Пица за заљубени Прикажи го рецептот >>

Пица за заљубени >

Сосотојки:
- замрзнато лиснато тесто - 300 гр. чери домати - 2 лажички масло - 1 чешне лук - 1/2 лаж. сол - 1 лаж. исецкан магдонос - 150 грама моцарела - 1 лаж. ливчиња босилек

Упатства:
Исукајте го тестото во големина од тепсија а потоа исечете го во форма на срце. На тестото ставете ги исечените домати и ставете го да се печи во релна претходно загреана на 210 C. За тоа време измешајте го маслото со толчениот лук, солта и магданосот. Исечете парчиња моцарела. Кога ќе ја извадите пицата од рерна, веднаш прелијте ја со подготвеното масло и одозгора ставете ја моцарелата. По желба ставете шунка и печурки. Вратете ја во рерната и печете уште 10 минути. Добар апетит вљубени!

Време потребно за подготовка: 50 минути

<< Сокриј го рецептот

Плескавици од грав Прикажи го рецептот >>

Плескавици од грав >

Сосотојки:
50 грама Презла 4 лажица/ци Масло 100 грама Маслинки 60 грама Мајонез 1 чешниња Лук 80 грама Кашкавал 250 грама Грав 200 грама Брашно 2 Јајца/це малку Сол

Упатства:
Сварете го гравот убаво, или доколку е од конзерва исцедете го од течноста. Измешајте јајце во посебен сад. Испасирајте го убаво да се добие смеса како пире. Измешајте го со кашкавалот, додете малку сол, 1 јајце и ситно исечкан лук. Смесата убаво промешајте ја, измесете ја со рацете ако е неопходно и направете плескавици. Извалајте ги во брашно а потоа веднаш и во изматеното јајце и на крај во презлата. Повторете ја постапката за секое од плескавиците. Во една тава поставете масна хартија (огноотпорна), поставете ги ќофтињата и полијте ги малку со масло. Печете ги на 200 степени околу 10-тина минути. Сецканите маслинки промешајте ги со мајонезот. По желба полијте ги ќофтињата со смесата од мајонез и маслинки или сервирајте ги одвоено.

Време потребно за подготовка: 50 минути

<< Сокриј го рецептот

Полнети печурки Прикажи го рецептот >>

Полнети печурки >

Сосотојки:
500 грама свежи шампињони 250 грама свински врат или сланина 200 грама кашкавал 200 грама бело кравјо сирење соја сос масло, сол

Упатства:
1.Печурките се чистат со влажна крпа и им се вадат дршките. 2. Сланината и сирењето се сечкаат на многу ситни коцки а кашкавалот на малку поголеми. Сирењето може и да се згмечи со виљушка. 3.Во отворот од печурките прво ставаме малку сол, па ги полниме со сланина и сирење. Одозгора им ставаме по едно кашкавалче. 4.Се ставаат по плех намачкан со масло и се печат во загреана рерна на 220 степени околу 15 минути. 5.Дршките од печурките ситно ги сечкаме и ги пржиме со остатокот од сирењето и сланината.Им додаваме едно лажиче соја сос. Ова се служи како прилог со печурките. Многу едноставен и вкусен рецепт.

Време потребно за подготовка: 40 минути

<< Сокриј го рецептот

Полнети тиквички Прикажи го рецептот >>

Полнети тиквички >

Сосотојки:
2 средни тиквички 1 јајце Парче сирење Сол Зачини Зејтин Вода

Упатства:
Тиквичките се лупат и се сечат на половина. Се варат 15-тина мунути, колку да омекнат. Се вадат од садот во кој се вареле, и им се вади средниот дел (да се направи вдлабнатина). Отстранетиот дел се пасира, се додава едно матено јајце, и сирење по желба. Тиквичките се стават во сад за печење, и се става смесата во средина. Се става малку вода, и зејтин. Се пече во рерна околу 20-тина минути.

Време потребно за подготовка: 60 минути

<< Сокриј го рецептот

Постапалки - трчалки Прикажи го рецептот >>

Постапалки - трчалки >

Сосотојки:
1 кгр. брашно 1 квасец 2 јајца 1/2 литар млеко 1/4 кгр. шеќер

Упатства:
Се меси меко тесто од сите состојки. Се растегнува кора со дебелина од еден прст и се вадат стапалките со модла. Се печат додека не заруменат.

Време потребно за подготовка: 70 минути

<< Сокриј го рецептот

Празнични соленки Прикажи го рецептот >>

Празнични соленки >

Сосотојки:
1/2 кгр. брашно 1/2 маргарин кристал 1 филџан масло 100 гр. рендано сирење 1 лажиче сол сусам

Упатства:
Се ставаат во длабок сад сите состојки. Тестото се соединува со подолготрајно месење. Се остава во фрижидер 4 часа. Се сучи подебела кора и се вадат форми. Соленките се мачкаат со жолчка и им се става сусам. Се печат. Пријатно!

Време потребно за подготовка: 50 минути

<< Сокриј го рецептот

Пржени тркалца од кромид Прикажи го рецептот >>

Пржени тркалца од кромид >

Сосотојки:
1 1/4 сенаменско брашно 1 лажиче пециво 1 лажиче сол 1 јајце 1 шолја млеко 2 главици кромид, исечени на кругови лебни трошки 1 шолја корнфлекс (по желба) масло за пржење

Упатства:
Во тенџере за пржење ставете поголемо количество масло да се загрее на средна температура. Во мал сад настрана, измешајте ги брашното, солта и пецивото. Во друг сад настрана помешајте ги јајцето и млекото и смесата претурете ја во брашното. Во просецор измешајте ги лебните трошки и корнфлексот. Тркалцата од кромид натопете ги прво подготвената смеса од брашно и јајцатa, а потоа обложете ги во смесата од лебни трошки и корнфлекс. Пржете ги на многу добро загреано масло додека не поруменат од двете страни. Многу е важно тенџерето во кое ќе ги пржите тркалцата да не го натрупате со многу тркалца кромид, туку ставете онолку колку што собира тенџерето. Ако ставите многу тркалца кромид, температурата на маслото ќе опадне.

Време потребно за подготовка: 40 минути

<< Сокриј го рецептот

Путер ѓевречиња Прикажи го рецептот >>

Путер ѓевречиња >

Сосотојки:
• 250 мл топло млеко • 125 мл топла вода • 60 мл масло за јадење • 2 белки • 2 лажички шеќер • 1 сув квасец • 5 чаши брашно • 1 лажица путер + уште 40 гр путер за премачкување • 1 лажичка сол • 2 жолчки за премачкување • сусам и лен по желба

Упатства:
Подготовка: Во голем длабок сад ги ставате водата, млекото, маслото за јадење, 2-те белки, шеќерот, сувиот квасец, брашното и солта. Мешате со лажица и потоа замесувате тесто. Откако тестото ќе биде нелепливо, од горната страна со прстите нанесувте 1 лажица путер и го превртувате од другата страна. Тестото се остава да стаса 30 мин. Откако тестото е стасано, на набрашнета површина го размесувате. Го делите на 9 топчиња и секое топче го расукувате и го премачкувате со путер (од тие 40 гр путер). Сечете ленти по должина и го виткате како што ви е објаснето на сликата. Откако ќе ги ставите ѓевречињата во плех обложен со хартија за печење, ги оставате на страна уште 10-тина минути. Потоа ги премачкувате со 2-те жолчки и наросувте сусам и лен. Печете на 180° Ц, 20 минути. Follow my_little_kitchen_stories on Instagram

Време потребно за подготовка: 70 минути

<< Сокриј го рецептот

Ролат со ајвар Прикажи го рецептот >>

Ролат со ајвар >

Сосотојки:
3 јајца 3 лажици брашно 1 прашок за печиво 3 лажици ајвар 100 мл јогурт 250 мл кисела павлака 100 гр шунка 150 гр кашкавал 50 гр печурки

Упатства:
Во длабок сад со миксер изматете ги јајцата со јогуртот. Додадете ги брашното и прашокот за печиво. На крај, ставете го ајварот и убаво измешајте. Смесата претурете ја во тава за печење обложена со харија за печење. Не го печете тестото во тавче од рерна, туку во помало. Печете го во рерна загреана на 230 целзиусови степени, околу 20 минути. Кога ќе биде тестото печено, завитакјте го во влажна кујнска крпа. За тоа време направете го филот мешајќи ги сите состојки предвидени за фил. Кога тестото ќе се олади и омекне, отворете го и премачкајте го со филот. Завиткајте го во ролат и исечете го на парчиња.

Време потребно за подготовка: 60 минути

<< Сокриј го рецептот

Свежи јагоди за во зима Прикажи го рецептот >>

Свежи јагоди за во зима >

Сосотојки:
јагоди шеќер вода алкохол

Упатства:
Одберете убави и здрави јагоди. Би било идеално да не се презреани и внмавајте да нема расипани ил оштетени меѓу нив. Сварете ги шеќерот и водата да вријат 3-4 минути. Размерот е 1:1. Оставете да се излади, додека стане топол. За тоа време јагодите измијте ги во алкохол или ракија, за да ја сочуваат убавата црвена боја. Измиените јагоди наредете ги во тегла и прелијте ги со топлот сируп. Капаците од теглите ставете ги во ракија и затворете ги теглите. Во голем лонец на дното ставете стара крпа. Ставете ги затворените тегли завткани во весници. Ставете ладна вода во лонецот и варете ги теглите на тивок оган (откако ќе зовријат), околу 10 минути. Оставете ги теглите во водата се додека не се изладат.

Време потребно за подготовка: 90 минути

<< Сокриј го рецептот

Сендвич со цвекло, печурки и спанаќ Прикажи го рецептот >>

Сендвич со цвекло, печурки и спанаќ >

Сосотојки:
2 кришки леб 120 гр сирење 2 лажици путер 2 лажици обарен спанаќ 2 лажици свежи печурки, пржени 2 лажици цвекло од тегла

Упатства:
Спанаќот обарете го во врела и солена вода, додека да омекне. Печурките исечкајте ги и на малку путер испржете ги со зачини. Цвеклото исечкајте го на помали коцки и ставете го во сирењето. Преклопете го сендвичот со другото парче леб. Во тавче за пржење ставете малку путер на ниска температура да се растопи. На растопениот путер ставете го сендвичот да се запече убаво од двете страни. Треба да биде со нежна златна боја, не препржен или препечен. Пред сервирање, исечете го на четвртинки и така топол сервирајте го.

Време потребно за подготовка: 40 минути

<< Сокриј го рецептот

Слатки кифлички со ореви Прикажи го рецептот >>

Слатки кифлички со ореви >

Сосотојки:
• 250 гр шеќер • 250 гр мелени ореви • 2 пакетчиња ванилин шеќер • 200 гр омекнат путер • 2 јајца • 5 чаши брашно • џем или крем по желба • шеќер во прав

Упатства:
Подготовка: Во длабок сад измешајте го путерот со јајцата и шеќерот. Кон нив додадете го постепено брашното, мелените ореви и ванилиниот шеќер. Замесете тесто кое не треба да биде многу лепливо, по потреба додадете уште брашно. Тестото расукајте го на набрашнета површина во облик на круг. Исечете го 4 пати кругот и ќе добиете 8 триаголници. На секој од нив, ставете по една лажичка крем или џем по избор. Завиткајте ги како кифлички и ставете ги во плех претходно обложен со хартија за печење. Печете во загреана рерна на 180°Ц, 15 минути. Пред да ги сервирате, по желба може да посипете со шеќер во прав. Уживајте во готвењето! Follow my_little_kitchen_stories on Instagram

Време потребно за подготовка: 60 минути

<< Сокриј го рецептот