на 250 степени, за време од 20 минути, додека добијат убава румена боја. На здравје!

Време потребно за подготовка: 90 минути

<< Сокриј го рецептот