Џем од сливи печен во рерна Прикажи го рецептот >>

Џем од сливи печен во рерна >

Сосотојки:
Количина по желба

Упатства:
Измијте ги зрелите сливи, извадете им ги коските и наредете ги зависно од количината на сливите во помал или поголем сад. Вклучете ја рерната на 250 степени и печете околу 20 минути, а потоа намалете на 150 степени. Продолжете ја печете, со повремено мешање, додека џемот не почне да се згуснува, бидејќи при ладење повторно ќе се згусне. Врелиот џем ставете го во добро измиени и топли тегли, затѕворете ги со оригиналните капачиња и завиткајте ги во ќебе за постепено да се изладат.

Време потребно за подготовка: 120 минути

<< Сокриј го рецептот

Ѓомлезе Прикажи го рецептот >>

Ѓомлезе >

Сосотојки:
• 100 милилитри Масло • 2000 милилитри Вода • 1500 грама Брашно • 1 Јајца/це • малку Сол

Упатства:
Ги мешаме брашното и водата со миксер. Од прилика треба да добиеме каша слична како кашата за палачинки. Кога ќе ја добиеме потребната каша посолуваме ( и ги додаваме јајцата ако веќе ѓомлезето го правиме со јајца). Земаме тепсија и ја мачкаме со масло. Над маслото ставаме каша (потенок слој). Вака приготвената тепсија ја ставаме во рерна (доколку немаме вршник). Цело време треба да бидеме во близина на рерната за да гледаме кога ќе биде готов слојот од кашата (кога ќе поцрвени знајте дека е готов) Од како ќе поцрвени кашата ја вадиме тепсијата, над веќе печениот слој ставаме масло и повторно слој од каша. Ова го повторуваме се додека не ја потрошиме цела каша Рецептов е напишан за правење ѓомлезе во рерна.. ама ѓомлезе се прави под вршник (сач)

Време потребно за подготовка: 120 минути

<< Сокриј го рецептот

Сок од домати Прикажи го рецептот >>

Сок од домати >

Сосотојки:
20 кгр. домати

Упатства:
Сомелете ги доматите на специјална машина што ги одделува семките и лушпата. Така сомелени ставете ги да се варат и варете ги 40 минути од како ќе зовријат. По варењетo сипајте ги во претходно загреани шишиња. Секое шише завиткајте гo во весник. Наредете ги шишињата во картонска кутија и завиткајте ги со ќебе за да се ладат постепено. Оставете ги да стојат 24 часа и потоа ставете ги со останатата зимница. Се употребува како додаток за јадења и за припремање на пица. Може да се пие како сок со додаток на сол и црн пипер по вкус.

Време потребно за подготовка: 180 минути

<< Сокриј го рецептот

Слатко од дуњи Прикажи го рецептот >>

Слатко од дуњи >

Сосотојки:
1 кг убави зрели дуњи 700 г шеќер 1 чаша вода

Упатства:
Дуњите измијте ги, излупете ги, исчистете ги, исечете ги на парчиња и ставете ги во ладна вода. Во тенџере ставете една чаша вода и шеќерот и варете ги додека шеќерот сосема не се стопи, потоа врз него ставете ги исцедените дуњи и превртувајте ги за да впијат што повеќе сок. Варете ги додека не станат меки, но не смеат да се распаѓаат. Извадете ги внимателно дуњите од сокот и редете ги во тегли, а сокот и натаму варете го, се додека не се згусне како мед. Потоа тенџерето извадете го од ринглата и изладете го, прелијте ги дуњите со сокот. Откако ќе се изладат, затворете ги теглите.

Време потребно за подготовка: 180 минути

<< Сокриј го рецептот

Феферони Прикажи го рецептот >>

Феферони >

Сосотојки:
1 кгр. фиферонки 1/2 кгр. моркови 1 китка магданос 1 главица лук масло оцет

Упатства:
Засечете ги дршките и врвчињата на фиферонките, кој се предходно измиени. Запечете ги на огин сосема малку и вадете ги, и ставајте ти веднаш во длабок сад каде сте сипале оцет, провалкајте ги и веднаш вадете ги во друг сад. Морковите сварете ги и исечете ги на тркала. Магданосот и лукот исечкајте ги. По желба редете ти фиферонките во мали или големи тегли. Ставете прво фиферонки потоа моркови, магданос и лук и тоа повторете го додека не се потроши се. Одозгора во секоја тегла ставете по 1 филџан масло, а налејте ја секоја тегла со разблажен оцет во кој ќе ставите сол по вкус. Заврзете ги убаво теглите и оставете ги каде што стои другата зимница.

Време потребно за подготовка: 180 минути

<< Сокриј го рецептот

Јуфки Прикажи го рецептот >>

Јуфки >

Сосотојки:
5 кrр. брашно 30 јајца 1 литар млеко сол

Упатства:
Ставете го на даска за месење брашното, направете вдлабнатина, ставете малку сол, искршете ги јајцата и замесете тесто додавајќи по малку млеко да биде како за секоја пита. Измесете го убаво, зашто од тоа зависи како ќе се сукаат јуфките. Покријте го тестото со влажна салветка да не се суши. Оставете го да се oдмори 1 час. Потоа кинете кравајчиња и сукајте ги колку штo може потенко. Корите треба да се сушат на чисти чаршави на провев. Од кога ќе почнат корите да пукаат сами,соберете ги во платнена вреќа и оставете ги на суво место до зима.

Време потребно за подготовка: 180 минути

<< Сокриј го рецептот

Бабури со Лук Прикажи го рецептот >>

Бабури со Лук >

Сосотојки:
5 кгр. бабури 125 гр. оцет од разблажена ексенција 125 гр. масло 2 китки магданос 6-7 гранчиња керевис 2-3 главици корен од керевис 2 главици лук мелен

Упатства:
Ставете ги бабурите да се варат во врела вода 3 минути. Извадете ги од водата, па потоа извадете ги дршките и семето и оставете ги на сито да се исцедат. Во поголем сад ставете го оцетот, маслото, ситно исецканиот магданос и ситно исецкани гранчиња керевис, лукот и коренот од керевис. Сето ова убаво измешајте го и редете го во тегла на следниот начин: ред бабури, ред од филот и тоа сипајте го со лажица за да биде секоја бабура добро залеана. Завржете ги теглите со пергамент хартија и ставете ги со останатата зимница.

Време потребно за подготовка: 240 минути

<< Сокриј го рецептот

Туршија Прикажи го рецептот >>

Туршија >

Сосотојки:
Пиперчиња врвоинки (последниот род) Зелени домати карфиол моркови

Упатства:
Пиперчињата и доматите ќе се засечат по малку, а карфиолоот ќе се дели на цветови. Морковите да се исчистат, а пoтоа се добро да се измие и да се редат во тегли наизменично од сите наведени зеленчуци. Солилoто се прави на следниот начин: 10 литри вода 20 гр. винобран 10 гр. натриум бензоикум 250 тр. ексенција 400 тр. сол Сите овие продукти ќе се измешаат и ќе се налијат наредените тегли. Доколку недостасува од течнoста се прави сразмерна мерка од истите состави. Се поврзуваат теглите и се оставаат кај останатата зимница.

Време потребно за подготовка: 240 минути

<< Сокриј го рецептот

Зимска мешана салата Прикажи го рецептот >>

Зимска мешана салата >

Сосотојки:
2 кг. краставички (корнишони) 2 кг. морков 2 кг. карфоил 2 кг. зелка 2 кг. зелени домати 2 кг. црвени пиперки (капија) За пресол: 250 гр. бел оцет 1 л. вода 1 л. зејтин 400 гр. едра сол 1 кг. шеќер Бибер во зрна

Упатства:
Краставичките, морковот, пиперките и доматите се сечкаат на тенки кругови, зелката ситно се ренда, а карфиолот се одвојува на ситни парчиња. Овие состојки се редат во подлабок сад по редослед: моркови, домати, карфиол, зелка, краставички и пиперки. Пресол: оцетот, водата, зејтинот, шеќерот и јадрата сол се ставаат во тенџере на оган да зовријат. Откако ќе зоврие смесата со неа веднаш се попаруваат претходно наредените состојки за зимница. Попарената зимница се остава да отстои 24 часа, а потоа се ставаат 2 пакетчиња бибер во зрна и целата смеса убаво се промешува. Се собира во стаклени тегли кои треба да бидат убаво затворени.

Време потребно за подготовка: 240 минути

<< Сокриј го рецептот

Кечап Прикажи го рецептот >>

Кечап >

Сосотојки:
5 кгр. домати 125 гp. винска киселина 125 гр. масло 125 гр. шекер 4-5 гранчиња керевис 1 главица лук 1/2 кесички црн пипер 4 дафинови листа сол по вкус

Упатства:
Доматите измијте ги и сомелете ги на машина. Варете ги 1 час, а потоа додадете ги oцетот, маслото, шекерот, сецканиот керевис, сецканиот лук, црниот пипер, дафиновиот лист и посолете, а потоа варете гo кечапот уште 2 часа. Сипете го во тoлли тетли или шишиња, завиткајте ги во топло и оставете ги до утредента да се оладат кога ќе ги ставите кај останатата зимница.

Време потребно за подготовка: 360 минути

<< Сокриј го рецептот

Лутеница Прикажи го рецептот >>

Лутеница >

Сосотојки:
7 кгр. црвени пиперки 5 кгр. домати 500 гр. масло 400 гр. оцет 250 гр. шеќер 1 рака сол 2 главици лук 100 гр. фиферони 1 китка магданос

Упатства:
Измијте ги пиперките, извадете го семето и испечете ги. Излупети ги и ставете ги да се цедат. Доматите попарете ги со врела вода и излупете ги, а потоа изрендајде ги во поголем сад. Веднаш ставете го маслото, шеќерот, оцетот, солта и ставете го садот на оган да се вари. Од како ќе почне да врие треба 1,1/2 час да се вари. После тоа додајте ги пиперките кои во меryвреме сте ги исцепкале по должина. Пржете го сето тоа уште 1/2 час. На крај ставете дел од фиферонките сечкани а еден дел цели, магданос, и лукот кој е сечкан по должина. Со ова треба да се пржи уште 10 минути. Врела лутеница се става во толли тегли, се затвора добро се виткаат теглите и се остава да стојат 24 часа а потоа се редат кај останатата зимница.

Време потребно за подготовка: 360 минути

<< Сокриј го рецептот

Ајвар Прикажи го рецептот >>

Ајвар >

Сосотојки:
100 црвени пиперки (што „помеснати“ - тоа подобро) 400 мл. зејтин 2-3 лажици вински оцет (може и обичен) сол (по желба)

Упатства:
Подготвување Пиперките треба да се измијат, избришат и испечат. Печените пиперки се ставаат во метален сад (може и најлонска кеса) и се покриваат со капак, за да се „спарат“ и потоа полесно да се лупат. Штом ќе се оладат, се лупат и им се вадат семчињата и дршките. Се ставаат во мрежеста вреќа и се закачуваат на некое место каде ќе можат да се цедат до следниот ден... Следниот ден се мелат во машина за месо и се ставаат во големо и широко тенџере, претходно премачкано со малку зејтин. Останатиот зејтин треба добро да се загрее, а потоа со него да се прелијат мелените пиперки. Пиперките така прелеани со зејтин и покриени со капак, треба да отстојат 15 минути. Потоа тенџерето се става на оган и се започнува со пржењето на ајварот. Ајварот се пржи на висока температура, со постојано мешање и тоа околу два часа од моментот кога ќе зоврие. Кога со дрвената лажица поминувате низ смесата и останува широка видлива трага – тоа Ви е доказ дека ајварот е готов. Кога е готов, се трга од огнот и се додаваат оцетот и солта. Откако добро ќе се промеша, додека е уште врел се сипува во врели, стерилизирани тегли (во рерна, околу 30 минути на 100 °C). При полнењето внимавајте да има празен простор од околу 1 сантиметар до врвот на теглата. Теглите, наполнети, вратете ги во рерна (100 °C) уште два часа. Кога ќе ги извадите, врз ајварот налејте уште по малку зејтин, затворете ги теглите со стерилизирани херметички (или други) капачиња, убаво завиткајте ги во некоја ткаенина (на пр. ќебе) и оставете ги да „отседат“ до следниот ден. Следниот ден ставете ги теглите со ајвар да се чуваат на суво и темно место.

Време потребно за подготовка: 480 минути

<< Сокриј го рецептот