ИНТЕГРАЛНИ ГРИСИНИ Прикажи го рецептот >>

ИНТЕГРАЛНИ ГРИСИНИ >

Сосотојки:
1 килограм интегрално брашно 1 омекнат путер 150 милилитри масло 250 милилитри вода 1 прашак за пециво 1 лажичка сол сусам (и други семиња по желба)

Упатства:
Се замесува тесто од сите состојки, се вадат форми по желба и се печат на 200 степени 15-20 минути, зависно од големината. Супер се за со пивце. Follow me_mother_of_three on Instagram

Време потребно за подготовка: 50 минути

<< Сокриј го рецептот

Путер ѓевречиња Прикажи го рецептот >>

Путер ѓевречиња >

Сосотојки:
• 250 мл топло млеко • 125 мл топла вода • 60 мл масло за јадење • 2 белки • 2 лажички шеќер • 1 сув квасец • 5 чаши брашно • 1 лажица путер + уште 40 гр путер за премачкување • 1 лажичка сол • 2 жолчки за премачкување • сусам и лен по желба

Упатства:
Подготовка: Во голем длабок сад ги ставате водата, млекото, маслото за јадење, 2-те белки, шеќерот, сувиот квасец, брашното и солта. Мешате со лажица и потоа замесувате тесто. Откако тестото ќе биде нелепливо, од горната страна со прстите нанесувте 1 лажица путер и го превртувате од другата страна. Тестото се остава да стаса 30 мин. Откако тестото е стасано, на набрашнета површина го размесувате. Го делите на 9 топчиња и секое топче го расукувате и го премачкувате со путер (од тие 40 гр путер). Сечете ленти по должина и го виткате како што ви е објаснето на сликата. Откако ќе ги ставите ѓевречињата во плех обложен со хартија за печење, ги оставате на страна уште 10-тина минути. Потоа ги премачкувате со 2-те жолчки и наросувте сусам и лен. Печете на 180° Ц, 20 минути. Follow my_little_kitchen_stories on Instagram

Време потребно за подготовка: 70 минути

<< Сокриј го рецептот

Слатки кифлички со ореви Прикажи го рецептот >>

Слатки кифлички со ореви >

Сосотојки:
• 250 гр шеќер • 250 гр мелени ореви • 2 пакетчиња ванилин шеќер • 200 гр омекнат путер • 2 јајца • 5 чаши брашно • џем или крем по желба • шеќер во прав

Упатства:
Подготовка: Во длабок сад измешајте го путерот со јајцата и шеќерот. Кон нив додадете го постепено брашното, мелените ореви и ванилиниот шеќер. Замесете тесто кое не треба да биде многу лепливо, по потреба додадете уште брашно. Тестото расукајте го на набрашнета површина во облик на круг. Исечете го 4 пати кругот и ќе добиете 8 триаголници. На секој од нив, ставете по една лажичка крем или џем по избор. Завиткајте ги како кифлички и ставете ги во плех претходно обложен со хартија за печење. Печете во загреана рерна на 180°Ц, 15 минути. Пред да ги сервирате, по желба може да посипете со шеќер во прав. Уживајте во готвењето! Follow my_little_kitchen_stories on Instagram

Време потребно за подготовка: 60 минути

<< Сокриј го рецептот

Домашни соленки кои се прават за 10 минути  Прикажи го рецептот >>

Домашни соленки кои се прават за 10 минути  >

Сосотојки:
• 250 гр брашно • 250 гр пченкарно брашно • 125 гр путер или маргарин • 125 мл млеко • 2 јајца • 1 сув квасец • 1 лажичка сол • ? лажичка шеќер • 1 белка • семки по избор (сусам, ленено семе, црно семе, ким)

Упатства:
Сите состојки освен семките помешајте ги заедно. Замесете тесто и на набрашнета површина исукајте го во правоаголна форма. Исечете ленти и премачкајте ги со белка па ставете од семките по ваш избор. Ставете ги во плех обложен со хартија за печење и печете ги во загреана рерна на темература од 160°Ц 15 минути. Follow my_little_kitchen_stories on Instagram

Време потребно за подготовка: 60 минути

<< Сокриј го рецептот

Затворена пица во тава Прикажи го рецептот >>

Затворена пица во тава >

Сосотојки:
250 гр брашно 3 супени лажици зејтин 8-10 гр пециво 130 мл вода Половина кафена шолја сол 100 гр кашкавал 5 парчиња шунка или сланина

Упатства:
Замесете го тестото: Исипете 250 гр брашно во сад и додадете ги пецивото, зејтинот и солта. Додадете вода и замесете меко тесто. Поделете го тестото на 2 дела и секој дел обликувајте го во тенок слој. Врз првата кора поставете ги тенките парчиња шунка или сланина. Потоа одозгора покријте со кашкавалот. На крај покријте со вториот слој на тесто и завтикајте ги краевите. Загрејте ја тавата на слаб оган, премачкана со путер или масло. Додадете ја затворената пица и гответе под затворен капак 5-6 минути, додека кората да добие златна боја. Со помош на чинија свртете ја пицата од другата страна и оставете ја да се пече уште 5-6 минути. Пријатен апетит!

Време потребно за подготовка: 50 минути

<< Сокриј го рецептот

Martinas cooking: Топено сирење Прикажи го рецептот >>

Martinas cooking: Топено сирење >

Сосотојки:
500 гр. крем сирење (или сирење по желба) кашкавал кулен

Упатства:
Ако сте љубител на сирење ова јадење верувам к?е ве воодушеви. Послужено со фурнаринки и чаша вино со овошје е целосно уживање. Во огноотпорен сад ставете најпрво ред од крем сирењето, парчиња кулен,сланина или чајна, повторно ред од сирењето и одозгора ставете рендан кашкавал. Печете го во загреана рерна на 250 С околу 15-20 минути. Мег?у сирењето може да ставите и ред бешамел сос. Фурнаринките овој пат ги направив од тестото за пица(1шолја јогурт, 1 пециво, 2 шолји брашно и 2 лажици масло) Наздравје Follow martinascooking on Instagram

Време потребно за подготовка: 40 минути

<< Сокриј го рецептот

Martinas cooking: Брзи сендвичи Прикажи го рецептот >>

Martinas cooking: Брзи сендвичи >

Сосотојки:
Потребни состојки: 3 чаши топла вода 1 квасец 1 лажичка шеќер 1 лажичка сол 1/3 чаши масло околу 5 чаши брашно 100 гр. маргарин + 7-8 лажици масло (за премачкување)

Упатства:
Овие домашни брзи сендвичи се прават со тесто кое не се чека да нарасне а верувам ќе ви станат чести на листа за готвење. Се меси, се оформуваат, се печат 15-тина мин. Севкупно не повеќе од 1 час работа(со се јадење). Измешајте го квасецот со водата и шеќерот, па додадете ги останатите состојки, постепено додавајќи го брашното и замесете меко тесто. Тестото не се чека да нарасне, веднаш направете 15-20 топчиња(јас направив 15). Секое топче веднаш расукајте го во не многу голема кора и премачкајте го пола со масло/маргарин (растопено), преклопете и пак премачкајте и повторно нежно преклопете(не ги притискајте). Убаво премачкајте ги со маргарин, затоа што маргаринот не дозволува да се залепи тестото и останува празно измеѓу. Не ги притискајте да не се залепат. Премачкајте со јајце измешано со лажица масло и наросете сусам. Печете 10-15 минути во загреана рерна на 250 С. Кога ќе ги испечете прекријте ги со крпа малку да се изладат. Во секој дел ставете по желба сувомеснато, кашкавал, салата, сос. Follow martinascooking on Instagram Follow martinascooking on Instagram

Време потребно за подготовка: 40 минути

<< Сокриј го рецептот

Чоколаден путер со лешници Прикажи го рецептот >>

Чоколаден путер со лешници >

Сосотојки:
200 гр лешници 200 гр чоколадо за готвење 2 лажици мед

Упатства:
Рерната приклучете ја на 200 степени да се загрее. Лешниците ставете ги на плех за печење и печете ги во рерната не повеќе од 5 минути, колку за да ја ослободат својата арома. Завиткајте ги во чиста крпа и истријте ги од кафеавата лушпа. Потоа, лешниците ставете ги во блендер и блендирајте ги околу 3 минути, односно додека се претворат во путер. Чоколадото стопете го на оган, па измешајте го со медот и додајте ги во садот со путерот од лешници. Блендирајте уште малку додека смесата добие изглед на путер. Вака припремениот путер можете да го чувате во фрижидер најдолго 2 недели.

Време потребно за подготовка: 80 минути

<< Сокриј го рецептот

Крцкави варени ѓевреци Прикажи го рецептот >>

Крцкави варени ѓевреци >

Сосотојки:
500-600 гр брашно 300 мл млака вода малку масло 30 гр квасец 5 лажици шеќер сусам

Упатства:
Квасецот растворете го во вода, додајте шеќер и кога ќе се раствори додајте брашно. Замесете средно тврдо тесто. Кога ќе биде глатко покријте го да одмори 30 минути. Растегнете го тестото на дебелина од 1,5 см и вадете поголеми погачици, а потоа од нив со чаша вадете помали. Така добивате исечени ѓевреци. Прекријте со фолија. Во тенџере ставете шеќер и карамелизирајте го па додајте 1 л вода. Кога ќе зоврие спуштајте ги ѓевреците и гответе ги околу 2 минути. Вадете ги на крпа на која сте ставиле сусам. Посипете ги со сусам, а потоа наредете ги во плех на кој сте ставиле хартија за печење. Рерната вклучете ја на 200 степени и печете околу 30 минути.

Време потребно за подготовка: 50 минути

<< Сокриј го рецептот

Карамел крем Прикажи го рецептот >>

Карамел крем >

Сосотојки:
шеќер - 200 гр павлака - 200 мл масло - 30 гр ванила - 3 пакетчиња сол - 1 прстофат

Упатства:
Во длабок сад со дебело дно загрејте го шеќерот додека не се формира карамел. Ставете ја павлаката и оставете ја да зоврие. Додадете ванила, масло и сол. Гответе го кремот на тивок оган додека не се добие хомогена и мазна смеса.

Време потребно за подготовка: 30 минути

<< Сокриј го рецептот

Топено сирење Прикажи го рецептот >>

Топено сирење >

Сосотојки:
400 гр фета сирење 250 гр чадена сланина 400 гр млечен кашкавал 5 лажици доматно пире 5 лажици благо млеко малку буковец

Упатства:
За добро топено сирење потребна е само добра температура на печење и добро одбрани сирења. Најпрво релната се вклучува на најсилна температура и додека се загрева се почнува со редење на сирењето. Најдобро е кога се топи во земјен сад, а може и во малечки за секого поединечно. Најдолу се става фета сирењето. Со виљушка убаво се распределува по целото дно на тавата. Врз него се става 5 лажици благо млеко и 5 лажици доматно пире (или домашна салца, домата). Над нив се реди сланината претходно исечена на коцки и пропржена на малку масло. И врз неа доаѓа рендан кашкавал. Убаво е кашкавалот да е ајдамер или по ваш избор мешан млечен кашкавал. Врз кашкавалот се посолува букова сол и се става на печење. Се пече 15-тина мин и потоа се вклучува опција на релната печење со вентилатор. Се пече уште 5 мин за да се добие златно жолта коричка. Се служи топло со варено вино, топло лепче или фурнаринки.

Време потребно за подготовка: 20 минути

<< Сокриј го рецептот

Празнични соленки Прикажи го рецептот >>

Празнични соленки >

Сосотојки:
1/2 кгр. брашно 1/2 маргарин кристал 1 филџан масло 100 гр. рендано сирење 1 лажиче сол сусам

Упатства:
Се ставаат во длабок сад сите состојки. Тестото се соединува со подолготрајно месење. Се остава во фрижидер 4 часа. Се сучи подебела кора и се вадат форми. Соленките се мачкаат со жолчка и им се става сусам. Се печат. Пријатно!

Време потребно за подготовка: 50 минути

<< Сокриј го рецептот