Посна пита со кељ Прикажи го рецептот >>

Посна пита со кељ >

Сосотојки:
500 гр. готови кори 100 гр. кромид 150 гр. ориз 500 гр. кељ 100 мл. масло сол бибер

Упатства:
Обарете го кељот и исечете го на крупно. Кромидот испржете го, а оризот обарете го. Зачинете и ставете першун. Во подмачкан плех наизменично редете кори и фил и завршете со кори. Исечете ја питата на коцки, премачкајте ја со масло и вода и печете околу половина час на 200 степени.

Време потребно за подготовка: 70 минути

<< Сокриј го рецептот

Алва од бадеми  Прикажи го рецептот >>

Алва од бадеми  >

Сосотојки:
- 50 гр. бадеми - 2 чаши шеќер - 150 гр. маргарин - 1 чаша гриз - 3 чаши вода

Упатства:
На оган ставаме тенџере и во него ги ставаме трите чаши вода. Во водата ги додаваме двете чаши шеќер и оставаме да зоврие. На даската за сечење крупно ги сечкаме бадемите. На оган ставаме уште едно тенџере и во него ги ставаме сечканите бадеми и гризот. Промешуваме и оставаме да се пржат на тивок оган додека да пожолтат. Во првото тенџере со шербетот додаваме 150 гр. маргарин и промешуваме со лажица за побрзо да се растопи. Откако шеќерот и маргаринот потполно ќе се растопат со црпалка црпиме од смесата и додаваме во тенџерето со испржен гриз и бадеми. Непрекинато мешајќи на оган смесата ја вариме додека не се згусти. Го тргаме тенџерето од оган и го ставаме на работната маса. Наполу изладената алва ја ставаме во метален калап облепен со алуминиумска фолија. Убаво ја рамниме горната површина на алвата. Подготовка на чоколаден прелив: На оган ставаме тенџере и во него ставаме маргарин и чоколадо за готвење да се растопат. Откако маргаринот и чоколадото се растпоени го тргаме тенџерето од оган. Со чоколадниот прелив со црпалка ја преливаме алвата. Калапот со алва го ставаме во замрзнувач да се стегне. Откако алвата е стегната го вадиме калапот од замрзнувач и го ставаме на работната маса. Ја отстрануваме фолијата и со остар нож сечеме поголеми триаголни парчиња од алвата со бадеми. Парчињата од сите страни ги валкаме во преостанатиот чоколаден прелив.

Време потребно за подготовка: 90 минути

<< Сокриј го рецептот

Посни полнети компири Прикажи го рецептот >>

Посни полнети компири >

Сосотојки:
1 кгр. компири 2-3 парчиња млад кромид 300 гр. маринирани печурки 150 гр. посен кашкавал 1 мала конзерва грашок 4 обарени моркови сусам ореви посен мајонез

Упатства:
Компирите се варат на тивок оган. Се лупат и се печат на половина. Се вдлабнуваат за да можат да се полнат. Се пржи младиот кромид со сецканите печурки. Кон средината на пржењето му се додава сусамот и се пржи додека сусамот не добие боја. Потоа се додаваат сецканите обарени моркови, средината од компирите и грашокот. На крај се додава кашкавалот. Се посолува и забиберува. Компирите се полнат со оваа смеса и се редат во подмачкан плех. Одозгора им се ставаат ситно сецкани ореви. За декорација им се става посен мајонез, по желба.

Време потребно за подготовка: 80 минути

<< Сокриј го рецептот

Посна салата "Јадран" Прикажи го рецептот >>

Посна салата "Јадран" >

Сосотојки:
250 гр. интегрален ориз 2 кисели краставички 1 пиперка 3 големи конзерви туна 2 конзерви сардина 1 рака црни маслинки 1 филџан масло 5 домати 1 лажичка мајоран 1 лажичка мајчина душица 3 чешнина лук сок од 2 лимони 1 лажица посен мајонез зелен асалата бибер сол

Упатства:
Сварете ги интегралниот ориз во вода во која ќе додадете 1 лажиче сол и 1 лажица масло. Изцедете го и оставете го да се излади. Исечете ги краставичките на кругови, а пиперката и доматот на коцки. Туната и сардината исцедете ги од маслото, исечкајте ги и измешајте ги со другите состојки. сето измешајте го со оризот. Направете смеса за маринирање од масло, лук, сок од лимон и зачини и прелијте ја салатата со маринада. Сервирајте ја на листови зелена салата.

Време потребно за подготовка: 60 минути

<< Сокриј го рецептот

Посна салата со макарони Прикажи го рецептот >>

Посна салата со макарони >

Сосотојки:
300 гр. спирални макарони посни 1 праз 2 конзерви туна 300 гр. посен мајонез

Упатства:
Се варат макароните во солена вода, се цедат. Се ставаат во сад со ситно сечениот праз, исцедената тун и мајонез. Се меша, лади и служи.

Време потребно за подготовка: 40 минути

<< Сокриј го рецептот

Посна руска салата Прикажи го рецептот >>

Посна руска салата >

Сосотојки:
1кг ослиќ (сварен и исчистен од кожата и коските?) 400гр варен грашок? 400гр морков (варен и сецкан на коцки?) 400гр кисели краставички сецкани? 400гр компир варен, сецкан или рендан како, ви е полесно? Сушен зачин Посен мајонез?

Упатства:
Сите горнаведени состојки измешајте ги и салатата е готова! Добар апетит!

Време потребно за подготовка: 90 минути

<< Сокриј го рецептот

Три посни ролати од една смеса Прикажи го рецептот >>

Три посни ролати од една смеса >

Сосотојки:
Состојки за основна смеса: 1 - 2 килограми компири, 400 г посни крекери, 250 г посен мајонез, сол, 3 чена лук За фил за 1 ролат 50 г. спанаќ, 100 г посен мајонез, сол по вкус За Фил за 2 ролат 1 лажичка оригано (за тестото, 3 лажици кечап, 180 г. туна За фил за 3 ролат 3 лажици ајвар (за тестото), 200 г варена пченка, 100 г мајонез

Упатства:
Подготовка: компирите излупете ги и сварете со лукот. Водата оставете ја бидејќи во неа веднаш можете да ја сварите пченката (5 минути), а кога и неа ќе ја извадите од водата додајте го спанаќот (5. минути). Лукот извадете го бидејќи ни послужил само за подобра арома. Врелите,и исцедени компири, испасирајте ги како за пире и оставете малку да се изладат, да станат млаки. Додајте ги мелените крекери, мајонез и сол и со рака убаво соединете. Се добива околу 1500 грама тесто така што за секој ролат ќе ви треба по 500 грама. Останатите состојки можат да бидат по ваш вкус. Еве некои комбинации: Прв ролат 1 лажичка куркума (за тестото), 50 г. спанаќ, 100 г посен мајонез, сол по вкус. Тестото измесете го со куркумата. Помеѓу два слоја хартија за печење расукајте правоаголник па намачкајте со подготвениот спанаќ кој сте го иситниле и сте вмешале мајонез и малку сол. Завиткајте со помош на хартијата и оставете до наредениот ден. Втор ролат 1 лажичка оригано (за тестото), 3 лажици кечап, 180 г. туна. Тестото измесете го со ориганото и како првиот ролат, помеѓу две хартии расукајте правоаголник. Измешајте ја туната со кечапот и намачкајте, па со помош на хартија завиткајте ролат. И’, него префрлете го во фрижидер да отстои еден ден. Трет ролат 3 лажици ајвар (за тестото), 200 г варена пченка, 100 г мајонез. Тестото измесете го со ајварот и развлечете - како и претходните два ролати. Намачкајте со филот, завиткајте и префрлете во фрижидер. Ролатите исечете ги, сервирајте и послуѓете. Добар апетит!

Време потребно за подготовка: 120 минути

<< Сокриј го рецептот

Посна Капри торта Прикажи го рецептот >>

Посна Капри торта >

Сосотојки:
800 гр. посен кекс 1,5 литри сок од портокал 6 пудинзи од ванила 300 гр. посно чоколадо 4 лажици масло 250 гр. посен маргарин 500 гр. јаготки 250 гр. шеќер + 6 лажици 100 гр. шеќер во прав посен шлаг

Упатства:
Во 1 литар сок од портокал ставете 6 лажици шеќер да зоврие, а потоа додадете 4 пудинзи, претходно соединети со 200 мл. сок. Сварете фил и оставете го да се излади. ИЗмиксирајте го маргаринот со шеќер во прав, а потоа додадете го во изладениот фил и добро измешајте. Јагодите прелијте ги со 300 мл. вода, додадете 250 гр. шеќер и ставете да се готви околу 10 минути. Пред крај на готвењето испасирајте ги јагодите. 2 пудинзи соединете со 150 мл. ладна вода потоа додадете ги во сварените јагоди и направете фил, кој потоа ќе го измиксирате. На чинија ставете го кексот (200 гр.), кој претходно сте го ставиле во сок од портокал. Премачкајте го со чоколадо. Над чоколадото ставете 1/3 од жолтиот фил, па 1/3 од филот од јагоди. Потоа ставете го натопениот кекс и по истиот редослед наредете три реда кекс и три реда фил. Одозгора ставете шлаг. Најубаво е ако тортата преноќи во фрижидер.

Време потребно за подготовка: 90 минути

<< Сокриј го рецептот

Посна пица од шпагети Прикажи го рецептот >>

Посна пица од шпагети >

Сосотојки:
200 гр. посни шпагети 1 главица кромид 200 гр. шампињони 2 домати сол оригано

Упатства:
Сварете ги шпагетите во солена вода. Исцедете ги и ставете ги во подмачкан плех. Ситно исецкајте го кромидот, доматите на кругови, а шампињоните на парчиња. Малку посолете, измешајте и ставете ги над шпагетите. Посолете го оригано и печете во загреана рерна. Пријатно!

Време потребно за подготовка: 60 минути

<< Сокриј го рецептот

Вегетаријански полнети пиперки Прикажи го рецептот >>

Вегетаријански полнети пиперки >

Сосотојки:
2 лажици маслиново масло 1 кромид (100 гр.) 1 чешне лук 160 гр црвена леќа 2 лисја ловоров лист 1 лажичка слатка пиперка ? лажички мелен ким ? лажички мајчина душица

Упатства:
За полнење Загрејте го маслиновото масло во голема тава и пржете го ситно исецканиот кромид на неа 3-4 минути додека не се карамелизира. Додадете го исечканиот лук и пржете додека лукот не мириса добро. 2 Измијте ја црвената леќа под млаз ладна вода, исцедете и додадете го кромидот и лукот. Потоа додадете ловоров лист, пушена пиперка, ким и мајчина душица. Промешајте добро, потоа истурете го целото вино и динстајте додека не испари целиот алкохол. 3 Промешајте ги исецканите излупени домати, истурете намалете ја топлината и варете, повремено мешајќи, 15-20 минути. 4 Кога леќата целосно ќе омекне, се згусне, додадете го оризот. Зачинете со сол и мелен црн пипер и варете кратко додека не се згусне. Тргнете од оган, оставете десет минути и потоа додадете ги пиперките. 5 Во меѓувреме, подгответе го сосот. Загрејте го маслиновото масло во мало тенџере. Додадете го ситно исечканиот лук и пржете накратко за да мириса убаво, но внимавајте да не изгори. 6 Истурете во пире од домати, намалете го огнот и варете околу 15 минути да се згусне малку. Додадете сол на крајот. Измијте ги пиперките, исечете ги врвовите и внимателно отстранете ги семките и белите мембрани. 7 Прелијте ги исчистените пиперки одвнатре со малку маслиново масло, посолете, па одозгора ставете ги со подготвеното полнење. 8 Наредете го сосот од домати на дното на сад за печење или огноотпорна тава. Наредете ги полнетите пиперки преку неа. 9 Истурете малку повеќе маслиново масло врз се. Покријте ги со фолија и печете во рерна загреана на 180 ° C 30 минути. 10 Отстранете ја фолијата, зголемете ја температурата на рерната на 200 ° C и печете ги пиперките.

Време потребно за подготовка: 120 минути

<< Сокриј го рецептот

Домашна сардина Прикажи го рецептот >>

Домашна сардина >

Сосотојки:
1,5 кгр. замрзната сардина 3 лажици сув зачин 2-3 ловорови листа 10 зрна бибер 450 мл. масло 100 мл. бела киселина

Упатства:
Исчистете ги сардините и исечете му ги главите. Измијте ги и ставете ги во тенџере во кое претходно сте ставиле дрвени стапчиња од сладолед или нешто слично, за рибата да не загори. Наредете ги сардините, ставете зачини и бела киселина (киселината се става за коските да омекнат и рибата да се јаде без да се чисти). Редете додека имате риба и ставајте од зачините. На крај прелијте со масло и оставете да се варат на тивок оган околу 5-6 часа. Откако ќе се изладат можете да ги ставите во тегли.

Време потребно за подготовка: 80 минути

<< Сокриј го рецептот